ЗАРДЛАА ТАНАСАН ЗАСГИЙН ГАЗАР

04 / 21 0 сэтгэгдэл 723 үзсэнe

Энэ сарын 19-нд болсон МҮХАҮТ-д бизнес эрхлэгчдийн у улзалтад Ерөнхий сайд болон сайд нар микро автобустай ирцгээсэн. Учир нь иргэдийн жагсаалын дараа төрийн үрэлгэн зардлыг хэмнэх зорилгоор дарга нар хот дотор том оврын машин хэрэглэхийг хориглосон шийдвэр энэ сарын 15-нд албан ёсоор гарсан юм. Ингэснээр Төрийн ордон дотор гялалзсан хар жийп машинууд эгнэн зогсохооргүй боллоо.Үндэсний статистикийн хорооноос мэдээлснээр төр, орон нутгийн өмчит болон төсөвт байгууллагууд 2021 онд 1364 том оврын машинтай байв. Маркаар нь танилцуулбал Лексус 98, Ниссан Петрол 152, Ланд Круизер 906 ширхэг байжээ. Аль байгууллагын дарга нар эдгээр машиныг хэрэглэдэг вэ гэвэл Төсөвт байгууллагууд 885, Төрийн өмчит хувьцаат компани, төрийн өмчит үйлдвэрийн газар, орон нутгийн өмчит үйлдвэрийн газар 246, Яам, агентлагууд 191, УИХ 42 том оврын машинтай байна. Том оврын машины шатахуун зарцуулалт: Ниссан патрол 100 км тутамд 22-23 литр, Прадо 100 км тутамд 18 литр, Ланд Круизер 100 км тутамд 27 литр шатахуун тус тус зарцуулдаг. Харин жижиг оврын машинууд зуны нормоор хоёр дахин бага шатахуун зарцуулдаг аж. Шатахууны зарцуулалт өндөр эдгээр машиныг цаашид хот дотор хэрэглэхгүй тул гараажид сул зогсоно гэсэн үг. Иймд төрийн байгууллагуудын эзэмшлийн нийт машины 60 хувийг худалдах болжээ .

ХҮЧТЭЙ ҮЙЛЧИЛГЭЭТЭЙ, ИХ ХЭМЖЭЭНИЙ МАНСУУРАХ СЭТГЭЦЭД НӨЛӨӨЛӨХ БОДИС ХИЛ НЭВТРҮҮЛЭХИЙГ ЗАВДЖЭЭ

04 / 21 0 сэтгэгдэл 689 үзсэнe

Улс хоорондын шуудан илгээмжээр энэ сарын 21-ний өдөр Монгол Улсын нэр бүхий иргэд шингэн каннабис, экстази, ЛСД зэрэг маш хүчтэй үйлчилгээтэй мансууруулах болон сэтгэцэд нөлөөт бодисуудыг АНУ-аас их хэмжээгээр нууцаар нэвтрүүлэхийг завджээ. Уг үйлдлийг гаалийн хяналт шалгалтаар илрүүлэн таслан зогсоож, хойшлуулшгүй ажиллагаа явуулан холбогдогч этгээдүүдийг саатуулан шалгаж байна. Гаалийн байгууллага энэ онд энэ төрлийн бодисыг улсын хилээр хууль бусаар нэвтрүүлэхийг завдсан 6 удаагийн тохиолдлыг илрүүлж, сэжиг бүхий 1.6 литр бодисыг хураан хэргийг хуулийн байгууллагад шилжүүлсэн юм .

