“ТАЛЫН ГЭГЭЭ” ХӨДӨЛГӨӨНТ ОНОШИЛГООНЫ ТӨВ ХОЙТ ЗАМД АЖИЛЛАЖ БАЙНА

09 / 05 0 сэтгэгдэл 832 үзсэнe

“УБТЗ” ХНН нийгмийн хариуцлагынхаа хүрээнд төмөр замчид тэдний гэр бүлд эмнэлгийн тусламж үйлчилгээг ойртуулах зорилгоор жил бүр нарийн мэргэжлийн эмч нарын баг бүхий “Талын гэгээ” хөдөлгөөнт оношилгооны төвийг шугам замаар аялуулдаг юм. Энэхүү 4 вагоноос бүрдсэн хөдөлгөөнт оношлогооны төв нь нүд, чих хамар хоолой, шүд, эмэгтэйчүүд, мэдрэл, мэс засал, дотор, эмнэл зүйн лаборатори, ариутгалын кабинетуудтай бөгөөд орчин үеийн дурангийн болон эхо, рентген оношилгооны тоног төхөөрөмжөөр иж бүрэн тоноглогдсон юм. Мөн эмнэл зүйн лаборатори нь нийтдээ 80 нэр төрлийн шинжилгээг хийх хүчин чадалтай. УБТЗ-ын Төв эмнэлгийн их эмч клиникийн профессор Г.Нарандэлгэрээр ахлуулсан 24 хүний бүрэлдэхүүнтэй баг энэ сарын 4-ний өдрөөс Сүхбаатар, Салхит, Дархан зангилаанд 10 хоног ажиллаж, эрүүл мэндийн урьдчилан сэргийлэх үзлэг шинжилгээ хийхээс гадна Монгол Улсын Засгийн газраас хэрэгжүүлж байгаа эрт илрүүлгийн багц үзлэг, шинжилгээ, оношилгоонд хамруулах юм. Хөдөлгөөнт оношилгооны төв нь 2019-2022 онд хойд, урд шугам замд нийт 16 удаа аялж, 100 мянга шахам хүнийг үзлэг оношилгоонд хамруулжээ. УБТЗ цаашдаа хөдөлгөөнт оношилгооны төвийн үйл ажиллагааг өргөжүүлж, төмөр замчид болон орон нутгийн иргэдэд хүрэх эмнэлгийн тусламж үйлчилгээг сайжруулахын тулд дахин 2 вагоныг 2024 он гэхэд нэмж тоноглохоор төлөвлөж байна. Ингэснээр эмнэлгийн зориулалтаар иж бүрэн тоноглосон нийт 6 вагонтой явуулын амбулаторитой болох төслийг амжилттай хэрэгжүүлж дуусах юм.

АНГЛИ ХЭЛНИЙ ЯРИАН ДЭЭР СУУРИЛСАН ХӨТӨЛБӨР

08 / 31 0 сэтгэгдэл 419 үзсэнe

3 Н САРААР БАГЦАЛСАН ҮР ДҮНТЭЙ ХӨТӨЛБӨРӨӨР ЭЛСЭЭРЭЙ # АНГЛИ # ХЭЛНИЙ ЯРИАН ДЭЭР СУУРИЛСАН ХӨТӨЛБӨР БОДИТ ҮР ДҮНГ АМЛАНА ХӨТӨЛБӨРИЙН ДАВУУ ТАЛ : ОЛОН ЖИЛИЙН ТУРШЛАГАТАЙ ЗААХ АРГА ЗҮЙН УР ЧАДВАР САЙТАЙ БАГШ НАРЫН БАГ СУРГАЛТЫГ УДИРДАЖ ЯВУУЛНА ӨВӨРМӨЦ СОНИРХОЛТОЙ ҮР ДҮНТЭЙ ЗАЛУУ ҮЕИЙНХНИЙ ОНЦЛОГИЙГ ДЭМЖСЭН БҮТЭЭЛЧ , СОНИРХОЛТОЙ АРГА БАРИЛААР ХИЧЭЭЛЛЭНЭ БОЛОВСРОНГУЙ ЧАНАРТАЙ СИСТЕМТЭЙ СУРГАЛТЫН МАТЕРИАЛААР ХАНГАНА СУРГАЛТЫН НАЙРСАГ , ТАВ ТУХТАЙ ТААТАЙ ОРЧИН БҮРДҮҮЛСЭН БОДИТ ҮР ДҮНГ АМЛАЖ БАЙНА ХЭН СУРАХ АРГА БАРИЛЫГ БОГИНО ХУГАЦААНД ҮР ДҮНТЭЙГЭЭР СУУЛГАНА ЦАГИЙН ХУВААРЬ : 7 Н ХОНОГТ 3 Н ӨДӨР ӨГЛӨӨ ОРОЙН ЦАГИЙН СОНГОЛТТОЙ . 80708058 РУУ ЗАЛГАЖ ИЛҮҮ ДЭЛГЭРЭНГҮЙ МЭДЭЭЛЭЛ АВААРАЙ

