БГД-ИЙН 28-Р ХОРОО, 10-Р ХОРООЛЛЫН УРД ТАЛЫН АВТОБУСНЫ БУУДАЛ ОРЧИМД БАЙРЛУУЛСАН ТҮЦ-ҮҮДИЙГ НҮҮЛГЭЛЭЭ

08 / 19 0 сэтгэгдэл 301 үзсэнe

Баянгол дүүргийн Засаг даргын 2023 оны 05 дугаар сарын 25-ны өдөр гаргасан А/207 тоот захирамжийн хүрээнд дүүргийн нутаг дэвсгэрт үйл ажиллагаа явуулдаг, явган болон унадаг дугуйтай зорчиж буй иргэдийн зорчих хөдөлгөөнд саад учруулж буй Түргэн үйлчилгээний цэг ( ТҮЦ ) -үүдийг нүүлгэх арга хэмжээг холбогдох алба хэлтсүүд хамтран шат дараатай зохион байгуулж буй. Тэгвэл энэ сарын 16-17-ны өдрүүдэд БГД-ийн 28-р хороо, 10-р хорооллын урд талын автобусны буудал орчимд байрлуулсан ТҮЦ-үүдийг дүүргийн Газар зохион байгуулалтын алба, Хүнс худалдаа үйлчилгээний хэлтэс, 28-р хорооны Засаг дарга ажлын алба, “Баянгол- ХҮТ”, Цагдаагийн 2 дугаар хэлтсийн алба хаагчид хамтран нүүлгэх арга хэмжээг зохион байгууллаа. Ингэснээр явган болон унадаг дугуйтай иргэд чөлөөтэй зорчихоос гадна У лаанбаатар хотын дулаан хангамжий н 11 г , д Ф 800 мм - ийн гол шу г амыг Ф 1000 мм голчтой болгон өөрчлөх ажл ыг явуулахад саад учрахгүй болж байна. Тодруулбал, 1 дүгээр хорооллын урд талаас баруун 4 замын уулзвар хүртэл х нийт 3,4 км шугам сүлжээ г Улсын төсвийн хөрөнгө оруулалтаар шинэчлэх ажл ыг хийхээр болсон. Дээрх шугам сүлжээ, шинэчлэлийн ажил БГД-ийн 28 дугаар хорооны нутаг дэвсгэр буюу 10 дугаар хорооллыг хамарч байгаа юм. Мөн ТҮЦ нүүлгэсний дараа тухайн байршлуудад “Баянгол шинэ өргөө” ОНӨААТҮГ-ын зам талбайн цэвэрлэгчид цэвэрлэгээ хийж байгаа бөгөөд тасалсан цахилгаан утасны аюулгүй байдлыг хангах ажлыг Хэрэглэгчдэд үйлчлэх төв болон 28 -р хорооны Ажлын алба, олон нийтийн байцаагчид хариуцан ажилла лаа.