ШАДАР САЙД С.АМАРСАЙХАН ФЕЙСБҮҮКТ ПОСТ БИЧСЭН ИРГЭНД ГОМДОН ГОМДОЛ ГАРГАЖЭЭ

04 / 21 0 сэтгэгдэл 617 үзсэнe

Иргэн Шадар сайдын зарим шийдвэр, үйл ажиллагааг шүүмжилж олон нийтийн сүлжээнд бичсэнд С.Амарсайхан тухайн иргэнийг Мөрдөн байцаах газраар шалгуулахаар өргөдөл өгчээ. Иргэн Т.Шинэбаяр "Шадар сайд С.Амарсайхан энэ сарын 19-нд миний нэр дээр дуудах хуудас ирүүлсэн. Гэхдээ надад өөрт биш ээжид маань хуудсыг хүргүүлсэн байсан. Даваа гарагт нь дуудах хуудсын дагуу очиж уулзахад фэйсбүүкийн бичвэрээс болж Шадар сайд гомдсон байсан. Өргөдөлдөө дараах бичвэрүүдэд гомдсон хэмээн бичсэн байжээ. - Хийн хоолойн асуудлыг эсэргүүцэж байгаад - Туулын бургасыг хядсаныг нь эсэргүүцсэнд - Цар тахлын хүнд үед усан оргилуурыг 3,2 тэрбум төгрөгөөр барьсныг шүүмжилсэнд - Засгийн газрын үйл ажиллагааг шүүмжилсэнд - "Аав нь шарил ухдаг хятад хүн байсан гэсэн. Хүү нь Монгол Улсыг самарч байна" гэх агуулгатай бичвэр оруулсанд тус тус гомдсон байсан. Нэгдүгээрт , ОХУ-аас манай улсаас дамжин өнгөрөх хийн хоолой манайд ямар ч ашиггүй. Нэг тэрбум ам.доллар оруулж ирэх гэж байхад иргэн Шинэбаяр эсэргүүцээд байна хэмээн гомджээ. Хоёрдугаарт, Туул голын бургас сүйтгэсэн асуудал. 14 мянган багц бургасыг хядсан нь тухайн үед шуугиан тарьж байв. Тухайн компани нь Шадар сайдын төрсөн ахынх бөгөөд үйл ажиллагааг нь сэргээж байгаа нь хар төрүүлж байна. Гуравдугаарт, Ковидын үеэр эмнэлэг олдохгүй иргэд маш хэцүү байдалд байсан. Залуус нь ихэвчлэн гэрээр эмчлүүлж, зарим нь гэртээ нас барж байсан. Энэ үеэр ус зөөж дүүргэдэг усан оргилуурыг 3,2 тэрбум төгрөгөөр барьсан. Дөрөвдүгээрт , өргөдөлдөө Засгийн газрын үйл ажиллагааг шүүмжилсэн хэмээжээ. Шүүмжлэхээс өөр аргагүй байна. Тэр хүн ажлаа сайн хийж байсан бол сошиал сүлжээнд "цагдаа" хийгээд суухгүй, хил гаалийн асуудлаа шийдэх байсан. Зүгээр хараад суухаар бид яаж ядуурлаас гарах вэ. Сошиалд өөрийнх нь тухай бичсэнийг тандаад сууж байхын оронд нүүрсээ нарийн царигаар хэрхэн гаргах асуудлыг авч үзээсэй. Ерөнхий сайд, Засгийн газрын үйл ажиллагааг шүүмжлэхэд яагаад Шадар сайд гомддог юм бэ.

ТӨВ АЙМГИЙН ЗУУНМОД СУМЫН НУТАГ ОСОЛ ГАРГАН ХҮНИЙ АМЬ НАСЫГ ХОХИРООЖ, ХЭРГИЙН ГАЗРЫГ ЗОРИУД ОРХИН ЗУГАТААСАН ЭТГЭЭДИЙГ ИЛРҮҮЛЖЭЭ

04 / 21 0 сэтгэгдэл 774 үзсэнe

Энэ оны дөрөвдүгээр сарын 20-ны өдрийн 16:31 цагийн үед Төв аймгийн Зуунмод сумын нутаг дэвсгэрт “Гүүрний хажууд хүн нас барсан байна” гэх дуудлага, мэдээлэл бүртгэгдсэн. Мэдээллийн дагуу Төв аймаг дахь цагдаагийн газраас хэргийн газрын үзлэгийг явуулахад дөрөвдүгээр сарын 19-нөөс 20-нд шилжих шөнө тус аймагт оршин суух хаягтай 79 настай, эрэгтэй “С”-ийг тээврийн хэрэгслээр мөргөж амь насыг нь хохироож, хэргийн газрыг зориуд орхиж зугатаасан нөхцөл байдал тогтоогдсон байна. Тус цагдаагийн газраас эрэн сурвалжлах ажиллагааг шуурхай зохион байгуулж ажиллахад дээрх хэргийг үйлдсэн байж болзошгүй иргэнийг саатуулан мөрдөн шалгах ажиллагааг явуулж байна. Иймд тээврийн хэрэгслээ бусдад шилжүүлэхгүй байх, орон нутгийн замын хөдөлгөөнд оролцохдоо хурд хэтрүүлэхгүй байхыг цагдаагийн байгууллагаас анхаарууллаа.