“МОНГОЛИАНАРТ” ОЛОН УЛСЫН УРАН БАРИМЛЫН СИМПОЗИУМ АМЖИЛТТАЙ ӨНДӨРЛӨЖ, ҮЗЭСГЭЛЭНГЭЭ НЭЭЛЭЭ

08 / 29 0 сэтгэгдэл 694 үзсэнe

Соёл урлаг, хэвлэл мэдээллийн төслийн менежмент, зөвлөгөө НҮТББ болон “НордАрт” - олон улсын дүрслэх урлагийн үзэсгэлэн хоорондын хамтын ажиллагааны хүрээнд олон улсын нэр хүндтэй уран бүтээлчдийг Монголд урьж оролцуулсан “МонголианАрт” олон улсын уран баримлын симпозиум 8-р сарын 4-нөөс 8-р сарын 21-ний хооронд Тэрэлж байгалийн цогцолбор газарт байрлах “Гүрү Эко” цогцолборт амжилттай зохион байгуулагдсан билээ. Симпозиумын үеэр туурвигдсан томоохон бүтээлүүдийн “Public Art - Urban Sculpture” үзэсгэлэн 8-р сарын 24-ний өдөр ХААН Банк цамхгийн гадна талбай болон Хаан Галарейд нээгдлээ. Нээлтийн ажиллагаанд тус симпозиумын албан ёсны түнш НЗД-ын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн, ХБНГУ-аас Монгол Усад суугаа Онц бөгөөд Бүрэн эрхт элчин сайд Хэлмут Кулитц, Төслийг санаачлагч, зохион байгуулагч, Монгол Улсын Соёлын элч О.Оюунтуяа, дэмжигч ХААН Банкны Өмчийн харилцааны газрын захирал О.Тэмүүлэн оролцлоо. Энэ үеэр Элчин сайд Хэлмут Кулитц “Урлагт аливаа соёл болон хэлний хил хязгаар гэж үгүй бөгөөд орчуулах шаардлагагүй бүх нийтийн хэл юм. Сүүлийн есөн жилийн хугацаанд Монгол Улс болон НордАрт үзэсгэлэнгийн хоорондын хамтын ажиллагаа хэрхэн цэцэглэн хөгжиж байгааг хараад үнэхээр их урам зориг авч байна” гэв. Мөн НЗД-ын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн “Энэхүү олон улсын уран баримлын симпозиумын арга хэмжээ нь Монгол Улсын Засгийн газраас зарласан “Монголд зочлох жил”-тэй уялдан холбогдож байгаа бөгөөд цаашид олон жил зохион байгуулагдана гэдэгт итгэж байна. Эдгээр бүтээлүүд нь улаанбаатарчуудын нүд, сэтгэлийг баясгаж, нийслэл хотын гудамж, зам талбайг чимэхээр болж байгааг харахад таатай байна” гэлээ. Энэ жилийн “МонголианАрт” уран баримлын симпозиумын үзэсгэлэнд Монгол, Герман, Итали, Испани, Болгар, Эстони, Өмнөд Солонгос зэрэг долоон орны есөн уран бүтээлч оролцож байгаагаас симпозиумын үеэр зургаан уран барималч Монголын байгалийн боржин чулуу, ган, төмрөөр томоохон бүтээлүүдээ туурвиж, гурван уран бүтээлч нь бэлэн бүтээлээрээ үзэсгэлэнд оролцож байна. Үзэсгэлэнгийн куратороор О.Оюунтуяа, Ц.