КОВИД НЭГЭНТ ХЯНАЛТАА АЛДЧИХААД БАЙХАД 20Н САЯ ТӨГРӨГ ЗАРЦУУЛЖ ИРГЭДИЙГ ХЯНАХ УУ

10 / 27 0 сэтгэгдэл 357 үзсэнe

“КОВИД-19” вирусийн халдвар авсан иргэдийг GPS суурилуулсан бугуйвчаар хянах ажлыг Харилцаа холбоо, мэдээлэл технологийн газар Улсын онцгой комисстой хамтарч хийхээр болсон. Тэгвэл ХХТГ-аас “Сим” ХХК-тай энэ агуулгаар 20 сая төгрөгийн ажил гүйцэтгэх гэрээ байгуулж төлбөрийг төлжээ. Гэвч энэ цаг үед ковид нэгэнт хяналтаа алдсан гэж хэлж болохуйц байхад энэ мэт үрэглгэн зардал хэнд ашигтай байна вэ. Харилцаа холбоо, мэдээлэл технологийн газар өнгөрсөн 2020 оны арванхоёрдугаар сард “Сим” ХХК УОК-оос бэлдэж өгсөн серверүүдэд программ хангамж суурилуулах УОК-оос томилсон мэргэжилтнүүдэд программ хангамжийн ашиглалтын сургалт хийх Гэрийн хяналтад байгаа иргэдийн гар утсанд GPS суурилуулах, бүртгэх, мэдээлэл оруулах Халдвар авсан иргэдийг GPS бугуйвчаар хангах, төхөөрөмжид тохиргоо хийх, бүртгэх, мэдээлэл оруулах зэрэг ажлуудыг гүйцэтгэхээр болсон байдаг.Гэсэн хэдий ч тус гэрээ ажил хэрэг болж амьдрал дээр хэрэгжилгүй байсаар өнөө цагт буюу өнгөрсөн 9-р сард л гэрээний төлбөр нь төлөгдсөн байгаа юм.Энэ нь жил орчим хугацааны дараа буюу ийнхүү өнгөрсөн сарын 10-нд гэрээний дугаарыг бичээд 20 сая төгрөг шилжүүлсэн баримт үлдээжээ.Өөрөөр хэлбэл өнгөрсөн оны арванхоёрдугаар сард гэрээ хийгдсэн боловч төлбөр нь саяхан шилжсэн нь хардлага төрүүлсэн асуудал болж байна. Учир нь өнөөдрийг хүртэл УОК-оос халдвар авсан иргэдийг GPS-ээр хянах шийдвэр эцэслэн гаргаагүй байгаа. Харин халдвар нэгэнт хяналтаа алдсан гэж дүгнэж болохуйц энэ цаг үед GPS-ийн санаачилгаа хэрэгжүүлэхээр зэхэж мөнгө төлбөрөө шилжүүлсэн байгаа бол энэ асуудал нь ажил хэрэг гэхээсээ илүүтэй ашиг нөгөөтэйгүүр төсвийн мөнгийг үргүй зарлагдаж буй ажил болж байгаа юм.