ХХААХҮ-ИЙН ДЭД САЙД М.ГАНХҮЛЭГ БНХАУ-ЫН ӨВӨР МОНГОЛЫН ӨӨРТӨӨ ЗАСАХ ОРНЫ ДЭД ДАРГА ЯН ЖИНЬТЭЙ УУЛЗЛАА

08 / 18 0 сэтгэгдэл 53 үзсэнe

Монгол – Хятадын 4 дэх удаагийн экспог Өвөр Монголын өөртөө засах оронд 9 дүгээр сарын 06-10-ны өдрүүдэд зохион байгуулах бэлтгэл ажлын хүрээнд Хүнс, хөдөө аж ахуй, хөнгөн үйлдвэрийн дэд сайд М.Ганхүлэг БНХАУ-ын Өвөр Монголын өөртөө засах орны дэд дарга Ян Жиньтэй Бээжин хотноо уулзлаа. Энэхүү экспог зохион байгуулах бэлтгэл ажлын хурлын уулзалтаар хоёр улсын төрийн тэргүүний харилцан тохиролцсоны дагуу уламжлал болгон зохион байгуулж буй тус экспо арга хэмжээг амжилттай зохион байгуулж, хөрш орнуудын худалдаа, эдийн засгийн эргэлтийг нэмэгдүүлэх, соёлын солилцооны ажлын талаар санал солилцов. Өмнөх 3 удаагийн экспо арга хэмжээг амжилттай зохион байгуулахад Өвөр Монголын Өөртөө Засах орны Ардын Засгийн газар идэвхийлэн оролцож, голлох үүрэг гүйцэтгэсэн. Мөн энэ удаад үзэсгэлэнгийн талбайн хэмжээг томруулж 925 м.кв болгосон бөгөөд Монголоос оролцох 500 аж ахуй нэгжид талбайн төлбөрийн хөнгөлөлт үзүүлэх, тээвэр, ложистикийн асуудлыг шуурхай шийдвэрлэх, бизнес уулзалтуудыг зохион байгуулах, бусад 30 гаруй улсын бизнес эрхлэгчдийг оролцуулах зэргээр бэлтгэл ханган ажиллаж байна. Хоёр улсын хувьд цар тахал, хил гаалийн хүндрэлтэй нөхцөл байдал зэрэг амаргүй цаг хугацааг даван туулсан ч хоёр улсын худалдааны эргэлт өссөн төдийгүй соёлын салбарт ч найрсаг харилцаа илүү өргөжиж байгааг БНХАУ-ын Өвөр Монголын өөртөө засах орны дэд дарга Ян Жинь онцолж байлаа. Мөн Монгол – Хятадын 4 дэх удаагийн экспог хоёр улсын Засгийн газрын түвшинд зохион байгуулдаг нь стратегийн түншлэлийг өргөжүүлэх арга хэмжээ гэдэгт итгэлтэй байгаагаа илэрхийллээ. Манай улсын хувьд Монгол Улсын Ерөнхийлөгчийн санаачилгаар хэрэгжүүлж буй “Хүнсний хангамж, аюулгүй байдал” үндэсний хөдөлгөөний хүрээнд гол нэр төрлийн 19 хүнсний бүтээгдэхүүнээр дотоодын хэрэгцээгээ бүрэн хангаж улмаар экологийн цэвэр бүтээгдэхүүнийг Ази тивдээ экспортлогч орон болох зорилт тавьж ажиллаж байгаа талаар Хүнс, хөдөө аж ахуй, хөнгөн үйлдвэрийн дэд сайд М.Ганхүлэг дурдлаа. Мөн дэд сайд М.Ганхүлэг Монгол Улс дэлхийн 67 оронд бараа экспортолсноос 91.8 хувийг БНХАУ эзэлж байгааг дурдсаныг дэлгэрүүлбэл манай хоёр улсын хооронд хийгдэж буй худалдааны эргэлт 2023 оны эхний 7 сарын байдлаар 9.93 тэрбум ам.доллар, тэр дундаа Монгол Улс, БНХАУ-ын ӨМӨЗО хооронд 2023 оны 4 дүгээр сарын байдлаар хийсэн нийт экспорт, импорт 22.2 тэрбум юаньд хүрч өмнөх оны мөн үеэс 146.6 хувиар өссөн байна. Үүнээс Монгол Улсын экспорт 20.4 тэрбум юаньд хүрч өмнөх оны мөн үеэс 157.2 хувиар, импорт 1.7 тэрбум юань болж өмнөх оны мөн үеэс 65.4 хувиар тус тус өссөн нь ӨМӨЗО-ы нийт экспорт, импортын 36.9 хувийг эзэлж байгаа нь Монгол-Хятадын экспогийн үр дүн юм. Монгол Улс, Бүгд Найрамдах Хятад Ард Улсын төрийн тэргүүдийн уулзалтаар харилцан тохиролцсон худалдаа эдийн засгийн хамтын ажиллагааг нэмэгдүүлж хоёр орны худалдааны эргэлтийг 10 тэрбум ам.долларт хүргэх зорилтод 2021 онд хүрсэн бөгөөд энэхүү зорилтыг 20 тэрбум ам.долларт хүргэхээр бүхий л салбарт хамтран ажиллаж байна.