Солонго нар хамтран ажилласан бөгөөд ХААН цамхгийн гадна талбайд байршсан томоохон бүтээлүүд болон ХААН Галерейд тавигдсан уран бүтээлүүд нэн орчин үеийн баримлууд нийтийн хүртээл болж байгаагаараа онцлог боллоо. Уран бүтээлчид Монгол орны байгалийн сайханд онгодоо хөглөн, түүх соёлоос төрсөн сэтгэгдэл мэдрэмжээ өөрсдийн бүтээлдээ шууд тусган буулгажээ. Өмнөд Солонгосын уран бүтээлч Ёнгсун Жан “Надад Монгол гэхээр хамгийн түрүүнд хээр тал, салхи, элсэн цөл, нарны хурц туяа санаанд ордог. Би энэ удаагийн Монгол дахь симпозиумд эдгээр төсөөллөө ашиглан “Шиморин Бризз” сэдэвт бүтээлээ туурвиж байна. Говь хэмээх хязгааргүй элсэн цөлд сэвэлзүүр салхи эрх дураараа хийсэж буй ийм дүрслэлийг өөрийн жижиг ган цагариг холбоос бүхий бүтээлээрээ илэрхийлэхийг хичээлээ” хэмээв. Болгарийн уран бүтээлч Лилия Поборникова “Би Монголд анх удаа ирээд байгалийн сайхан орчинд ажиллаа. Миний баримлын нэр бол “Уулзвар”. Хоёр төрлийн дүрсийг зохицуулж хослуулснаар бид амьдралдаа янз бүрийн сонголт хийж төрөл бүрийн зам жимийг гаргадаг гэсэн утга агуулсан. Миний бүтээл анхны загвараасаа өөрчлөгдсөн. Учир нь хүрээлэн буй орчноосоо өөр онгод мэдрэмж аваад түүнийгээ бүтээлдээ шингээж бүтээлийнхээ анхны санаагаа өөрчлөн, авчирсан загвар моделиосоо ялгаатай болсон” хэмээн бүтээлүүдийнхээ туурвилын талаар хуваалцсан юм. МонголианАрт олон улсын уран баримлын симпозиум нь Монгол Улсын ба олон улсын шилдэг уран бүтээлчдийн хоорондын мэргэжлийн туршлага, соёлын солилцоо, оюутан залуучууд, иргэдэд урлаг соёл, гоо зүйн боловсрол олгох, мөн гадаад сурталчилгаа, соёлын аялал жуулчлалд хувь нэмэр оруулж олон улсын уран бүтээлчид болон НордАрт-ын Зүүн Өмнөд болон Төв Азийн жуулчид, үйлчлүүлэгчдийн урсгалыг Монгол улс руу татах онцгой ач холбогдолтой. “МонголианАрт” олон улсын уран баримлын симпозиумын үзэсгэлэн нь ХААН Банк цамхгийн олон нийтэд нээлттэй орчинд, харин НордАрт-ын уран бүтээлчдийн хамтарсан үзэсгэлэн Хаан Галерейд 9-р сарын 30-ыг хүртэл олны хүртээл болно. Уран бүтээлүүд дээр байршигдах Dynamic QR код бүхий интерактив коммуникаци сурталчилгаагаар дамжуулан уран нбүтээлийн тухай бүхий л талын мэдлэг, мэдээллийг англи болон монгол хэл дээр авах боломжтой. Энэхүү арга хэмжээ нь 2024 онд тохиох Монгол Улс, ХБНГУ-ын хооронд дипломат харилцаа үүсэж хөгжсөний 50 жил, НордАрт, Монгол Улс хоорондын хамтын ажиллагааны 10 жилийн ойг тус тус угтан зохион байгуулагдаж байгаа бөгөөд 2024 оноос эхлэн Монгол Улсад цаашдаа гурван жил тутамд зохион байгуулагдана.