УИХ-ЫН ГИШҮҮН М.ОЮУНЧИМЭГ ЦАР ТАХАЛД НЭРВЭГДСЭН ИРГЭДИЙГ АРЧААГҮЙ ГЭВ ҮҮ

10 / 26 0 сэтгэгдэл 533 үзсэнe

Өнөөдөр Нийгмийн бодлогын байнгын хорооны хуралдаан Төрийн ордонд боллоо.Хуралдааны үеэр УИХ-ын гишүүн, Нийгмийн бодлогын байнгын хорооны дарга М.Оюунчимэг ковид тусаагүй иргэдээ төрөөс урамшуулах хэрэгтэй талаар онцолсон нь олны эгдүүцлийг төрүүллээ.Учир нь тэрээр энэ үеэр цар тахалд нэрвэгдсэн ард иргэд арчаагүй аминдаа хайргүй мэтээр адласан байдаг. Мөн тэрээр нас барсан иргэдийн тоог энэ үеэр зөрүүтэй хэлж байлаа.Цар тахалд хариуцлагагүй иргэд нэрвэгдсэн хамрагдсан мэтээр хэлсэн үгэнд нь олон нийт өнөөдөр эгдүүцэнгүй хүлээн авлаа.Учир нь түүний хэлсэн үгэнд биеэ буруу авч явдаг хамгийн хариуцлагагүй нь дэндсэн иргэд ковидын халдвар авсан мэтээр өгүүлсэн байдаг. [media=https://www.youtube.com/watch?v=PKMPy57jOD0]

Д.ӨНӨРБОЛОР ГИШҮҮН ОРОСООР “УС ЦАС” АЖ...ГАЙХАЛТАЙ !

10 / 26 0 сэтгэгдэл 344 үзсэнe

УИХ-ын гишүүн Д.Өнөрболор нэг хэсэг Хөрөнгө оруулалтын тухай хуульд нэмэлт өөрчлөлт оруулах тухай хуулийн төслийг санаачилж, гарын үсэг зурсан асуудлаар олны шүүмжлэлд өртсөн. Тиймээс ч тэрээр хуулийн төслийг татан авах хүсэлтийг УИХ-ын дарга Г.Занданшатарт хүргүүлснээр энэ асуудал намжсан байдаг бол тэрээр ахин шинэ асуудалд нэр холбогдлоо. Д.Өнөрболор гишүүн дахин шүүмжлэлд өртөж, олны дургүйцлийг төрүүлжээ.Тодруулбал : Тэрээр Евроазийн эмэгтэйчүүдийн гуравдугаар чуулганд оролцож байхдаа оросоор илтгэл тавьж, сэтгэгдлээ хуваалцжээ. Энэ талаараа ч өчигдрөөс эхлэн сошиалаар сэвж, орос хэлэнд гаргууд гэдгээ олон нийтэд гайхуулаад амжлаа.Гэвч түүний энэ үйлдэл олон нийтэд сайшаагдсангүй. Төрд түмнийгээ төлөөлөхөөр сонгогдсон гишүүд хэлний мэдлэгтэй тэр дундаа орос хэл мэддэг чаддаг байх нь энгийн бөгөөд наад захын шалгуур үзүүлэлт байтал өөрийгөө суртачлах дөвийлгөх гэсэндээ энэ мэтийг сошиол орчиндоо байршуулж байгаа нь ичгэвтэр хэрэг хэмээн шүүмжлэх иргэд цөөнгүй байлаа.

