2022 ОНЫ НЭГДҮГЭЭР САРЫН 1-НЭЭС ХОЙШ НУС ЦЭРЭЭ ХАЯДАГ, ИЛ БИЕ ЗАСДАГ, ХОГОО ХАЯДАГ ИРГЭДЭД ХАТУУ ХАРИУЦЛАГА ТООЦНО ГЭВ

11 / 17 0 сэтгэгдэл 944 үзсэнe

Хотын иргэд нэг үеээ бодвол соёлжиж гудамж талбайд нус цэрээ хаяж, ил задгай бие засахаа больсон. Тэгвэл төрийн толгойд сууж байгаа хууль завхруулагчид даа хариуцлага тооцох, тэдэнд авах арга хэмжээгээ чангатгахгүй байж дахин л ард иргэдийн халаасруу гараа шургуулсан хуулиа чангатгана гэлээ. Тодруубал : Нийслэлийн засаг дарга Д.Сумъяабазар 2022 оны 1 сарын 1-нээс ил задгай хог хаясан иргэдэд хуулийн дагуу авах арга хэмжээгээ аваад эхэлнэ. Бид хуулинд суусан дүрэмтэй болж байгаа, хуулинд суусан стандарттай болж байгаа гэж мэдэгдлээ. Ийм зүйлийг баатар мэтээр ярьж суухын оронд ард түмнээ шулсан биш харин дэмжсэн хууль баталчихаад ам бардам ард түмэндээ мэдэгдсэн бол...

ХИЛ ХААЛТТАЙГААС БОЛЖ ЭМ, ЭМНЭЛГИЙН ХЭРЭГСЛИЙН ХОМСТОЛ ҮҮССЭН ҮЕД ҮНЭ НЭМЭГДҮҮЛЭН ХУДАЛДААЛСАН БОЛОН БОРЛУУЛСАН ГАЗРУУДАД АРГА ХЭМЖЭЭ АВЛАА

11 / 17 0 сэтгэгдэл 903 үзсэнe

Хятад улсын Эрээн хотод ковид19 халдварын тохиолдол бүртгэгдэж тодорхойгүй хугацаагаар хилээ хаагаад байгаа. Уг шалтгааны улмаас өнөөдрийн байдлаар манай улсад эм, эмнэлгийн хэрэгслийн хомстол үүсэж эхэлсэн. Тодруулбал : Нийслэлийн засаг даргаас өгсөн үүргийн дагуу НМХГ-ын дэд даргын 2021,10,28-ны өдөр баталсан Төлөвлөгөөт бус хяналт шалгалт хийх тухай 02-04/350 дугаар удирдамжийн хүрээнд эмийн сангуудад хийгдсэн шалгалтын мэдээлэл гарлаа. Үүнд : Эмийн санд худалдаалагдаж буй эмүүдийн хангамж, хүртээмж болон үнийн талаарх судалгааг гаргах,чанар аюулгүй байдал, эрсдэлээс урьдчилан сэргийлэх мэргэжил арга зүйн зөвлөгөө өгөх зорилгоор Сүхбаатар дүүрэгт байрлах 20, Баянгол дүүрэгт байрлах 12, Сонгино хайрхан дүүрэгт байрлах 15, Чингэлтэй дүүрэгт байрлах 27, Хан-Уул дүүрэгт байрлах 5, Баянзүрх дүүрэгт байрлах 13 нийт 92 эмийн санд шалгалт хийхэд 25-30 нэрийн импортоор орж ирдэг өргөн хэрэглээний /бактерийн эсрэг, мөөгөнцрийн г.м/ эм эмнэлгийн хэрэгсэл /тариурууд/-үүд тасарсан байгаа бол дотоодын эмийн үйлдвэрийн 10-аад нэр төрлийн судсаар сэлбэх тарилгын шингэн тасарч нийтдээ 40 гаруй нэр төрлийн эм, эмнэлгийн хэрэгсэлд хомстол үүсжээ. Ийнхүү хомстол үүсэхдээ зэрэгцэн вирусийн холбогдолтой эмүүдийг дур мэдэн нэмэгдүүлсэн үнээр борлуулж байсан газруудад ч хариуцлага тооцож эхэллээ. Шалгалтад хамрагдсан эмийн сангуудаас авсан эмийн үнийн судалгаанаас үзэхэд эм ханган нийлүүлэх байгууллагаас татан авсан үнэ дээр 10-30 хувьтай байхаар тооцож худалдаалж буй эмийн үнийг тогтоосон байна. Эм эмнэлгийн хэрэгслийн хяналт зохицуулалтын газраас вирусийн эсрэг эмийн дээд хязгаар тогтоосон бөгөөд эдгээр хязгаараас 350-2500 төгрөгөөр хэтрүүлж худалдаалсан Чингэлтэй дүүрэгт үйл ажиллагаа явуулдаг Жэба, Эрдэнэ суварга, Их цахиур ХХК-ууд нэрлэгдлээ. Шалгалтын явцад нийт 86 зөрчил илрүүлж 36 зөрчлийг газар дээр нь арилгаж албан шаардлага, хугацаатай үүрэг өгчээ.