АШИГТ МАЛТМАЛ ГАЗРЫН ТОСНЫ ГАЗРЫН ДАРГА Л.БАЯРМАНДАЛ БНХАУ-ЫН “СИНОПЕК” ГРУППИЙН УДИРДЛАГУУДЫГ ХҮЛЭЭН АВЧ УУЛЗЛАА

08 / 18 0 сэтгэгдэл 304 үзсэнe

Ашигт малтмал, газрын тосны газрын дарга Л.Баярмандал, холбогдох газар хэлтсийн удирдлагуудын хамт БНХАУ-ын нефть химийн хамгийн том концерн “Синопек” групп болон “Доншен газрын тос Монгол” компанийн удирдлагуудыг өнөөдөр /2023.08.15/ хүлээн авч уулзлаа. Уулзалтын үеэр АМГТГ-ын дарга Л.Баярмандал “Синопек” групптэй газрын тосны салбарт хамтран ажиллах шинэ боломжууд хийгээд одоогийн хамтын ажиллагаанд тулгамдаж буй зарим асуудлыг шийдвэрлэх чиглэлээр санал солилцов. Тодруулбал, тэрбээр газрын тосны олборлолт, нөөцийг нэмэгдүүлэх хүрээнд хөрөнгө оруулалт болон шинэ техник, технологийг нэвтрүүлэх, “Доншен” компанийн олборлож буй түүхий тосыг нийлүүлэх үйлдвэрийг тодорхой болгохын зэрэгцээ БНХАУ-аас газрын тосны бүтээгдэхүүн /шатахуун/ Монгол улсад импортлох асуудлыг эрчимжүүлэх саналаа илэрхийлсэн юм. БНХАУ-ын “Синопек” групп компанийн Олон улсын гадаад хамтын ажиллагааны газрын дэд дарга Вү Рүйкүн Монгол Улстай газрын тосны салбарт Бүтээгдэхүүн хуваах гэрээний дагуу хамтын ажиллагаагаа үргэлжлүүлэх сонирхолтой байгаагаа тодотгоод, бэрхшээлтэй зарим асуудлыг шийдвэрлэхэд дэмжлэг үзүүлэн ажиллахыг хүссэн юм. Синопек нь БНХАУ-ын 100 хувь төрийн өмчит, хамгийн том газрын тосны компаниудын нэг бөгөөд дэлхийн газрын тос, нефтийн салбарын ТОП-500 аж ахуйн нэгжийн жагсаалтын гуравдугаарт бичигддэг билээ. Гол бүтээгдэхүүн нь газрын тос, нүүрс, байгалийн хий юм.

Б.ЧОЙЖИЛСҮРЭН, М.БАЯРМАГНАЙ НАР НЭГ ЯАМ УДИРДАХ БОЛОМЖГҮЙ, АШИГ СОНИРХЛЫН АСАР ТОМ ЗӨРЧИЛТЭЙ САЙДУУД АЖ !

