”ЭЛЕКТРОН ТАМХИНЫ ХЭРЭГЛЭЭНЭЭС ХҮҮХДИЙГ ХАМГААЛАХ” АЯН ЭХЭЛЛЭЭ

Монгол Улсын Шадар сайд Боловсрол, соёл, шинжлэх ухааны сайдын хамтарсан тушаалаар Олон улсын хэрэглэгчдийн өдөр буюу 3 дугаар сарын 15-ны өдрийг “Хүүхэд-Эрхэм хэрэглэгч” сэдвийн хүрээнд тэмдэглэн өнгөрүүлдэг билээ.2022 оны хувьд “21 нас хүрээгүй хүнд сордог электрон тамхи, түүний дагалдах хэрэгслийг худалдаалахыг таслан зогсоох, ялангуяа сургууль, цэцэрлэгийн орчимд тамхийг худалдаалахгүй” байх чиглэлийг Шударга өрсөлдөөн, хэрэглэгчийн төлөө газраас өгсөн. Дээрх чиглэлийн хүрээнд Өмнөговь аймгийн Засаг даргын 2022 оны 03 дугаар сарын 02-ны өдрийн А/184 тоот Захирамжаар “Электрон тамхины хэрэглээнээс хүүхдийг хамгаалах” аян зохион байгуулан ажиллаж байна.

АЙМГИЙН УДИРДЛАГУУД УУЛ УУРХАЙН ААН-тэй ОНЛАЙН ХУРАЛ ХИЙЛЭЭ

Төсвийн тухай хуулийн 23 дугаар зүйлийн “23.6.10.аж ахуйн нэгжийн орлогын албан татварын 40 хувь.” гэж заасны дагуу 2022 оноос ААНОАТ-ын орлогын татвар төлөгчийн үйл ажиллагааны чиглэл, хаяг байршлын бүртгэл, сегментийн ангилалд үндэслэн аймгийн төсөвт хуваарилдаг болсон. Том, дунд сегментийн татвар төлөгчийн татварын орлогыг татвар төлөгчийн үйл ажиллагааны чиглэлээс хамааруулан, үйл ажиллагааны байршлаар тодорхойлсон “Цахим төлбөрийн баримтын систем”-ийн төлбөрийн баримтын борлуулалтын орлогын нийт дүнг тодорхойлон, тухайн татвар төлөгчийн тайлант хугацаанд төлсөн орлогын дүнд харьцуулан сар бүр хуваарилалт хийнэ. Энэ асуудалтай холбоотойгоор татвар төлөгч бүрийн Е-баримтаар нь орлогыг нь хаанаас эх үүсвэртэй орлого вэ гэдгийг ялгана. Баримтыг дистрикт кодоор ангилна. Дистрикт код гэдэг нь аймаг болгоныг кодолсон код юм. Үл хөдлөх эд хөрөнгийн албан татварын хувь хэмжээг шинэчлэн тогтоох тухай аймгийн ИТХ-ын 2021 оны 12 сарын 02-ны 4/5 тоот тогтоол гарсан. Уг тогтоолыг уул уурхайн компаниудад И-майлаар хүргүүлсэн. Тиймээс энэхүү тогтоолоор Уул, уурхайн компани ҮХЭХ-н албан татварын 2 хувь, уул, уурхайн туслан гүйцэтгэгч компани 1,5 хувь болон өөрчлөгдсөн. Төсвийн тухай хуульд нэмэлт өөрчлөлт орж, 2022 оноос Хувь хүний орлогын албан татварын тухай хуулийн 7.1-д заасан орлогод ногдох албан татвар, Газрын төлбөр, ҮХЭХАТатварууд сумын төсвийн орлогод төвлөрөхөөр тусгагдсан байгаа тул сум орон нутгийн төсөвт төвлөрүүлэх орлогоо хуульд заасан хугацаанд бүрэн төвлөрүүлэх тал дээр анхаарч ажиллах шаардлагатай байна. Онлайн хуралд ААН-ийн захирал, Санхүү хариуцсан удирдах албан тушаалтан, ерөнхий нягтлан бодогч нар оролцлоо. Оролцох компаниуд: Оюу толгой, Цагаан өвөлжөө, Саус гоби сэндс, Монголын алт МАК, Хүрэн толгой коал майнинг, Эрдэнэс таван толгой, Таван толгой, Энержиресурс, Хур эрдэнэ баялаг, Баатарван транс, Хангад-Эксплорэйшн, Мөнх ноён суварга, Өсөх зоос, Жавхлант орд