С.ЭРДЭНИЙН ВАНТ УЛС ГЭГДЭЖ БАЙСАН БАЯНГОЛ ДҮҮРЭГ ӨДГӨӨ УИХ-ЫН ГИШҮҮН Ж.ГАНБААТАРЫНХ БОЛСОН УУ?

04 / 21 0 сэтгэгдэл 1 138 үзсэнe

Ардчилсан нам тус дүүрэгт олон жил олонх болж түүгээрээч ардчилсан намын дарга гэгдээд байгаа С.Эрдэнийн вант улс хэмээн цоллогддог байсан. Харин 2020 оны сонгуулиас эхлэн тус дүүрэгт МАН толгой цохих болсон бөгөөд энэ цагаас эхлэн “Оргил”-ын гэх тодотголтой Ж.Ганбаатарын дүүрэг болон хувирсан гэхэд хэлсдэхгүй юм. Үүний олон ч жишээ хэвлэл мэдээллээр олонтой гарсан байдаг. Тэгвэл сүүлийн үед Ж.Ганбаатар гэх эрхэмтэй холбоотой тус дүүргийн дарга нар гадаад орноор туршлага судлах аялал нэрийдлээр зугаалах болжээ. Тодруулбал, дүүргийн дарга нар тушаал гаргаж Арабын нэгдсэн Эмират улсын нийслэл Дубай хотод долоо хоногийн туршлага судлах аялал нэрийдлээр албан хаагчдаа зугаалуулах шийдвэр гаргасан гэх. БГД-ийн Засаг дарга асан Ө.Сумъяабаатарын гарын үсэг бүхий албан бичигт байгаа нэрс дунд хэд хэдэн хүний нэрс байгаагаас Ж.Ганбаатар гишүүний хамаарал бүхий ойрын хүмүүс болон түүний туслахаар олон ажилласан хүмүүс төсвийн мөнгөөр зугаалсан байгаа юм. Өөрөөр хэлбэл, Ж.Ганбаатарын хүн гэгдэх Баянгол дүүргийн Засаг дарга Ө.Сумъяабаатар “дарга”-ынхаа хамаарал бүхий, ойрын хүмүүсийг нь аялалд явуулсан нь энэ. Үүнийхээ балгаар ч өнөөдөр Баянгол дүүргийн Засаг дарга Ө.Сумъяабаатар ажилаа өгсөн. Удахгүй Баянгол дүүргийн МАН-ын дарга Ж.Ганбаатар ч ажилаа өгхийг үгүйсгэхгүй. Яагаад гэвэл дүүргийн намын даргын сунгаа саяхан болж Ж.Ганбаатар ганц, хоёрхон хүний саналаар ёстой л азаар дүүргийн МАН-ын дарга хэвээрээ үлдсэн гэгдэж байгаа. Угтаа бол С.Эрдэнийн Вант улсыг “Оргил”-ын Ж.Ганбаатарын вант улс болгож өөрийнхөө хүмүүсээр Баянгол дүүргийн удирдлагыг дүүргээд байсан нь ийнхүү ганхаж эхэлсэн бололтой.

БАЯНХОНГОР: ЖИНСТ СУМЫН БОДЬ 5 ДУГААР БАГТ ӨЧИГДӨР МӨНДӨР ОРЖ, АЯНГА БУУЖЭЭ

04 / 21 0 сэтгэгдэл 747 үзсэнe

Өчигдөр буюу 2022:04:20 өдөр Баянхонгор аймгийн Жинст сумын Бодь 5 дугаар баг /аймгийн төвөөс баруун урд зүгт 93 км/ 14:30 цагийн үед мөндөр орсоны улмаас сумын уурын зуухан дээр аянга буусан тухай мэдээллийг 04.20-ны өдөр 15:40 цагт хүлээн авчээ. Тус аймгийн Онцгой байдлын газраар дамжуулан сумын уурын зуух, дулааны шугамын үйл ажиллагааг явуулдаг “БСТ Хонгор” ХХК-ийн механикчтай холбогдож мэдээлэл авахад уурын зуух /Булат-1.45 мвт/-нд бага зэргийн гэмтэл гарсан, өөр учирсан хохиролгүй тухай мэдээллийг өгсөн байна.