“БИЗНЕС ЭРХЛЭГЧ ЭМЭГТЭЙЧҮҮДИЙГ ДЭМЖИХ ХӨТӨЛБӨР”-ИЙН ЭЭЛЖИТ СУРГАЛТАА ЗАРЛАЛАА

08 / 29 0 сэтгэгдэл 477 үзсэнe

“БИЗНЕС ЭРХЛЭГЧ ЭМЭГТЭЙЧҮҮДИЙГ ДЭМЖИХ ХӨТӨЛБӨР”-ИЙН ЭЭЛЖИТ СУРГАЛТАА ЗАРЛАЛАА Жендерийн тэгш байдлыг хангаж, эмэгтэйчүүдийн эрхийг дэмжихэд анхааран ажиллаж буй ХААН Банк нь өнгөрсөн хугацаанд эмэгтэй бизнес эрхлэгч харилцагчдаа бүх талаар дэмжиж, бизнесээ өргөжүүлэх, амжилттай удирдан манлайлахад нь санхүүгийн болон санхүүгийн бус туслалцаа дэмжлэг үзүүлсээр ирсэн билээ. Энэ жилийн хувьд ХААН Банк нь үнэт зүйлдээ тусгасан “Тогтвортой хөгжилд манлайлж ажиллана” зорилгынхоо дагуу бизнес эрхлэгч эмэгтэйчүүдийн бизнесийг дэмжих, өрсөлдөх чадварыг сайжруулах, санхүүгийн хүртээмжийг нэмэгдүүлэх зорилгоор “Бизнес эрхлэгч эмэгтэйчүүдийг дэмжих хөтөлбөр”-ийг зарлан хэрэгжүүлж буй. Тус хөтөлбөрийн хүрээнд бизнесийн салбар дахь эмэгтэйчүүдийг дэмжих, тэдний бизнесийн үйл ажиллагаа, ашиг орлогыг нэмэгдүүлэх чиглэлээр 2023.09.07-09.28-ны хооронд сургалт зохион байгуулагдах гэж байна Сургалт нь хувь хүний хөгжил болоод бизнесийн удирдлага гэсэн үндсэн хоёр агуулгын хүрээнд дараах байдлаар явагдана. Хувь хүний хөгжил: Амьдралын зөв хэмнэл ба сэтгэлзүй Би брэнд бүтээхүй Багийг удирдах нь манлайллын ур чадвар Хол тэжээлийн зохистой хэрэглээ Бизнесийн удирдлага: Бизнес төлөвлөлт ба гүйцэтгэлийн удирдлага Санхүүгийн тайлан унших, шинжилгээ хийх Процесст суурилсан менежмент Хөтөлбөрт бүрэн хамрагдсанаар удирдлага, захирал хүн дан ганц өөрөө хөгжөөд зогсохгүй баг хамт олондоо хэрхэн үр дүнтэйгээр нөлөөлөл үзүүлж болдог вэ гэдгийг суралцах боломжтой. Мөн карьер төлөвлөлтөө дахин шинэчлэх, сайжруулах, би брэндийг бүтээх аргад суралцаж, хувь хүний хөгжил болоод багийн гишүүдийн хөгжлийг сайжруулах ур чадварыг эзэмших юм. Түүнчлэн санхүүгийн шинжилгээ, удирдлагын шийдвэр гаргалт, бизнес төлөвлөлт ба гүйцэтгэлийн удирдлага, процессийн менежмент зэрэг чухал арга барилуудыг зааж сургах ажээ. Амжилтын төлөө, бизнесээ шинэ түвшинд хүргэх хүсэл эрмэлзэлтэй, ХААН Банкны харилцагч эмэгтэй захирал, үүсгэн байгуулагч та бүхнийг дээрх сургалтад урьж байна. Жич: Сургалтад оролцогч нь байгууллагын захирал эсвэл удирдах албан тушаалтан байх ёстой ба тус байгууллагын хүний нөөцийн талаас илүү хувь нь эмэгтэй ажилтантай байх ёстойг анхаараарай. Хугацаа: 2023.09.07-09.28-ны өдрүүдэд 7 хоног бүрийн 09:00-13:00 цагийн хооронд (3 долоо хоног үргэлжилнэ) Байршил: Жич зарлана. Бүртгэл: 2023.09.05-ны дотор доорх линкээр бүртгэнэ. Линк:

“UPDATE CASHBACK” BSB-д эхэллээ

08 / 29 0 сэтгэгдэл 404 үзсэнe

Монголын хамгийн том электрон бараа, компьютер, гар утасны BSB салбар дэлгүүрүүдэд хичээлийн шинэ жилийг тохиолдуулан “ UPDATE CASHBACK ” худалдаа эхэллээ. Та компьютер худалдан авах бүртээ 3-7%-н CASHBACK-ийг газар дээр нь буцаан авах боломжтой. Мөн гар утас бүр БЭЛЭГ-тэй худалдаалагдаж байна. Нэмээд та худалдан авалт бүртээ дижитал тоглоом тоглож газар дээр нь олон бэлэгнүүдээс хожоорой. Хэрвээ та зээлээр бараа авахыг сонирхож байвал BSB -гийн салбар дэлгүүрүүдэд хамгийн бага 1.8%-ийн хүүтэй лизингийг газар дээр нь 10-хан минутанд шуурхай олгож байна. “UPDATE CASHBACK” худалдаа нь 9-р сарын 10-ны өдрийг дуустал явагдах тул та өөрт ойрхон BSB-гийн салбар дэлгүүрүүдээр зочилж хамгийн олон төрлийн компьютер, гар утас болон бусад шилдэг технологийн бараануудаас сонголтоо хийгээрэй. Нэмээд дуулгахад, Дархан, Эрдэнэт, Даланзадгад хотууд дахь BSB-гийн салбар дэлгүүрүүдэд ч бас энэхүү худалдаа мөн адил явагдаж байна. Компьютер, принтер үзэх: Гар утас үзэх: Салбар дэлгүүрүүдийн хаяг байршил харах: Харилцах утас: 7722-0272 “UPDATE CASHBACK” Зөвхөн BSB-д