Д.КЁКҮШЮЗАНБАТБАЯР, Т.БАЯСГАЛАН НАРЫН ТАСЛАН СЭРГИЙЛЭХ АРГА ХЭМЖЭЭГ ХЭВЭЭР ҮЛДЭЭЛЭЭ

Нийслэлийн Прокурорын газраас яллах дүгнэлт үйлдэж ирүүлсэн Д.Кёкүшюзанбатбаяр нарын нэр бүхий дөрвөн шүүгдэгчид холбогдох эрүүгийн хэргийг Хан-Уул дүүргийн Эрүүгийн хэргийн анхан шатны шүүх таван өдрийн турш хянан хэлэлцэв. Шүүх хуралдаанаар нэмэлт мөрдөн шалгах ажиллагаа хийлгэх зайлшгүй шаардлагатай гэж үзэн хэргийг Нийслэлийн прокурорын газарт буцааж, шүүгдэгч нарт урьд авсан таслан сэргийлэх арга хэмжээг хэвээр үргэлжлүүлж шийдвэрлэлээ. Эргэн сануулахад шүүгдэгч нарт Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ аваад байгаа. Эрүүгийн хэрэг хянан шийдвэрлэх тухай хуулийн 14.5 дугаар зүйл.Хязгаарлалт тогтоох таслан сэргийлэх арга хэмжээ 1.Яллагдагч эрүүгийн хэрэг хянан шийдвэрлэх ажиллагаанд саад учруулахгүй байх, түүнийг дахин гэмт хэрэг үйлдэхээс урьдчилан сэргийлэх зорилгоор тогтоосон газар, нутаг дэвсгэрээс гарч явах, Монгол Улсын хилээр гарахыг хязгаарлах, тодорхой газар очих, тодорхой хүнтэй уулзахыг хориглох, тогтоосон замаар зорчихыг яллагдагчид даалгаж, хязгаарлалт тогтоох таслан сэргийлэх арга хэмжээг авах эсэхийг прокурорын саналыг үндэслэн шүүх шийдвэрлэнэ.

ӨМГӨӨЛӨГЧ Г.БАТБАЯРЫН ОХИН Б.АРИУНЗАЯАГ МОНГОЛ УЛСЫН ХИЛЭЭР ГАРАХЫГ ХОРИГЛОЛОО

Нийслэлийн Сүхбаатар дүүргийн Прокурорын газраас яллагдагч Б.Ариунзаяад Эрүүгийн хэрэг хянан шийдвэрлэх тухай хуулийн 14.5 дугаар зүйлийн 1 дэх хэсэгт заасан “...Монгол Улсын хилээр гарахыг хязгаарлах хязгаарлалт тогтоох, мөн тодорхой хүнтэй уулзахыг хориглох буюу хохирогч М болон түүний ар гэрийхэнтэй уулзахыг хориглох...” хязгаарлалт тогтоох таслан сэргийлэх арга хэмжээ авах тухай саналыг 2022 оны 03 дугаар сарын 04-ний өдөр ирүүлснийг хүлээн авч мөн өдөр хянан хэлэлцлээ. Шүүхээс хавтас хэрэгт авагдсан бичгийн нотлох баримтууд болоод шүүхийн хэлэлцүүлэгт гаргасан прокурорын дүгнэлт, өмгөөлөгчийн санал зэргийг судалж үзээд прокуророос гаргасан “...Тодорхой хүнтэй уулзахыг хориглох буюу хохирогч М болон түүний ар гэрийнхэнтэй уулзахыг хориглох...” хязгаарлалт тогтоох санал нь үндэслэлгүй байх тул хүлээн авахаас татгалзав. Харин Эрүүгийн хэрэг хянан шийдвэрлэх тухай хуулийн зорилтод нийцүүлэн 2022 оны 03 дугаар сарын 04-ний өдрөөс эхлэн Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ авч, шүүгчийн захирамжийн хувийг Хил хамгаалах ерөнхий газарт даруй хүргүүлэхийг шүүгчийн туслахад, захирамжийн хэрэгжилтэд хяналт тавьж ажиллахыг Хил хамгаалах ерөнхий газарт тус тус даалгаж шийдвэрлэлээ.