ГОВЬ-АЛТАЙ АЙМАГТ ХАРУУЛЫН ДАРГАА ХӨНӨӨСӨН ЦЭРГҮҮДЭД ЯЛ ОНООЛОО

11 / 17 0 сэтгэгдэл 731 үзсэнe

Тухайн хэргийг Эргэн сануулахад, Говь-Алтай аймгийн Алтай сум дахь Хилийн цэргийн дугаар ангийн хоёр цэрэг алба хаагч галт зэвсэгтэй зугтсан хэрэг өнгөрөгч дөрөвдүгээр сарын 8-ны өдөр гарсан. Хэргийн газраас галт зэвсэгтэй оргон зайлсан хоёр цэргийг гурав хоногийн дараа Говь-Алтай аймгийн Алтай сумын Бадрал багийн нутаг дэвсгэрээс олж тогтоон, ямар нэгэн эрсдэлгүй баривчилж байсан юм. Тухайн цэргүүдийн шүүх хурал Говь-Алтай аймаг дахь сум дундын эрүүгийн хэргийн анхан шатны шүүхэд болж Харуулын даргаа буудаж хөнөөгөөд оргон зугтсан хоёр цэрэгт холбогдох эрүүгийн хэргийн анхан шатны шүүх хуралдаан боллоо. Хуралдаан арваннэгдүгээр сарын 15-нд хэлсэн бөгөөд шүүх хуралдаан ажлын цаг дууссан тул завсарлаж, 16-ны 09:00 цагаас үргэлжилсэн юм. Ингээд Шүүхээс шүүгдэгч Х-г хүнийг алах гэмт хэрэг үйлдсэн, шүүгдэгч М-тэй бүлэглэн дээрэмдэх, цэргийн албанаас оргон зайлах гэмт хэргүүдийг бүлэглэн үйлдсэн, цэргийн албан хаагч нь өөрт итгэмжлэн хариуцуулсан галт хэрэгслийг гээгдүүлсэн зэрэг үйлдэлд гэм буруутайд тооцсон байна. Харин шүүгдэгч М-г байлдааны тоног төхөөрөмжийг санаатай гэмтээсэн, мөн дээрэмдэх, цэргийн албанаас оргон зайлах гэмт хэргүүдийг бусадтай бүлэглэн үйлдсэн гэм буруутайд тус тус тооцжээ. Ийнхүү шүүгдэгч Х-д 11 жилийн хугацаагаар хорих ял оногдуулж, ялыг нээлттэй хорих ангид эдлүүлэхээр, шүүгдэгч М-д нэг жилийн хугацаагаар зорчих эрхийг хязгаарлах ял тус тус оногдууллаа.