Ж.САНДАГСҮРЭН: НИЙТИЙН ЭРХ АШГИЙГ ХӨНДӨЖ БАЙГАА ТУЛ “AQUA GARDEN”-Д ЗААВАЛ СОНСОХ АЖИЛЛАГАА ЯВУУЛАХ ШААРДЛАГАГҮЙ

08 / 25 0 сэтгэгдэл 578 үзсэнe

Нийслэлийн Засаг дарга захирамж гарган, Сэлбэ-Дунд голын энгийн болон онцгой хамгаалалтын бүс, үерийн далан сувгийн хамгаалалтын зурваст орсон “Aqua garden” хорооллын хоёр блок, “S outlets”, мөн “Шунхлай” шатахуун түгээх станц зэрэг барилга, байгууламжуудыг албадан буулгахаар болсон. Энэ талаар Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэнгээс тодрууллаа. -“Aqua garden” хотхон, “S outlets”, мөн “Шунхлай” шатахуун түгээх станцын барилга байгууламжуудыг албадан буулгах Нийслэлийн Засаг даргын захирамжийн хэрэгжилт ямар шатандаа явж байна вэ? -Нийслэлийн Засаг даргын иргэдийн эрүүл, аюулгүй орчинд амьдрах эрхийг хангаж, хуулийн хэрэгжилтийг зохион байгуулах тухай захирамж гарсан. Захирамжийн хүрээнд Ажлын хэсэг байгуулагдан, хэрэгжилтийг ханган ажиллаж байна. Усны нөөцийг хомсдох, бохирдохоос хамгаалах, үер, усны гамшгаас сэргийлэх зорилгоор усны сан бүхий газар, усны эх үүсвэрт онцгой болон энгийн хамгаалалтын, эрүүл ахуйн бүс тогтоодог. Хан-Уул дүүргийн 15 дугаар хорооны нутаг дэвсгэрт “Эм Энд Жи констракшн” ХХК, түүнчлэн Сүхбаатар дүүргийн 1 дүгээр хорооны нутаг дэвсгэрт иргэн Д.Батзоригт эзэмшүүлсэн газар нь Сэлбэ голын энгийн хамгаалалтын бүс, үерийн далан сувгийн хамгаалалтын зурвас газарт орсон. Өөрөөр хэлбэл, Усны тухай хуулийн 22.2 дахь хэсэгт “Усны сан бүхий газрын эргээс 50 метрээс доошгүй зайд болон гол мөрний татамд онцгой хамгаалалтын бүс тогтооно”. Мөн зүйлийн 22.2.1 дэх хэсэгт “Онцгой хамгаалалтын бүсэд барилга, байгууламж барих, газар хагалах, тэсэлгээ хийх, газар тариалан эрхлэх, ашигт малтмал хайх, олборлох, зэгс, шагшуурга, мод огтлох, элс, хайрга, чулуу авах, байгалийн ургамлыг үйлдвэрлэлийн зориулалтаар түүж бэлтгэх, мал угаах болон хөдөө аж ахуйн бүтээгдэхүүн үйлдвэрлэх цэг байгуулахыг хориглоно” гэснийг тус тус зөрчсөн нь байгаль орчны улсын ахлах байцаагчийн дүгнэлтээр тогтоогдсон. Өөрөөр хэлбэл, үерийн гамшгийн улмаас шинэ нөхцөл байдал бий болсноор нийтийн ашиг сонирхол зөрчигдөхөөр байгаа тул Захиргааны ерөнхий хуулийн холбогдох заалтуудыг үндэслэл болгосон юм. Улмаар “Эм Энд Жи констракшн” ХХК-д эзэмшүүлсэн газарт барьж байгаа нийт дөрвөн блок барилгын онцгой хамгаалалтын бүсэд хамаарч байгаа хоёр блокийг, иргэн Д.Батзоригт эзэмшүүлсэн газарт барьсан барилгын түр зөвшөөрөл бүхий хоёр объектыг албадан буулгана. -“Aqua garden”-ий барилгын үйл ажиллагаа үргэлжилж байгаагаас гадна албадан буулгахтай холбоотой мэдэгдэл хүргүүлээгүй гэж байгаа. Энэ талаар тодруулахгүй юу? -Барилгын тухай хууль болон бусад холбогдох хууль тогтоомжид заасны дагуу 51 метрээс дээш өндөр болон 16-аас дээш давхартай орон сууцны зориулалттай барилгыг онцгой төвөгшилтэй барилга гэж үзэн, БХБЯ-наас барилгын ажлын зөвшөөрөл өгч, мөн ажлыг зогсоох эрх нь ч тус яаманд байдаг. Үүнтэй холбоотойгоор барилгын ажил үргэлжилж байж болно. Мөн Захиргааны ерөнхий хуулийн 28.1.1-д тухайн үйл ажиллагаа нь иргэдийн нийтийн эрх ашгийг хөндөж байвал заавал сонсох ажиллагаа явуулахгүйгээр асуудлыг шийдвэрлэхээр заасан.