2021 ОНД ГЭР ХОРООЛЛЫН АЙЛ ӨРХҮҮД 23.6 ТЭРБУМ ТӨГРӨГИЙН ШӨНИЙН ТАРИФЫН ХӨНГӨЛӨЛТ ЭДЭЛСЭН БАЙНА

Тухайлбал: “Гэр хорооллын айл өрхөд цахилгаан эрчим хүчний тарифын хөнгөлөлт үзүүлэх журам”-д өөрчлөлт оруулж агаарын бохирдлыг бууруулах зорилгоор аймгийн төв, арван мянгаас дээш хүн амтай сум, суурин газрын гэр хорооллын өрхийн ахуйн хэрэглээ болон халаалтын зориулалтаар хүйтний улиралд орой, шөнийн цагт хэрэглэсэн цахилгааны тарифыг 50 хувиар бууруулж хөнгөлөлт үзүүлж байсныг Нийслэл Улаанбаатар хотын адил 100 хувиар бууруулж хөнгөлөлт үзүүлэхээр шийдвэрлэсэн. Монгол Улсын Засгийн газрын 2020 оны 9 дүгээр сарын 23-ны өдрийн 115 дугаар тогтоолоор “Журам батлах тухай” Засгийн газрын 2017 оны 7 дугаар сарын 4-ний өдрийн 199 дүгээр тогтоолын хавсралтаар баталсан Энэхүү журмын хүрээнд 2017 оны 11 дүгээр сарын 01-ний өдрөөс эхлэн Эрчим хүчний зохицуулах хорооноос гэр хорооллын тарифт тоолууртай өрхийн жил бүрийн 1, 2, 3, 11, 12 дугаар сарын оройн 21:00 цагаас өглөөний 06:00 цагт хэрэглэсэн цахилгааны тарифт хөнгөлөлт үзүүлэх шийдвэрийг гаргаж Захиргааны ерөнхий хуульд заасан журмын дагуу захиргааны хэм хэмжээний актын улсын нэгдсэн бүртгэлд бүртгүүлэн хэрэглэгчдэд мөрдүүлж байгаа юм. Гэр хорооллын хоёр тарифт тоолууртай өрхийн орой, шөнийн цагт хэрэглэсэн цахилгааны тарифт 100 хувиар хөнгөлөлт үзүүлэх нэг сарын хэрэглээний дээд хязгаарыг 220 В-ын хүчдэлийн түвшинд холбогдсон хэрэглэгчдэд 700 кВт.цаг, 380 В-ын хүчдэлийн түвшинд холбогдсон хэрэглэгчдэд 1500 кВт.цаг байхаар тогтоож хэрэглэгчдэд борлуулах цахилгааны тариф болон сэргээгдэх эрчим хүчнийг дэмжих тарифыг 100 хувиар тооцон хөнгөлөлт үзүүлэх ба 100 хувиар тооцон хөнгөлөлт үзүүлэх нэг сарын дээд хязгаараас илүү хэрэглэсэн цахилгааны тарифыг 50 хувиар тооцон хөнгөлөлт үзүүлж байна. Монгол Улсын Засгийн газрын дээрх тогтоолыг хэрэгжүүлж агаарын бохирдлыг бууруулах зорилгоор Нийслэл хот болон аймгийн төв, арван мянгаас дээш хүн амтай сум, суурин газрын гэр хорооллын өрхийн орой, шөнийн цагт хэрэглэсэн цахилгааны тарифт 2017 онд 6.2 тэрбум төгрөг, 2018 онд 9.8 тэрбум төгрөг, 2019 онд 13.0 тэрбум төгрөг, 2020 онд 18.1 тэрбум төгрөг, 2021 онд 23.6 тэрбум төгрөгийн хөнгөлөлт эдлээд байгаа юм байна.

