ХААХ
НЭГҮҮН МЭДЭЭ
Э.БАТ-ҮҮЛИЙГ БАТЛАН ДААЛТАД ГАРГАЛАА
04 / 05 0 сэтгэгдэл 749 үзсэнe

Нийслэлийн Засаг дарга асан Э.Бат-Үүл, түүний хүү Б.Чулуудай, ТОСК-ын захирал байсан А.Гантулга, “Бэрэн групп” ХХК-ийн ерөнхий захирал Б.Мөнхтөр тэргүүтэй 11 хүнд холбогдох хэргийг нийслэлийн Эрүүгийн хэргийн давж заалдах шатны шүүх өчигдөр хэлэлцлээ. Чингэлтэй дүүргийн Эрүүгийн хэргийн анхан шатны шүүхээс Э.Бат-Үүл, А.Гантулга, Б.Чулуудай, Б.Мөнхтөр, “Могул скай” ХХК-ийн гүйцэтгэх захирал Д.Жаргалсайхан, ТОСК-ын Маркетинг, борлуулалтын хэлтсийн дарга Т.Гэрэлт-Од, тус корпорацын ерөнхий нягтлан бодогч Ю.Алтангэрэл нарыг гэм буруутайд тооцсон. Улмаар Э.Бат-Үүлийн нийтийн албанд ажиллах эрхийг нь гурван жил хасаж, нээлттэй хорих ангид дөрвөн жил ял эдлүүлэхээр шийдвэрлэсэн. Харин түүний хүү Б.Чулуудайг 15 сая 360 мянган төгрөгөөр торгосон бол, А.Гантулгад таван жил хорих ял эдлүүлэхээр шийтгээд байсан юм. Давж заалдах шатны шүүхээс анхан шатны шүүхийн шийтгэх тогтоолыг хүчингүй болгож, хэргийг прокурорт буцаав. Ингэхдээ ял эдэлж байсан Э.Бат-Үүл, А.Гантулга нарыг батлан даалтад гаргалаа.

Б.ДЭЛГЭРСАЙХАН: ХУГАЦААНДАА ТОРГУУЛИА ТӨЛӨӨГҮЙ ЖОЛООЧИД ХҮҮ ТООЦОЖ ХОРЬДОГ БОЛОХ ХЭРЭГТЭЙ
04 / 05 0 сэтгэгдэл 769 үзсэнe

УИХ-ын Хууль зүйн байнгын хорооны хуралдаанаар Зөрчлийн тухай хуульд нэмэлт, өөрчлөлт оруулах хуулийн төслийг хэлэлцэж байна. УИХ-ын гишүүн Б.Дэлгэрсайхан: “Зөрчлийн хуулийг хэрэгжүүлэхийн тулд торгуульсан иргэн хугацаанд нь төлөөгүй бол цаашаагаа хүү бодогдоод явдаг болгомоор байна. Баруунд ийм жишиг байдаг. Сарын дотор торгуулиа төлөөгүй бол торгууль нь нэмэгдээд байдаг. Жилийн хугацаанд төлөөгүй бол хорьдог ч юм уу. Хуулийг хэрэгжүүлэх гэж л бид энд хэлэлцэж байгаа. Гэвч хэрэгжүүлэх арга замыг нь тодорхой болгоогүйгээс торгуулийн олон тэрбум төгрөг хуримтлагдаад байна. Бид сүүлд нь буян үйлдэж байгаа юм шиг өршөөдөг. Тэгвэл хууль батлахын хэрэг байдаг юм уу. Тиймээс уг нэмэлт, өөрчлөлтөд энэ асуудлыг оруулах хэрэгтэй. Торгуулиа энэ сард төлөхгүй бол нэмэгдэх нь гэдэг ойлголттой болж байж энэ хууль хэрэгжинэ. Иргэдэд ийм ухамсар суулгахгүй бол хэдэн жилийн дараа, дараагийн Засгийн газар гарч ирээд эсвэл сонгууль болохоор өршөөнө гэдэг хүлээлт байгаад байна’’ хэмээв.

Л.ОЮУН-ЭРДЭНЭ: ШАТАХУУН 1000 ТӨГРӨГӨӨР НЭМЭГДЭЖ МАГАДГҮЙ
04 / 05 0 сэтгэгдэл 699 үзсэнe

Засгийн газраас өнөөдөр /2022.04.05/ мэдээлэл хийж байна. Монгол Улсын Ерөнхий сайд Л.Оюун-Эрдэнэ "Өнөөдөр зохицуулалт хийхгүй бол шатахуун 1000 төгрөгөөр нэмэгдэх нөхцөл байдал үүсч байна. Тиймээс 1000 төгрөгөөр нэмэгдэх эрсдлийг аль болох зохцуулахаар ажиллаж байна. Зарим тохиолдол үнийн асуудал зэрэг дээр гэрээ, хэлэлцээр хийнэ гэж ойлгох хэрэгтэй. Цаашдаа шатахууны нийлүүлэлтийг зөвхөн нэг үүсвэрээс авдаггүй болох шаардлагатай. Газрын тосны үйлдвэрээ зайлшгүй барих шаардлага үүсч байна. Тиймээс шатахуун, эрчим хүчний хувьд шууд хоёр хөршөөсөө хамааралтай байгаа шүү дээ. Гэхдээ аль болох үүнийг багасгах бодлого барих л шаардлагатай" хэмээв .