ЯЛЛАГДАГЧ А.ДЭЛГЭРДАЛАЙ ОРГОН ЗАЙЛАХЫГ ЗАВДАЖ БАЙНА

08 / 23 12 сэтгэгдэл 2 798 үзсэнe

Монгол улсын хуулийн цоорхойг ашиглан залилан, малын хулгайн хэргээр ял эдэлж байсан хэсэг бүлэг нөхдүүд мөрийтэй тоглоом тоглуулж байгаа билээ. Ингэхдээ тэд Монгол улсын хуулийг зөрчихгүй, Эрүүгийн цагдаагийн алба хаагчид арга хэмжээ авч чадахааргүй хэмжээнд мөрийтэй тоглоом зохион байгуулдаг байна. Эрүүгийн цагдаагаас зөвхөн дансыг нь “түгжих” аргаар л мөрийтэй тоглоомчдыг түр аргацаадаг болсоор багагүй хугацаа өнгөрч байгаа. Дансаа “түгжүүлсэн” мөрийтэй тоглоомчид ямар нэгэн аргаар хилийн дээс алхаж, мөнгөө аваад эх орноосоо арилдаг болсон. Өдгөө энэ аргыг мөрийтэй тоглоомчин А.Дэлгэрдалай ашиглаж байгаа гэнэ. Тэрбээр өдгөө яллагдагчаар татагдсан бөгөөд мөн л дансаа түгжүүлсэн байгаа Удахгүй А.Дэлгэрдалай эх орноосоо оргон зайлахаар төлөвлөөд байгаа гэнэ. Өөрөөр хэлбэл түүнд хилийн хориг тавиагүй тул эх орноосоо оргон зайлсны дараа “түгжигдсэн” данс нь нээгдэж, тэрбээр залилсан байж болзошгүй их хэмжээний мөнгөтэй болох юм. А.Дэлгэрдалайн хувьд хамаарал бүхий этгээдүүдийн хамт мөрийтэй тоглоом зохион байгуулдаг юм байна. Хэдийгээр яллагдагчаар татагдсан байгаа ч гэм буруутайг шүүх эцэслэн тогтоох юм. Харин шүүхээс ял оноохоос өмнө тэрбээр ийнхүү оргон зайлах гэж байгаа нь цагдаагийн зарим алба хаагчидтай холбоотой гэх мэдээлэл бий. Бид мөрийтэй тоглоомчдын ард цагдаагийн ямар алба хаагчид байж, ямар татвар татаас авдаг талаар дараагийн цуврал мэдээллээрээ хүргэх болно. Эх Сурвалж : TAC.MN