11-Р АНГИЙН СУРАГЧ ХҮҮ ХҮНИЙ ЭРДЭНЭТ АМЬ НАСЫГ АВАРЛАА

10 / 26 0 сэтгэгдэл 933 үзсэнe

Нийслэлийн ерөнхий боловсролын лаборатори 33-р дугаар сургуулийн 11д ангийн сурагч Т.Эрдэм хүү шатаж буй хүний галыг нь эрэлхэгээр унтарааж амь насийг нь аварчээ. Т.Эрдэм: Цонхны хичээлээ тараад явж байхад манай сургуулын доор эхэндээ зүгээр гал гарсан байсан. Би хүн шатаж байна гэж бодоогүй. Зүгээр хэдэн хүүхдүүд зүгээр өвс навч шатааж байгаан болуу гэж бодоод тэгээд яараад очсон чинь хүн шатаж байхтай таарсан. Эхлээд юм бодохгүй зүгээр хувцасаа тайлаад галыг нь унтараах гэж хичээгээд дээрээс нь нэлээн цохьсон чинь гал нь унтарахгүй тэгээд дээрээс нь бүтээгээд нэлээн юм болж байж унтараасан. Эрдэнэт хүний амь насыг галын аюулаас аварсан Т.Эрдэм хүүд Нийслэлийн цагдаагийн удирдах газарын гэр бүлийн хүчирхийлэл, хүүхдийн эсрэг гэмт хэрэгтэй тэмцэх газарын хамт олон болон монголын сурагчидын холбооноос дурсгалын зүйл гардуулан баяр хүргэж амжилт хүссэн юмаа. НЦУГ-ын гэр бүлийн хүчирхийлэл, хүүхдийн эсрэг гэмт хэрэгтэй тэмцэх хэлтсийн дарга, цагдаагийн хурандаа Б.Батзориг: Аймшигт галын аюулаас хүний амь аварсан Эрдэм хүү үе тэнгийнхэндээ маш сайхан үлгэр дуурайлал болсон бас эр хүний, эрэгтэй хүүхдийн бас өсвөр насны хүүхдийн эр зоригийг харуулсан үйл явдал боллоо. Эрдэм хүүгийн жишээ бол маш олон олон хүүхдэд байгаа. Манай монгол улсын ирээдүй болсон өсвөр насны хүүхдүүдийн Эрдэм хүүгийн гаргасан эр зоригтой хамарсан хүний амийг аварсан энэ үйлдэл нь ирээдүйд монголын иргэд гэрэлтэй гэгээтэй байгаагийн нэг тод жишээ юмаа. Хүүхдүүд та бүхэн үе тэнгийхэндээ үргэлж тусалж байгаа нь ирээдүйнхээ төлөө хийж буй нэг зөв алхам юм. Эцэг эхчүүд асран хамгаалагчид та бүхэн хүүхэдтэйгээ үргэлж ярилцаж юү хүсэж мөрөөдөж, юүнд тэмүүлж байгааг нь сонсож байх нь чухал юмаа. Хүний амь нас гэдэг бол юүгаарч орлуулашгүй юүгаарч хэмжишгүй зүйл билээ. Тэгвэл Эрдэм хүү хүний амь насыг аварч нэг гэр бүлийг элэг бүтэн амьдрахад нь тусалсан байна. Ингээд монголын бахархал болсон Эрдэм дүүдээ халуун талархал илэрхийлж бусдын төлөө гэсэн сайхан сэтгэл нь үргэлж гэгээтэй байг.

ФАЙЗЕР ВАКЦИНЫ 3 ДАХЬ ТУНГ ХИЙЛГЭЭД 73 НАСТАЙ ИРГЭН НАС БАРЛАА

10 / 26 0 сэтгэгдэл 875 үзсэнe

БЗД -ийн Өрхийн эрүүл мэндийн төв дотор хүн нас барсан гэх мэдээлэл 2021.10.25-ны 15:23-д цагдаагийн байгууллагад бүртгэгдсэн байна. Мэдээллийн дагуу шалгалтын ажиллагаа явуулахад БЗД-17 Эрдэнэтолгойн ..... тоотод суух эрэгтэй 73 настай Р, ил харагдах гэмтэл, шархгүй нас барсан хэргийг одоогоор БЗДЦХ-3 шалгаж байна. Тодруулга : Амь хохирогч файзер вакцины 3 дахь тунг хийлгээд 20 минут ажиглалтад байж байгаад гадаа гараад ухаан алдаж унасан гэх

ЦАХИЛГААН УТАСНЫ МАССЫН УЛМААС 25-30 НАСНЫ 4 ЗАЛУУС ШАТАЖ НАС БАРЖЭЭ

10 / 26 0 сэтгэгдэл 1 060 үзсэнe

БЗД Их Дарь-Эхийн .... тоотод байрлах байшинд гал гарч, хүн шатаж нас барсан гэх мэдээллийг 2021.10.25-ны 04:33-д цагдаагийн байгууллагад бүртгэгдэж шалгалтын ажиллагаа явуулсан байна. Уг шалгалтаар нийслэл хотод харьяалалтай эрэгтэй 28 настай Д, Эрэгтэй 30 настай Т, Эмэгтэй 25 настай Х, Эрэгтэй 26 настай Г нарын дөрвөн залуус шатаж нар барсан байсныг тогтоожээ. Одоогоор уг хэргийг БЗД-ийн Цагдаагийн 2 дугаар хэлтэс шалгаж байна. Тодруулга : Урьдчилсан байдлаар цахилгааны утасны масс үүссэнээс гал гарсан байж болзошгүй гэх