Д.СҮНДИЙГИЙН ШҮҮХИЙН ТОГТООЛД ӨӨРЧЛӨЛТ ОРОВ

04 / 20 0 сэтгэгдэл 903 үзсэнe

Эрүүгийн хэргийн анхан шатны шүүхээс шүүгдэгч Д.Сүндийг гэмт буруутайд тооцож, нийтийн албанд томилогдох эрхийг таван жилийн хугацаагаар хасаж, гурван жилийн хорих ял оноосон. Харин Давж заалдах шатны шүүхээс Д.Сүндийд оногдуулсан гурван жилийн хорих ялыг зургаан сар болгон өөрчлөх шийдвэр гаргаад байсан. Тэгвэл өнөөдөр Дээд шүүх "Неткапитал” ББСБ-ын ТУЗ-ийн дарга Д.Сүндий, болон Д.Баттөгс, Г.Даваажав, Т.Батсайхан нарт холбогдох хэргийг 6 хавтас шүүгдэгч Г.Даваажавын өмгөөлөгч Н.Цэцэгмаа, шүүгдэгч Т.Батсайханы өмгөөлөгч Х.Мөнгөнсүх, Б.Бат-Ерөөлт, Д.Батбаяр, П.Одонтунгалаг нарын гаргасан гомдол болон прокурорын бичсэн эсэргүүцлийг хянан хэлэлцэж, шүүх шийдвэр гаргалаа. Шүүхээс Анхан болон Давж заалдах шатны шүүхийн шийтгэх тогтоол, магадлалд өөрчлөлт оруулсан аж .

Л.ЭНХ-АМГАЛАН: ОРОН СУУЦНЫ НЭГ ДАВХРЫГ ЦЭЦЭРЛЭГИЙН ЗОРИУЛАЛТААР ХУДАЛДАЖ АВНА

04 / 20 0 сэтгэгдэл 494 үзсэнe

Л.Энх-Амгалан сайд : Бүх хүүхдийг цэцэрлэгт хамруулахад шинээр 280 цэцэрлэг барих шаардлагатай. Нийслэлд жилд дунджаар 60-70 мянган хүн шилжин ирдэг гэж тооцвол улсын төсвийн хөрөнгөөр цэцэрлэгийн хүртээмжийн асуудлыг шийдэх боломжгүй. Иймээс цэцэрлэгийн барилгыг улс, нийслэлийн төсөв болон төсөл хөтөлбөрийн санхүүжилтээр барихын зэрэгцээ цэцэрлэгийн зориулалттай барилгыг түрээслэх, байгууллагын дэргэдэх цэцэрлэгийн үйл ажиллагааг дэмжих, хувийн цэцэрлэгүүдийн сул орон зайд хүүхэд хүлээн авах боломжийг бүрдүүлэхэд анхаарна. Ингэхдээ хүүхдийн тоогоор хувьсан зардал болон хоолны зардлыг олгохоор тооцсон. Алслагдсан гэр хороололд “Өргөө” цэцэрлэг барих ажлыг эрчимжүүлэх бөгөөд энэ онд хоёр цэцэрлэг барихаар төсөвт суулгасан байгаа” хэмээв. Орон сууцны нэгдүгээр давхрыг цэцэрлэгийн зориулалтаар худалдаж авах, өөрийн газар дээр цэцэрлэг барьсан тохиолдолд төрөөс дэмжиж татварын хөнгөлөлт үзүүлэх талаар арга хэмжээ авна.

“САХАЛ’’ Д.ЭРДЭНЭБИЛЭГИЙГ АТГ-ААС СААТУУЛЛАА

04 / 20 0 сэтгэгдэл 803 үзсэнe

Эх сурвалжийн мэдээлж байгаагаар, түүнийг Хөгжлийн банкны хэрэгт холбогдуулан ийнхүү тайлбар авч байгаа гэх бөгөөд Сүхбаатар дүүрэгт байрлах Худалдаа хөгжлийн банкны төв оффист АТГ-ын мөрдөгч нар нэгжлэг хийж, санхүүгийн баримтуудыг хураан авчээ. Түүнчлэн Д.Эрдэнэбилэгийн Хан-Уул дүүрэгт байрлах гэрт нь нэгжлэг хийж, түүнийг гэрээс нь саатуулжээ. Шалгалтын ажиллагаа үргэлжилж байна .