ҮАГ-ЫН ОРЛОГЧ ДАРГА Я.САРАНСҮХИЙН ХЭРГИЙГ ХЭРЭГСЭХГҮЙ БОЛГОЛОО
04 / 05 0 сэтгэгдэл 645 үзсэнe

Я.Сарансүхийг Нийслэлийн дотоод аудитын газрын даргаар ажиллаж байхдаа байгууллагынхаа нэр бүхий албан хаагчийг үүрэгт ажлаас нь хууль бусаар чөлөөлсөн. Үүнээс үүдэж төрд 18.9 сая төгрөгийн хохирол учирсан хэмээн үзэж ийнхүү шүүхэд хандсан байдаг. Тус хэргийг шүүх хурал гуравдугаар сарын 11-ний өдөр болж, шүүх бүрэлдэхүүн шийдвэрээ гаргасан байна. Хан-Уул дүүргийн Иргэний хэргийн анхан шатны шүүхээс Төрийн албаны зөвлөлөөс гаргасан нэхэмжлэлийг бүхэлд нь хэрэгсэхгүй болгож, Я.Сарансүхийг хохирол барагдуулах үндэслэлгүй гэж үзжээ. Тэрээр Я.Сарансүх нь МҮОНРТ-ийн Үндэсний зөвлөлийн гишүүн, Монгол Улсын Гавьяат жүжигчин Н.Ононгийн эхнэр юм.

С.ЭРДЭНЭБАТ: ЦАЛИН ХӨЛСИЙГ ИНФЛЯЦТАЙ УЯЛДУУЛЖ НЭМЭХ ШААРДЛАГАТАЙ БАЙНА
04 / 05 0 сэтгэгдэл 727 үзсэнe

Өргөн хэрэглээний бараа бүтээгдэхүүний үнийн өсөлт, иргэдийн цалин хөлсний худалдан авах чадвар буурсантай холбоотойгоор Монголын үйлдвэрчний эвлэлийн холбооноос мэдээлэл хийлээ. МҮЭХ-ны Ерөнхийлөгч С.Эрдэнэбат : - Төрийн албан хаагчдын цалин хөлс дорвитой нэмэгдсэнгүй. Бараа бүтээгдэхүүний суурь үнэ нэмэгдэж байгаа гэж боловч үүнийг далимдуулж нэмэх үзэгдэл байна. Зарим барааны үнэ 50 хувь нэмэгдэж байна. Хил гааль, тээвэрлэлт, бэлтгэн нийлүүлэгч, жижиглэнгийн үнэ нэмэгдэж байгаа учраас өмнөх жилтэй харьцуулахад цалингийн 20 хувийг алдчихлаа. Асуудал хаана байгааг сүлжээ бүрд хяналт шалгалт хийх хэрэгтэй байна. Үндэслэлгүй үнээ нэмж байгаа компаниудын бараа бүтээгдэхүүнийг худалдан авахгүй, бойкотлох эрх ч бидэнд бий. Тиймээс цалин хөлсийг инфляцтай уялдуулж нэмэх шаардлагатай. Хил гаалийн асуудал цэгцэртэл хуулийн хүрээнд үүнийг шийдэх шаардлагатай байна. Үнэ барьж хуучин социализмын үе рүүгээ шилжих нь хэмээн зарим нь шүүмжилж байгаа ч энэ бол онцгой үе, тиймээс үнийг тогтоох, иргэдийн орлогыг нэмэх арга хэмжээ авах шаардлагатай. ХАОАТ-ыг тодорхой хугацаанд тэглэх, НӨАТ-ыг буцаан олголтыг ч нэмэгдүүлэх саналыг бид дэвшүүлж байна. Засгийн газар нь тодорхой арга хэмжээ авахаа мэдэгдэж байгаа ч өөр бусад зохицуулалтыг давхар авах ёстой. Мөн зээлийн асуудал бий. Цалингийн зээлийн хүүг нэг оронтой тоонд шилжүүлэх хүсэлт тавьсан. Эрх мэдэлтэй нь жилийн 3-4 хувийн хүүтэй зээл авдаг, иргэд 15-17 хувийн хүүтэй зээл авч байна. Валютын тодорхой зохицуулалтыг хийх хэрэгтэй. Бидний шаардлага бол улс төрийн шинжтэй зүйл биш МҮЭХ-ноос гаргаж буй эдийн засгийн тэмцэл гэдгийг хариуцлагатайгаар мэдэгдье. гэв

ХОВД АЙМГИЙН ЦЭЦЭГ СУМ "МОНЭНКО" КОМПАНИЙН ХӨШӨӨТИЙН УУРХАЙН АЖИЛЧИД ӨЛСГӨЛӨН ЗАРЛАЛАА
04 / 04 0 сэтгэгдэл 830 үзсэнe

Тодруулбал: Ховд аймгийн Цэцэг суманд байрлах "Хөшөөт"-ийн нүүрсний уурхайн ажилчид өнөөдрийн /2022.04.04/ 16 цагаас эхлэн өлсгөлөн зарлаж байгаа талаар мэдээллээ. Хөшөөтийн нүүрсний уурхай буюу "МОНЭНКО" компанийн ажилчид цалин нэмэх хүсэлтийг хоёр ч удаа удирдлагууддаа хүргүүлжээ. Энэ удаад ажилчдын хүргүүлсэн саналыг хүлээж аваагүй тохиолдолд дараагийн арга хэмжээг авч өлсгөлөн зарлаж эхэлнэ хэмээн мэдэгдээд байгаа бөгөөд. Уурхайн ажилчид "МОНЭНКО" компанийн удирдлагуудад хүргүүлсэн хүсэлтэндээ "Сүүлийн хоёр жилийн хугацаанд ажилчдын цалинд өөрчлөлт оролгүй өдийг хүрлээ. Өрхийн хэрэглээний зардал өмнөх эоноос 14,6 хувиар өссөн зэрэг үзүүлэлтийг авч үзнэ үү" хэмээн тухайн мэдэгдэлдээ бичсэн байна.

1 ... 226 227 228 229 230 231 232 233 234 ... 314