ХҮН ХӨНӨӨГӨӨД ГЭРИЙНХЭЭ ДУТУУ УХСАН ЖОРЛОНГИЙН НҮХЭНД ХАЯЖ, ЦАГДААД ДУУДЛАГА ӨГЧЭЭ

10 / 26 0 сэтгэгдэл 807 үзсэнe

БЗД -17 хороо Эмнэлгийн .... тоотод дутуу ухсан жорлонгийн нүхэнд манай найз шөнө ирсэн бололтой унаад нас барчихсан байна, би сая л харлаа гэх мэдээллийн дагуу 2021.10.25-ны 12 цагийн үед шалгалтын ажиллагаа явуулсан байна.Шалгалтаар тус тоотод сууж эрэгтэй 39 настай М согтуурсан үедээ маргалдсаны улмаас эрэгтэй 33 настай Н-ын шанаа болон цээжин тус газарт цохиж, амь насыг нь хохироосон болох нь тогтоогджээ. Одоогоор хэргийг БЗДЦХ-3 шалгаж байна. Тодруулга : Задлан шинжилгээний анхны дүгнэлтээр дагзны баруун дунд хэсгийн хуйханд цус хуралтай, гавлын арын хуйханд баруун талын суурь ясны чулуулаг хэсгийн ар дотор хэсгээс эхлэн дээшээ дагзны төвгөр хүртэл үргэлжилсэн 11 см урт шугаман хугаралтай, гавал тархины гэмтэл гэх.

Т.ЭНХТҮВШИН: УБТЗ-ЫН ДАРГЫГ МОНГОЛЫН ТАЛААС ЯАРАЛТАЙ ТОМИЛОХ ШААРДЛАГАТАЙ

10 / 25 0 сэтгэгдэл 910 үзсэнe

Улаанбаатар төмөр зам хувь нийлүүлсэн нийгэмлэгийн даргыг томилох асуудал ОХУ, Монгол хоёр улсын дунд яригдаж байгаа. Энэ талаар УИХ ын гишүүн Т.Энхтүвшин байр сууриа илэрхийлж тус байгууллагын даргыг яаралтай томилох шаардлагатайг хэлж байна. Үүний зэрэгцээ ирэх оны улсын төсөв батлагдахтай зэрэгцэн аймаг орон нутагт эхлүүлсэн томоохон бүтээн байгуулалтыг үргэлжлүүлэх төсөв санхүү хүсч саналаа хүргүүлжээ.Үүнээс өөрөөр хэрэгцээ шаардлагагүй үрэлгэн зардалд санал хүргүүлээгүй гэдгээ энэ үеэр мэдээллээ.