Капитал банк Нэгүүн сайт

08 / 22 0 сэтгэгдэл 534 үзсэнe

Д.Гантөмөр: Капитал банкны өрийг бүрэн барагдуулахад 104.6 тэрбум төгрөг хангалтгүй Капитал банканд байршиж байсан Эрүүл мэндийн даатгал, нийгмийн даатгалын сангийн хөрөнгийг эргэн төлүүлэхтэй холбоотой Капитал банкны гүйцэтгэх захирлаар ажиллаж байсан А.Ариунболд болон Капитал банкны орлогч Б.Янжин болон зээлийн газрын дарга С.Дэлгэрцэцэг нарыг холбогдуулан шалгаж эхэлжээ Тус хэргийн анхан шатны шүүх хурал Чингэлтэй дүүргийн эрүүгийн хэргийн анхан шатны шүүхэд болж А.Ариунболдыг банкыг төлбөрийн чадваргүй болгох хэргийг дангаараа үйлдсэн гэж үзээд Капитал банкны орлогч Б.Янжин болон зээлийн газрын дарга С.Дэлгэрцэцэг нарыг цагаатгах шийдвэрийг гаргасан. Харин прокуророос А.Ариунболдод 3.6 жилийн хорих ялыг нээлттэй хорих ангид эдлүүлж 104.6 тэрбум төгрөгийг гаргуулах саналыг гаргаад байсан хэдий ч анхан шатны шүүхээс түүнийг 104.6 тэрбум төгрөгийн 99 гаруй тэрбумыг төлсөн учир 2 жилийн тэнсэн харгалзах ял оноож энэ хугацаанд үлдсэн 5 тэрбум 300 сая төгрөгийг банкны эрх хүлээн авагчид олгох шийдвэр гаргасан юм. Харин банкны эрх хүлээн авагчийн зүгээс 5 тэрбум 300 сая төгрөг нь Капитал банкны өрийг бүрэн дарахад хүрэлцэхгүй гэж үзэн давж заалдсан бөгөөд нийслэлийн эрүүгийн хэргийн давж заалдах шатны шүүхээс анхан шатны шүүхийн шийдвэрийг хэвээр үлдээж шийдвэрлэжээ. Энэ талаар банкны эрх хүлээн авагчийн өмгөөлөгч Д.Гантөмөрөөс тодрууллаа. - Банк хүлээн авагчийн зүгээс гаргасан гомдлыг давж заалдах шатны шүүх хангаж чадав уу? Бид Нийслэлийн давж заалдах шатны шүүхэд 2 агуулга бүхий гомдол гаргасан. Ингэхдээ анхан шатны шүүх бол капитал банкны хохирлын хэмжээг багаар тооцсон учир бодит хэмжээг тооцож өгөөчээ. Мөн хэргийн зүйлчлэлд шүүгдэгч нарыг цагаатгасан шийдвэрийг эргэж харж хөрөнгийг битүүмжилж өгөөчээ гэсэн гомдлыг гаргасан. Гэвч давж заалдах шатны шүүхээс Капитал банкны хохирлын хэмжээг анхан шатны шүүх 104.6 тэрбум төгрөгөөр тогтоон шийдвэрлэсэн нь үндэслэлтэй бөгөөд Капитал банкны гүйцэтгэх захирал асан А.Ариунболдод оноосон 2 жилийн тэнсэн харгалзах ял зөв байна гэж үзлээ. Мөн түүний доор ажиллаж байсан 2 удирдлагыг цагаатгасан нь үндэслэлтэй байна гэж үзсэн. Эрх хүлээн авагчийн зүгээс А.Ариунболд түүний хамаарал бүхий компаниудын нэр дээрх шилжилт хөдөлгөөнийг хязгаарласан эд хөрөнгүүдээс 5.3 тэрбум төгрөгт дүйцэх хэмжээний хөрөнгийг үлдээж бусад хөрөнгийн шилжилт хөдөлгөөнийг сэргээхээр шийдвэрлэсэн нь үндэслэлгүй, шинжээч хохирлын хэмжээг тогтоохдоо Монгол Улсын Хөгжлийн банк, Монголбанк, Сангийн яаманд төлөх нийт 130.2 тэрбум төгрөгийн өр төлбөрийг банкны өр төлбөрөөс хассан нь үндэслэлгүй бөгөөд хэрэг энэ байдлаар эцэслэн шийдвэрлэгдэх тохиолдолд Төрийн байгууллагуудын хохирол цаашид төлөгдөхгүй үлдэж, хохирох эрсдэлтэй гэж үзэж байгаа юм байна. Тиймээс дараагийн шатны шүүх буюу улсын дээд шүүхэд гомдолоо гаргана. - Шүүгдэгчийн талаас ямар байр суурьтай байсан бэ? Тэнсэн харгалзах 2 жилийн хугацаанд шүүхийн шийдвэрийг бүрэн барагадуулах боломжтой гэж үзэж байгаа юм уу? Шүүгдэгчийн өмгөөлөгчийн зүгээс А.Ариунболдыг цагдан хорихгүй бол 5.3 тэрбумын хохирлыг 2 жилийн хугацаанд бүрэн барагдуулах боломжтой. Ингэхдээ А.Ариунболд болон түүний хамаарал бүхий этгээдүүдийн хөрөнгийг суллаад өгвөл бизнесээрээ дамжуулаад өр төлбөрөө барагдуулчихнаа гэдэг тайлбарыг хэлж байсан. -Капитал банкны өрийг бүрэн төлөхөд хэд орчим төгрөг шаардлагатай гэж үзэж байгаа вэ? Хэрэг эцэслэн шийдэгдээгүй байгаа учраас тодорхой ярихад хэцүү байна. Мөрдөн шалгах ажиллагааны явцад ер нь бол шинжээч 104.6 тэрбум төгрөг гэж гаргахдаа бусдад өгөх капитал банкны өр төлбөрөөс санхүүгийн тайланд байсан 130.0 тэрбум төгрөгийг хассан. Тиймээс шүүхээс тогтоосон 104.6 тэрбум төгрөг дээр хасаад байгаа 130.0 тэрбум төгрөгийг нэмж өгөөчээ гэдэг үндэслэлийг гаргасан. Энэ бол эрх хүлээн авагчаас хүлээн авах ёстой төрийн байгууллагуудын мөнгө.