ЭХЗХ-Д ЭНЭ ОНЫ ХОЁРДУГААР САРЫН БАЙДЛААР 588 ХЭРЭГЛЭГЧИЙГ ХАМАРСАН 36 ӨРГӨДӨЛ, ГОМДОЛ ИРЖЭЭ

Тодруулбал: 2022 оны эхний 2 сарын байдлаар ЭХЗХ-д нийт 588 хэрэглэгчийг хамарсан 36 өргөдөл гомдол бичгээр ирсэн бөгөөд үүний 53 хувь буюу 19 нь иргэнээс, 33 хувь буюу 12 нь аж ахуйн нэгж, 11 хувь буюу 4 нь сууц өмчлөгчдийн холбооноос, 3 хувь буюу нэг нь тусгай зөвшөөрөл эзэмшигчээс ирүүлсэн маргаан байна.Нийт өргөдлийн 75 хувь буюу 27 өргөдөл нь цахилгаан, дулааны төлбөртэй холбоотой байсныг хянан шалгаж 7 хэрэглэгчид 32.5 сая төгрөгийг буцаан олгох, 5 хэрэглэгчийг хангагчийн нэхэмжилсэн 17.3 сая төгрөгийн төлбөрийг төлөх үндэслэлтэй болохыг тогтоон шийдвэрлэсэн. Хэрэглэгчийн цахилгаан, дулааны төлбөртэй холбоотой өргөдлийг судлах явцад хангагч, хэрэглэгч талуудын хуулиар хүлээсэн үүргээ хэрэгжүүлээгүйгээс шалтгаалсан байна гэж үзжээ. Эрчим хүчний зохицуулах хороо нь Эрчим хүчний тухай хуулийн 9 дүгээр зүйлийн 9.1.6, 35 дугаар зүйлийн 35.2-т заасны дагуу өөрийн эрх үүрэгт хамаарах асуудлаар тусгай зөвшөөрөл эзэмшигчдийн хооронд болон тусгай зөвшөөрөл эзэмшигч, хэрэглэгчийн хооронд үүссэн гомдол, маргааныг харьяаллын дагуу шийдвэрлэх үүрэгтэй.

Г.ЗАНДАНШАТАР: ХЭРВЭЭ ЗӨВӨӨР ОЙЛГУУЛЖ ЧАДВАЛ 5 САЯААС ДЭЭШ САРЫН ОРЛОГОТОЙ БОЛ ИЛҮҮ ТАТВАР АВАХ НЬ САНГУУДЫН АЛДАГДАЛ БУУРАХАД НӨЛӨӨЛНӨ ГЭВ

Тодруулбал: “Төрийн алба хаагч, багш, эмч, цагдаа нарын цалин нэмэгдүүлэхийн тулд их орлоготой хүмүүсээс илүү татвар авдаг болох нь зөв . Манайхан үүнийг шуугиад болиулчихдаг. 2.5 сая төгрөгөөс дээш цалинд 15 хувийн татвар авахаар нэмэгдүүлсэн боловч жагсаал цуглаан болоод болиулсан. Хэрэв зөв ойлгуулж чадвал 5 саяас дээш, цаашлаад 10 саяас дээш ч юм уу сарын орлоготой хүн бол илүү татвар төлдөг энэ зарчим руу шилжих нь зөв гэж бодож байна. Нийгмийн даатгалын шимтгэл ч гэсэн ялгаагүй. Ингэж байж сангуудын алдагдал буурч, ядуусаа, ахмадаа, хөгжлийн бэрхшээлтэй иргэдээ дэмжих” боломжтой хэмээн УИХ-ын дарга Г.Занданшатар МҮОНТ-ээр эдийн засгийг тэлэх бодлогын талаар ярих үеэрээ орлогод суурилсан татварын бодлогыг нэвтрүүлэх хэрэгтэй гэсэн бөгөөд. Өндөр орлоготой иргэдээс илүү татвар авдаг болох хэрэгтэй байгаа талаар байр сууриа илэрхийлэн ярилаа.