ХЯТАДУУДТАЙ НИЙЛЖ БАЯЛАГ ЦӨЛМӨГСӨД

04 / 19 0 сэтгэгдэл 1 453 үзсэнe

Мандах суманд лиценз нэрээр Хятадуудтай нийлж эх орны баялгийг цөлмөгсөд.Эх орныхоо гишгэх газрыг алд дэлэмээр ханаж цадахаа мэдэхгүй улайран зарсан гэх. Эрүүгийн хэрэгт ЯЛЛАГДАГЧААР татагдсан Кекшүзаны хамтрагч Бөнтөгийн Цэрэндорж яг юу хийгээд явна. Дорноговь аймгийн Мандах сумын малчдыг зодож хоёр гарыг нь хүлж байгаад нүүрс ухахыг завдаж буй "Түмэн айл инвест" компанийг эсэргүүцсэн малчид аврал эрж, тойргоосоо сонгогдсон УИХ-ын гишүүн Б.Дэлгэрсайханд хандсан ч тусыг эс олжээ. Энэ газрыг ухах гээд байгаа компаний жинхэнэ эзэн нь УИХ-ын гишүүн Б.Дэлгэрсайханы "ХАМТРАГЧ" аж. Улсын бүртгэл дээр "Түмэн айл инвест" гэх компани эздээсээ огт өөр хүмүүсийн нэр дээр. Эдгээр хүмүүс бол жинхэнэ эздүүдийн ах дүү, гүйцэтгэх захирал, хамтрагчид. Халхавчны ар дах жинхэнэ ЭЗЭН нь Ишбадамын Сүхбат гэгч. И. Сүхбат нь Дорноговь аймгаас сонгогдсон УИХ-ын гишүүн Б.Дэлгэрсайхантай нэгдмэл сонирхолтой . И.Сүхбат Б.Дэлгэрсайхан нар дундаа " Монголын төмөрлөг үйлдвэрлэгчдийн холбоо " хэмээх Төрийн бус байгууллагыг хамтран эзэмшдэг аж. Зөвхөн энэ биш олон төрлийн бизнесээр холбогдсон. И.Сүхбатын төрсөн эгч Ишбадамын Нарантуяа нь АН-аас УИХ-д нэр дэвшиж, Хүүхдийн төлөө Үндэсний төвийн даргаар ажиллаж байсан. И.Сүхбатын "Түмэн айл инвест" компани Мандах сумын газар нутгаас маш их хэмжээний газрыг ХАЙГУУЛЫН болон АШИГЛАЛТЫН 6 лицензээр авчээ. /Одоогоор 2 нь ашиглалтынх/ . Эдгээр лицензүүдийг "Түмэн айл инвест " компаниасаа гадна "Их түмэн хүрд" гэх компаний нэрээр авсан гэх. Энэ хоёр компаний эцсийн өмчлөгч нь нэг буюу И.Сүхбат түүний хамтрагчид. "Их түмэн хүрд " компани нь бүртгэл дээр Ж.Дашхорлоо гэх хүний нэр дээр байдаг ч Тавантолгойн анхны хайгуулчдын нэг. "Түмэн айл инвест" компаний хамтран эзэмшиж байгаад “Их түмэн хүрд” ХХК ийн компаний эзэн болсон гэдэг. Мандах суманд болсон малчдын тэмцлийн үеэр Кекшүзан Батбаярын хамтрагч Бөнтөгийн Цэрэндорж “Түмэн айл инвест” компанийг төлөөлөн очсон нь санамсаргүй тохиолдол биш аж. Кекшүзан Батбаяр, Бөнтөгийн Цэрэндорж нар Богд уулсын газар болон Монголын газар нутгийг хуурамч бичиг баримт бүрдүүлэн Хятадуудад зарахыг завдсан үйлдлээрээ Эрүүгийн хэрэгт ЯЛЛАГДАГЧаар татагдан шүүх дээр байгаа.Өнгөрөгч өвөл Кекшүзан Батбаяр Мандах суманд гэнэт зочилсны цаад шалтгаан нь НҮҮРСНИЙ ЛИЦЕНЗ. УИХ-ын гишүүн Б.Дэлгэрсайхан, УИХ-ын гишүүн асан Кекшүзан Батбаяр, Цагааншонхорын Энхтайтан тэргүүтэй цөөхөн хэдэн хүмүүс л өнөөдөр Монголын баялгийг лиценз нэрээр Хятадуудтай нийлж үрэн таран хийж, гэдсээ хагартал идэж байгаа. Малчид аврал эрэн очсон гишүүн нь тэмцээд байгаа уурхайтай нь жинхэнэ гар баригсад гэдгийн яахан мэдэх билээ.