Ш.ЦЭВЭЭН: ТЭМЭЭНИЙ НООСООР 10 ГАРАН ТӨРЛИЙН БҮТЭЭЛ ХИЙЖ БОЛНО

08 / 22 0 сэтгэгдэл 565 үзсэнe

СОЁЛЫН БИЕТ БУС ӨВИЙГ СУРТАЛЧЛАН ТАНИУЛАХ, ТҮГЭЭН ДЭЛГЭРҮҮЛЭХ, ҮР ХОЙЧ ҮЕ ДЭЭ ӨВЛҮҮЛЭН ҮЛДЭЭХ ЗОРИЛГО БҮХИЙ “НҮҮДЭЛЧИН МОНГОЛ-2023” ДЭЛХИЙН СОЁЛЫН ФЕСТИВАЛЬД БАЯНХОНГОР АЙМГИЙН БАЯНЛИГ СУМААС ОРОЛЦОЖ БУЙ Ш.ЦЭВЭЭН ГУАЙ НААДАМД ИРСЭН ХҮМҮҮСТ ТЭМЭЭНИЙ АШИГ ШИМИЙН ТУХАЙ ТАНИЛЦУУЛСАН ЮМ. МОНГОЛЧУУДЫН ТАВАН ХОШУУ МАЛЫН НЭГ ТЭМЭЭ НЬ НҮҮДЭЛЧИН АРД ТҮМЭН БИДЭНД ОЛОН ТӨРЛИЙН АШИГ ТУСТАЙ АМЬТАН. ИНГЭНИЙ СҮҮГЭЭР ААРУУЛ, ХООРМОГ ХИЙНЭ. ИНГЭНИЙ СҮҮ НЬ ХАВАН ХӨӨХ, ХАНИАД ТОМУУНААС СЭРГИЙЛДЭГ АЧ ХОЛБОГДОЛТОЙ. ИНГЭНИЙ ХООРМОГИЙГ ХАЛААХ ТУСАМ ЧАНАР НЬ САЙЖИРДАГ. ИНГЭНИЙ СҮҮГЭЭР ЭЛЭГ ЦӨС УГААХ, ХОДООДНЫ ШАРХ, ХООЛ БОЛОВСРУУЛАХ ЭРХТЭНД САЙН ЗЭРЭГ ХҮНИЙ БИЕД АЧ ТУС ИХТЭЙ. ТЭМЭЭНИЙ НООСООР АЙЛ ӨРХ 10 ГАРУЙ ТӨРЛИЙН БҮТЭЭЛ УРЛАХ БОЛОМЖТОЙГООС ГАДНА ТҮҮХИЙ ЭД НЬ МАШ ОЛОН ТӨРЛӨӨР МАЛЧДЫН АМЬДРАЛД ХЭРЭГЛЭГДДЭГ ЮМ. ХАТУУ ЭР НООСООР НЬ ДЭЭС ТОМЖ, ГОЁМСОГ ШИРДЭГ ШИРДЭГ. ЗӨӨЛӨН ТОРГОМСОГ ЭМ НООСООР НЬ БЭЭЛИЙ, ЦАМЦ, ОЙМС ЗЭРГИЙГ ХИЙДЭГ. УТАС ЭЭРЭХЭД ЭХЛЭЭД НООСОО САЙХАН ЦЭВЭРЛЭЖ БАЙГААД СЭМЭЛДЭГ. ЭЭРСЭН УТСААРАА ГЭРИЙН БҮЧ, БОТГО ТОРОМНЫ НОГТ, ЧАГТ ГЭЭД НООСООР ХИЙЖ БОЛОХ БҮХИЙ Л ЗҮЙЛИЙГ УРЛАЖ БОЛНО. Ш.ЦЭВЭЭН ГУАЙ УТАС ЭЭРЧ, ИНГЭ ХӨӨСЛӨХ, ИДЭЭ СҮҮГЭЭР НЬ ЮУ ХИЙЖ БОЛОХ ЗЭРГИЙГ ХҮМҮҮСТ ХАРУУЛАХ, ТАНИУЛАХ ЗОРИЛГОТОЙГООР ЭНЭХҮҮ НААДАМД ОРОЛЦОЖ БАЙГАА АЖ. ТЭРБЭЭР ХЭЛЭХДЭЭ ЗАЛУУ ГЭР БҮЛҮҮД ҮР ХҮҮХДҮҮДДЭЭ СОНИРХУУЛЖ ЗААЖ СУРГАЖ БАЙГААГ ХАРАХАД САЙХАН БАЙНА. МОНГОЛ АХУЙГАА ДЭЛХИЙН БУСАД УЛС ОРНЫ ХҮМҮҮСТ ТАНИУЛАХААС ГАДНА ЗАЛУУС ХҮҮХЭД БАГАЧУУДАД АХУЙ СОЁЛЫГ НЬ ХАРУУЛСАН ӨРГӨ Н ДЭЛГЭР НААДАМ БОЛЖ БАЙГААД ТАЛАРХАЖ БАЙНА ХЭМЭЭВ.

ЦАГ АГААР ХЭВИЙН БАЙВАЛ ИРЭХ САРЫН ЭХЭЭР УРГАЦ ХУРААЛТ ЭХЛЭХ ТӨЛӨВТЭЙ БАЙНА

08 / 20 0 сэтгэгдэл 53 үзсэнe

Ургацын урьдчилсан баланс тогтоох, ургацын төлөв байдал, салбарт хэрэгжиж буй бодлого, үйл ажиллагаатай танилцах ажлаар Газар тариалангийн бодлогын хэрэгжилтийг зохицуулах газрын дарга Д.Есөн-Эрдэнэ нар Сэлэнгэ, Булган, Орхон, Дархан-Уул аймагт ажиллалаа. Улаанбуудай аарцан болцын үе шатанд байгаа бөгөөд цаг агаар хэвийн байвал 9 дүгээр сарын эхээр ургац хураалт эхлэх төлөвтэй байна. Тариаланчид ургац хураалтын бэлтгэл ажлыг хангах, техник засварын ажил гүйцэтгэж байна. Улаанбуудайн үр шинэчлэлийн зорилгоор хөнгөлөлттэй нөхцөлөөр олгосон Алтайская 70, Алтайская 75, Алтайская 325, Новосибирская 41 сортын элит үрийн ургалт гойд сайн байгааг тариаланчид онцлов. Төмс, хүнсний ногооны түүвэр хураалт үргэлжилж, бүтээгдэхүүнээ зах зээлд борлуулж эхэллээ.