ХААНА Ч ЯВСАН....

ЗАЛУУС ХАР ТАМХИНД ДОНТСООР Л, ОЛОН НИЙТИЙН ГАЗАР МАНСУУРСАН ЗАЛУУСААС КАНАБИС ИЛРҮҮЛЖЭЭ

Төв цэнгэлдэх автобусны буудал дээр мансуурсан залуус байна гэх мэдээлэл цагдаагийн байгууллагад бүртгэгдэж шалгалт хийхэд эрэгтэй 20 настай Б, эрэгтэй 19 настай Б нар биедээ Дельта 9 төрлийн канабис ургамал авч явсныг эрүүлжээ. Олон нийтийн газар ийнхүү залуус нь хар тамхи хэрэглэх тохиолдол гарсаар байна. Тус хэргийг ХУДЦХ-1 шалгаж байна.

ОХУ-ЫН ЭЗЛЭН ТҮРЭМГИЙЛЛИЙГ ЭСЭРГҮҮЦЭЖ ДЭЛХИЙН ТОМООХОН БРЭНДҮҮД ОРОСЫН ЗАХ ЗЭЭЛЭЭС ГАРСААР БАЙНА

Украин улс руу ОХУ довтолсны дараа дэлхийд тэргүүлэгч 70 гаруй брэнд дайныг эсэргүүцэж буйгаа илэрхийлэн Оросын зах зээлээс гарсан талаар РБК-Украина хэвлэлээс мэдээлжээ. Тодруулбал: Шведийн гэр ахуйн тавилгын IKEA брэнд Орост өнөөдрөөс эхлэн үйл ажиллагаагаа зогсоох болсноо мэдэгдсэн бөгөөд. Өчигдөр IKEA-гийн сүлжээ дэлгүүрүүдэд асар урт дараалал үүссэн ба тус компаниас мэдээлснээр ажилчид агуулахад ажилласаар байх бөгөөд цалингаа үргэлжлүүлэн авах санал гаргажээ. Украин улс руу ОХУ довтолсныг буруушааж Оросын зах зээлээс гарсан брэндүүд ийг дурдвал : Apple, Audi, Chevrolet, Cadillac, Coca Cola, Danone, Dell, DHL, Ericsson, Ford, HP, Harley Davidson, General Motors, Jaguar, Lenovo, LinkedIn, Maersk (Aliexpress болон ASOS), Nike, Scania, Porsche, Renault, OnlyFans, AMD, Adobe, BMW, Dropbox (хэд хоногийн дараа), FedEx, Intel, Mercedes, Nestle зэрэг томоохон үйлдвэр, брэндүүд мэдэгдлээ гаргаад багаа бол. Мөн томоохон компаниуд Apple Pay, Amazon, Cex Io, Etsy, Facebook (зарим хаягууд), Google Pay, Google Maps, Instagram (суртал ухуулгын мэдээллүүд), Paysera, Samsung pay зэрэг үйлчилгээнүүдээ тус тус зогсоосон байна. Формула 1 FIFA Eurovision Mobile World Congress NHL Харин Оросын иргэд Каннын фестиваль, Eurovision, Формула 1, FIFA, Mobile World Congress, NHL зэрэг арга хэмжээнүүдэд оролцох боломжгүй болсон бөгөөд Adidas Оросын хөл бөмбөгийн шигшээ багтай хамтран ажиллахаас татгалзаж байгаагаа мөн мэдэгдсэн бол. BBC, Cinema 4D, Disney, Netflix, Sony, Pornhub, Paramount зэрэг үйлчилгээнүүд зогсож, Mastercard, PayPal зэрэг олон улсын төлбөрийн системүүдийг хязгаарлажээ.