08 / 17 1 сэтгэгдэл 637 үзсэнe

Б.Чойжилсүрэнгийн худ Д.Дашцэрэн нь Хан-Уул дүүргийн III хороо, “ДЦС-3”-ын баруун хойно байрлах зургаан блок, 650 айлын “Дэлгэрэх” хотхоныг барьж, худалдсан. Учир нь, Д.Дашцэрэн “Батлан хамгаалахад туслах нийгэмлэг”-ийн эзэмшил газраас хууль бусаар тасалж авч “Дэлгэрэх” хотхоныг барьсан. Социализмын үед “Улсыг батлан хамгаалахад туслах нийгэмлэг” нэртэй, цэргийн өмнөх насны хүүхэд залууст цэрэг, зэвсэг техникийн боловсрол олгох, эх оронч үзлээр хүмүүжүүлэх үүрэгтэй байгууллага байсан. Тус нийгэмлэг нь 8.0 га эзэмшил газартай, буудлага, шүхэр, морин болон авто спортоор хичээллэх техник хэрэгсэл, талбай, олон тооны оффис, слакадны зориулалттай барилга, байгууламжуудыг эзэмшиж ирсэн. Одоо тус байгууллага “Батлан хамгаалахад туслах нийгэмлэг” нэртэй бөгөөд улсын төсвөөс санхүүждэг, даргаар нь хурандаа Д.Дашзэвэг ажилладаг. Тус нийгэмлэгийг олон нийт “Техник спортын төв” гэх нэрээр нь илүүтэй мэдэх байх. Хамгийн ноцтой нь, “Батлан хамгаалахад туслах нийгэмлэг”-ийн дарга, хурандаа Д.Дашзэвэг нь Б.Чойжилсүрэнгийн худ Д.Дашцэрэнгийн төрсөн ах. Тиймдээ ч 2015 онд Д.Дашзэвэг эрх мэдлээ ашиглан “Батлан хамгаалахад туслах нийгэмлэг”-ийн эзэмшлийн газраас 1.1 га газрыг төрсөн дүү Д.Дашцэрэнгийнхээ “Хиллфорт” ХХК нь шилжүүлж өгчээ. Харин Д.Дашцэрэн нь “Хиллфорт” ХХК-ийг “ЮП” ХХК-тай хамтран эзэмшдэг байсан бөгөөд 1.1 га газар дээрээ “ЮП” ХХК-ийн нэрээр 650 айлын “Дэлгэрэх” хотхоныг 2016-2017 онд барьж худалдсан. Хурандаа Д.Дашзэвэг төрийн мэдлийн газрын төрсөн дүү Д.Дашцэрэндээ хууль бусаар шилжүүлж өгснийхөө шанд түүний барьсан “Дэлгэрэх” хотхоноос 78 орон сууц хувьдаа авсан гэх мэдээлэл ч байдаг. Д.Дашзэвэг, Д.Дашцэрэн нарын хэн хэн нь “Дэлгэрэх” хотхоныг тойрсон эл асуудлыг олон нийтээс ор тас нууцалдаг. Б.Чойжилсүрэнгийн худ Д.Дашцэрэнгийн тухай илүү ноцтой баримт бас байна. Тодруулбал, Д.Дашцэрэн нь 2015 онд “Хиллфорт” ХХК-ийг “ЮП” ХХК-тай хамтран эзэмшдэг болж, улмаар “Хиллфорт” ХХК-ийнхаа эзэмшлийн 1.1 га газар дээр “ЮП” ХХК-ийн нэрээр 650 айлын “Дэлгэрэх” хотхоныг барьж худалдсаныг дээр дурдсан. Тэгвэл “ЮП” ХХК-ийг Эрчим хүчний дэд сайд Мягмарсүрэнгийн Баярмагнай эзэмшдэг ажээ. Өөрөөр хэлбэл, Эрчим хүчний дэд сайд М.Баярмагнай, Эрчим хүчний сайд Б.Чойжилсүрэнгийн худ Д.Дашцэрэн хоёр хамтран “Дэлгэрэх” хотхоныг барьж, худалдсан, халаас нэгтэй хамтрагчид гэсэн үг. Ингэхээр Б.Чойжилсүрэн, М.Баярмагнай нэг яам удирдах боломжгүй, ашиг сонирхлын асар том зөрчилтэй сайдууд болж таарч байгаа юм. Бас нэгэн ноцтой баримт нь, Б.Чойжилсүрэнгийн худ Д.Дашцэрэн нь “Женерал энержи прожект” ХХК нь Эрчим хүчний шугам сүлжээ татах, барилга байгууламж барих зөвшөөрөлтэй, Эрчим хүчний хүчний салбарын тендерүүдэд оролцож ирсэн байгаа юм.

Б.ЧОЙЖИЛСҮРЭНГИЙН БАРЬСАН ХОТХОН, ХОРООЛОЛ БҮРТ ОХИН НЬ “ОRESH” СУПЕРМАРКЕТАА НЭЭДЭГ АЖ

08 / 17 0 сэтгэгдэл 1 344 үзсэнe

Б.Чойжилсүрэнгийн охин Ч.Заяа, хүргэн Дашцэрэнгийн Галмандах нар “Рэссол констракшн” ХХК-ийг эзэмшдэг. Ч.Заяа, Д.Галмандах нар “Рэссол констракшн” ХХК-иараа “ОResh” гэх супермаркетыг аав Б.Чойжилсүрэнгийнхээ барьсан хотхон, хорооллуудад салбарлуулан сүлжээгээр ажиллуулдаг аж. Б.Чойжилсүрэнгийн барьсан хотхон, хорооллууд : Энхтайваны гүүрээр урагш давахад л түүний тансаг зэрэглэлийн “КН” апартмент угтана. Цаашаа залгаад “Хаан банк”-ны төв оффис буюу 25 давхар “КВ tower” гэх шилэн барилга, хажууханд нь байх “Наадам центр” гэх худалдаа, үйлчилгээний төв, чанх урд нь байх 780 айлын “Цэнгэлдэх” хотхон бүгд Б.Чойжилсүрэнгийнх. Ингээд болоогүй, Энхтайваны гүүрний баруун хойд үзүүрт “Наран тауэр” гэх 132 айлын хотхон бий, Энхтайваны гүүрний баруун урд үзүүрт “Энхтайван” гэх 160 айлын хотхон бий, аль аль нь түүнийх. Цаашилбал, “Төв цэнгэлдэх”-ийг тойрсон “Рапид харш” хороолол, “Академи” хотхон, “Хүннү 2222” хотхон, “Хүннү плас” хотхон, “Хүннү стандарт” хотхон гээд бүгд түүнийх. Товчхондоо, Энхтайваны гүүр, Төв цэнгэлдэх орчим Эрчим хүчний сайд Б.Чойжилсүрэнгийн “Эзэнт улс” болчихсон аж.