“ЭРДЭНЭС МОНГОЛ”-ЫН ЗАХИРАЛ Д.ХАЯНХЯРВАА ХЯТАД ХӨРӨНГӨ ОРУУЛАГЧААСАА ХАХУУЛЬ АВСАН УУ

10 / 25 0 сэтгэгдэл 972 үзсэнe

“Эрдэнэс Монгол” компанийн захирал Д.Хаянхярвааг албан тушаалаа урвуулж, бусдаас их хэмжээний хахууль авсан үндэслэлээр АТГ-ынхан өнгөрсөн долоо хоногийн даваа гаргаас шалгасан.Үүнтэй холбогдуулан тэрээр Улсын ерөнхий прокурор Б.Жаргалсайханд хандан хүсэлт гаргаж, “Ажилд орсон цагаасаа эхлэн тус компанид байгаа хууль бус үйл ажиллагаа, авилга, хээл хахуулийн шинжтэй үйлдлүүдийг таслан зогсоох талаар хүчин чармайлт гарган ажиллаж ирсэн хэмээн бичсэн байдаг. Хууль зөрчсөн үйлдлүүдийг хууль хяналтын байгууллагаар шалгуулах хүсэлтээ албан бичгээр хүргүүлсэн. Гэтэл намайг учир шалтгаангүй хорьж байна. Монгол Улсын ерөнхий прокурор та энэ хууль бус ажиллагааг таслан зогсоож надад холбогдуулаад байгаа асуудлыг хянан хэрэгсэхгүй болгож, хууль бус үйл ажиллагаа явуулсан албан тушаалтнуудад зохих хуулийн хариуцлага хүлээлгэх арга хэмжээ авч өгнө үү” гэжээ. Түүний өмгөөлөгч П.Баасанжав нь “2019 онд Д.Хаянхярвааг УИХ-ын гишүүн байх үед "Эрдэнэс Монгол" ХХК-д зарлагдсан тендерийн асуудлаар баривчилсан нь хууль бус” хэмээн мэдэгдсэн. Тэгвэл баттай эх сурвалжууд Д.Хаянхярвааг бусдыг шантаажилж их хэмжээний хахууль авсан гэх үндэслэлээр шалгаж байгаа гэсэн мэдээлэл өгчээ.Хэвлэлүүдийн мэдээлсэнээр “Говьсүмбэр аймгийн нутаг дахь, “Эрдэнэс Монгол” компани, БНХАУ-ын аж ахуйн нэгжтэй 50:50 хувийг хамтран эзэмшдэг Шивээ-Овоогийн нүүрсний ордын олборолтыг эхлүүлэх зөвшөөрлийг өгөхгүй хясан боогдуулж Хятад талын хөрөнгө оруулагчдаас нь их хэмжээний валют хахуульд авсаныг АТГ-ынхан тогтоосон гэх мэдээлэл байна. Энэ хэрэгт холбогдуулан Д.Хаянхярваагийн туслах н.Уртнасан гэх хүнийг ч саатуулан шалгаж байгаа аж. “Эрдэнэс Монгол” ХХК нь Хонконгийн хөрөнгө оруулалттай “Эйкүсора” гэх компанитай Шивээ-Овоогийн ордын тусгай зөвшөөрлийг хамтран эзэмшдэг.Мөн түүнийг Шивээ-Овоогийн нүүрсний уурхайг түшиглэсэн 200МВт-ын чадалтай цахилгаан станц барих төслийг хэрэгжүүлэхийн тулд Н.Отгонбаатар гэх хүнд давуу эрх олгож, түүнээс гурван удаагийн үйлдлээр нэг сая ам.доллар хахуульд авсан нь тогтоогдсон талаархи мэдээлэл ил болоод байна.

ТТАХНЭ-Т КОРОНА ВИРУСИЙН ХАЛДВАР АВААД ЭМЧЛЭГДЭЖ БАЙСАН ИРГЭН НАС БАРЛАА

10 / 25 0 сэтгэгдэл 834 үзсэнe

Төрийн тусгай алба хаагчдын нэгдсэн эмнэлгийн эрчимт эмчилгээний тасагт хэвтэн эмчлэгдэж байсан эрэгтэй 42 настай А ил харагдах гэмтэл, шархгүй нас барсан хэргийг ЧДЦХ-1 шалгаж байна. Тодруулбал : Амиа алдсан иргэн 10-р сарын 04-ний өдөр корона вирусийн халдвар авч, 5 хоног гэрээр эмчлэгдэж байгаад 10-р сарын 09-ний өдөр ТТАХНЭ-т хүргэгдэн эмчлэгдэж байжээ. Улмаас ийнхүү 14 хоног тус эмнэлэгт эмчлэгдэж байгаад 2021.10.23-ны 03:00 цагт нас барсан байна.