Б.ЧОЙЖИЛСҮРЭН ЭХНЭР Д.ЭНХГЭРЭЛИЙН ХАМТ “ХАУС ИНВЕСТ” ХХК-ИАРАА “САНСАР ГАРДЕН” ХОТХОНЫГ ХУУЛЬ БУСААР ЭХЛҮҮЛЖ, “А” ЗӨВШӨӨРЛӨӨ АВАХДАА АВЛИГА ӨГЧЭЭ

08 / 17 2 сэтгэгдэл 911 үзсэнe

Эрчим хүчний сайд Б.Чойжилсүрэн Сү.Батболдын “Чингис” зочид буудалтай хаяа залган “Сансар гарден” хотхоныг барих явцдаа Нийслэлийн Хот байгуулалт, хөгжлийн газрын Мэргэжлийн комиссын гишүүдэд асар их хэмжээний авлига өгсөн байна. /АТГ-аас шалгаж байгаа гэх мэдээлэл байна/ Сансарт, Сэлбэ голын эрэгт байрлах Сү.Батболдын “Е март” худалдааны төв, “Чингис” зочид буудлын хашаан доторх 2.4 га газрын тасалж авч Хотын дарга Д.Сумъяабазар өнгөрөгч 2022 оны хоёрдугаар сарын 28-ны өдөр А/214 тоот захирамж гаргаж, Сү.Батболдын “Е март” худалдааны төв, “Чингис” зочид буудалтай хаяа залгаа 1330100115 нэгж талбарын дугаартай 2.4 га газрыг Б.Чойжилсүрэн, түүний эхнэр Д.Энхгэрэл нарын “Хаус инвест” ХХК-д 2037 он хүртэл эзэмшүүлэхээр олгожээ. Ингээд Б.Чойжилсүрэн, Д.Энхгэрэл нар тус 2.4 га газар дээрээ “Хаус инвест” ХХК-иараа “Сансар гарден” нэртэй нийт найман блок, тус бүр нь 25 давхар 832 айлын орон сууцны хотхон барьж эхэлсэн ба тус хотхоныхоо барилгын ажлыг “Архитектур төлөвлөлтийн даалгавар” буюу “А” зөвшөөрөлгүйгээр хууль бусаар эхлүүлсэн !!! Хууль бус барилгынхаа хөрсний усыг Сэлбэ голд нууцаар цутгаж байсан нь баригдсан !!! Захиргааны хэргийн анхан шатны шүүхээс барилгын үйл ажиллагааг нь зогсоох шийдвэр гарсан !!! “Сансар гарден” хотхоноо хууль бусаар барьж эхэлснээсээ бүтэн жил орчмын дараа Нийслэлийн хот байгуулалт хөгжлийн газраас “Архитектур төлөвлөлтийн даалгавар” буюу барилгын “А” зөвшөөрлөө нөхөж авчээ !!! Хамгийн ноцтой нь, “А” зөвшөөрлөө нөхөж авахдаа Нийслэлийн хот байгуулалт хөгжлийн газрын Мэргэжлийн комиссын гишүүдэд авлига өгснийг нь АТГ-ынхан илрүүлсэн !!! Эх сурвалжийн мэдээллээр, Б.Чойжилсүрэн, Д.Энхгэрэл нар Мэргэжлийн комиссын таван гишүүнд тус бүрд нь 100 сая төгрөг, нийт 500 орчим сая төгрөгийн авлигал өгсөн нь эхний байдлаар тогтоогдон шалгагдаж буй. Түүнчлэн, Б.Чойжилсүрэн, Д.Энхгэрэл нар “Хаус инвест” ХХК-иараа “Сансар гарден” хотхоныг хууль бусаар эхлүүлж, “А” зөвшөөрлөө авахдаа авлига өгснөөс гадна Усны тухай хууль зөрчсөн ноцтой хэрэгт ч холбогдож байгаа. Тодруулбал, “Сансар гарден” хотхон нь Сэлбэ голын эргээс хэдхэн алхмын зайд байрлаж байгаа. Усны тухай хуулийн 22.2-т “Усны сан бүхий газрын эргээс 50 метрээс доошгүй зайд болон гол мөрний татамд онцгой хамгаалалтын бүс тогтооно”, 22.2.1-т “Онцгой хамгаалалтын бүсэд барилга, байгууламж барихыг хориглоно” гэж заасан байдаг.

"INEL ZAISAN VILLAGE" ХОТХОНЫ ОРШИН СУУГЧИД УСНААСАА ХАЛДВАР АВЧ , ЦУСАН СУУЛГА ӨВЧНӨӨР ӨВЧИЛЖЭЭ

08 / 17 0 сэтгэгдэл 1 003 үзсэнe

ХУД-ийн 11-р хорооны нутаг дэвсгэрт байрлах "Inel Zaisan village" хотхоны оршин суугчид гэдэсний халдварт өвчин болон цусан суулга өвчний халдвар авчээ. Тус хотхоны оршин суугчид энэ сарын 1-ний өдрөөс эхэлэн гүйлгэж халуурах шинж тэмдэг илэрч эхэлсэн байна. Энэ төрлийн шинж тэмдэг илэрч буй оршин суугчдын тоо нэмэгдэж, гэрийнх нь уснаас муухай үнэр гарах болсноор эдгээр өвчлөл нь уснаас болсон байх магадлалтай хэмээн үзэж оршин суугчид Усны газарт дээж хүргүүлэн шинжилгээнд хамруулжээ. Тус хотхон нь төвийн усны шугамд хамаардаггүй бөгөөд тусдаа гүний худгийн ус хэрэглэдэг байна.Улмаар усны газрын шинжилгээгээр "Inel Zaisan village" хотхоны гүний худгаас гурван төрлийн эмгэг, өвчин үүсгэгч нян, бактери илэрч оршин суугчид цусан суулга өвчнөөр өвчилжээ.

ХОТЫГ УСАНД АВТУУЛАХ ЭРСДЭЛД ОРУУЛСАНД БУРУУТГАН Г.МӨНХБАЯР, Э.БАТ-ҮҮЛ НАРЫГ ШАЛГАХ УУ

08 / 17 2 сэтгэгдэл 710 үзсэнe

Нийслэлд аадар бороо орох тоолонд Сэлбэ, Дунд голын далан сэтэрч орон сууцны доод давхрууд усанд автаж гамшиг болдог болов. Голын голдирлыг шахаж барилга барьсан “S Outlets” дэлгүүр, Усан паркийн барилга зэрэг нь далан сэтрэхэд нөлөөлсөн гэдгийг албаныхан мэдээлсэн. Тиймээс тухайн барилга байгууламжийн газрыг олгосон болон барилгыг хүлээн авсан асуудлыг шалгах Ажлыг хэсгийг байгуулсан. Иймд голын ай сав газарт газар олгож, барьсан барилгыг нь хүлээн авсан нэр бүхий хүмүүсийг хуулийн байгууллагаас шалгаж эхэлсэн гэх мэдээлэл байна. Нийслэлийн Засаг дарга Г.Мөнхбаяр иргэн Д.Батзоригт 2009 оны тавдугаар сарын 27-ны өдрийн 275 дугаар захирамжаар “Автомашины засвар үйлчилгээ” зориулалтаар анх Сэлбэ голын ай савд 576м2 газар олгожээ. Харин Нийслэлийн Засаг даргын санхүү, эдийн засгийн асуудал эрхэлсэн орлогч Н.Батаа 2015 оны А/990 дугаартай захирамжаар газрын хэмжээг 2,409 м.кв болгон тав дахин нэмэгдүүлж Нийслэлийн Засаг даргын 2022 оны А/1626 дугаар захирамжаар зориулалтыг нь “Худалдаа үйлчилгээ” болгон өөрчилсөн байна. Гэхдээ үйлчилгээний зориулалтаар баригдсан уг барилгыг Нийслэлийн Ерөнхий төлөвлөгөөний газраас зохион байгуулсан 19 гишүүнтэй комисс 2015 оны аравдугаар сарын 14-ний өдөр хүлээн авч байжээ. Тодруулбал, S outlets дэлгүүрийн барилгыг ашиглалтад хүлээн авсан улсын комиссын даргаар тухайн үед Нийслэлийн Ерөнхий төлөвлөлтийн газрын Хот байгуулалт, дэд бүтцийн хяналтын албаны даргаар ажиллаж байсан Т.Эрдэнэтуяа , нарийн бичгийн даргаар НЕТГ-ын Хот байгуулалт, дэд бүтцийн хяналтын албаны мэргэжилтэн М.Дунгармаа, НЕТГ-ын Барилгын хяналтын инженер Д.Жүрмэддорж, архитектор Б.Нямдаваа, Нийслэлийн Онцгой байдлын газрын Барилга, зураг төсөл хариуцсан байцаагч Л.Тэгшбаяр нарын 19 хүн хүлээн авч байжээ. Авлига хороолол гэх нэртэй болоод буй Дунд голын ай савд баригдаж буй “Акуа Гарден”-ы газрын зөвшөөрлийн анх 2013 онд Хотын дарга асан Э.Бат-Үүл олгожээ. Нийслэлийн Засаг дарга Э.Бат -Үүл 2013 А/951 захирамжаар “Эм Энд Жи ХХК-нд 2013 оны аравдугаар сарын 18-ны өдөр ногоон байгууламж гэх зориулалтаар анх газар олгосон бол Хотын дарга асан С.Батболд 2018 А/1111 захирамжаар үйлчилгээ, усан парк, спорт цогцолбор, Д.Сумъяабазар 2022 А/17 захирамжаар худалдаа, нийтийн үйлчилгээ, цогцолбор, орон сууцны зориулалтаар газар олгосон байжээ. Тэгвэл S outlets, “Акуа Гарден”-д газар олгосон болон эрсдэлтэй бүсэд барьсан барилгыг хүлээж авсан дээрх нэр бүхий хүмүүсийг хуулийн байгууллагаас хэрэг үүсгэн шалгаж эхэлжээ.

БУСДЫГ ХҮЧИРХИЙЛСЭН 16 НАСТАЙ ОХИНЫГ ЭРҮҮГИЙН ХУУЛИАР ЯЛ ШИЙТГЭЖЭЭ

08 / 16 9 сэтгэгдэл 2 766 үзсэнe

Цахим сүлжээнд өсвөр насны хүүхэд бусдын биед халдаж буй бичлэг цацагдсан. ЦЕГ-аас “Дээрх үйлдэл нь 2023 оны 04 дүгээр сарын 7-ны өдөр Сүхбаатар дүүргийн 9 дүгээр хорооны нутаг дэвсгэрт болсон бөгөөд тухайн үед бүртгэн, шалгалтын ажиллагаа явуулсан. Шалгалтаар 16 настай Э нь 16 настай Г-ийн биед хөнгөн хохирол санаатай учруулсан нь тогтоогдож, эрүүгийн хэрэг үүсгэж, яллагдагчаар татсан байна. Улмаар 2023 оны 07 дугаар сарын 27-ны өдөр Сүхбаатар дүүргийн Эрүүгийн хэргийн анхан шатны шүүхээс түүнийг ял шийтгэсэн” хэмээв.

ЦЕГ: ОХИД НЭГНЭЭ ЗОДОЖ БУЙ БИЧЛЭГ ХЭЗЭЭНИЙХ ГЭДГИЙГ ТОГТООХООР АЖИЛЛАЖ БАЙНА

08 / 16 1 сэтгэгдэл 952 үзсэнe

Өсвөр насны охид нэгнээ дээрэлхэж буй бичлэг цахим хуудаснаа нийтлэгдсэн.Охид нэгнээ цохиж буй бичлэг хэзээнийх гэдгийг тогтоохоор ЦЕГ ажиллаж байна хэмээв. Хугацааг тодорхойлж, охидоос мэдүүлэг авсаны дараа хэргийн шалгах ажиллагаа эхлэнэ. Дараагаар Зөрчлийн хэрэг үүсгэж, бусад холбогдох хүмүүсээс тайлбар мэдүүлэг авах ажээ.