ОЛОН НИЙТИЙН ТЕЛЕВИЗҮҮДЭЭР ЯВАГДДАГ СУГАЛААНЫ ХӨТЛӨГЧ ЗАЛУУГИЙН ТӨРСӨН ЭГЧ БАЙР ХОЖСОН ГЭХ ГОМДОЛ ИРЖЭЭ

11 / 17 0 сэтгэгдэл 6 657 үзсэнe

Хийморьтой 20 сугалаа асуудал дагуулсаар байна. Тодруулбал : Саяхан болсон сугалааны тохирлын үеэр хөтлөгч гартаа барьсан сугалаагаараа азтан тодруулж байгаа бичлэг олон нийтийн сүлжээнд цацагдан асуудал дагуулсан юм. Энэ мэт байдлаар телевиз бүрийн эфирээр гарах болсон сугалааны нэвтрүүлгүүдийг зогсоох, цаашлаад залилангаас сэргийлэхийг иргэд шаардах боллоо. Хийморьтой 20 сугалаа ийнхүү шууд нэвтрүүлэгийн үеэр асуудал дагуулсан. Тэгвэл тухайн хөтлөгч ч байж мэдэх сугалааны хөтлөгчөөр ажиллаж байсан нэгэн телевизийн хөтлөгчийн хамаарал бүхий этгээд болох төрсөн эгч нь сугалаагаар байр хожсон талаар нэгэн иргэнээс ШӨХТГ-т гомдол бүртгэгджээ. Тухайн нөхцөл байдлыг тогтоохоор ШӨХТГ болон цагдаагийн байгууллага ажиллаж эхэлсэн байна. Гэхдээ энэ бол ганцхан иргэдэд харагдсан жишээ. Үүний цаана өөр юуч явагдаж иргэдийг залилж байгааг мэдэх аргагүй юм. Өмнө нь Эгнэшгүй гэх компанийн сугалааны үеэр иргэдийн сугалааг камераас нууцаар шидэж байсан дүрс бичлэг мөн цацагдаж сугалаанд найдах хэрэггүй иргэдэд сануулсан явдал болсон. Гэвч олон нийтийн дунд нэр хүндтэй байдаг олон телевизээр сугалааны шууд дамжуулалт явагдсаар байгаа нь иргэдэд итгэл төрүүлээд байгаа юм. Гэтэл үнэн хэрэгтэй иргэдээс их хэмжээний мөнгө авдаг тухайн сугалаанууд үнэн шударга явагддаг гэдэг нь эргэлзээ дагуулсаар байна.Тиймээс сугалаа нэртэй залиланг зогсоох цаг болжээ.

СУРАГЧДЫН ҮДИЙН ХООЛ НЭРТЭЙ БИЗНЕС ЯВАГДАЖ, АРД НЬ ХҮҮХДҮҮД ХОХИРЧ БАЙНА

11 / 16 0 сэтгэгдэл 2 595 үзсэнe

УИХ-аас 2019 онд баталсан Ерөнхий боловсролын сургуулийн хоол үйлдвэрлэл, үйлчилгээний тухай хуульд “Үдийн цай” хөтөлбөрийг “Үдийн хоол” болгон, санхүүжилтийг нэмэхээр тусгасан. байдаг. Ингэснээр Үдийн цай” хөтөлбөрийг албан ёсоор “Үдийн хоол” болгож 1-5 дугаар ангийн нэг хүүхдэд ногдох зардал 900 төгрөг байсныг 1500 болгон нэмсэн юм. Харин 6-9 дүгээр ангийн үдийн хоолны зардлыг 2022 оны есдүгээр сарын 1-нээс, 10-12 дугаар ангийн хүүхдийн хоолны зардлыг 2023 оноос нэмэхээр болсон. Гэвч өнөөдрийн байдлаар үдийн хоолны асуудал хөндөгдөж эхлээд байна. Шөлтэй хоол, будаатай хуурга, пирошки, салат, жимсний шүүс зэргийг Үдийн хоолонд өгнө гэж сайд, дарга нар ярьдаг. Гэвч бодит байдал тэдний ярьдаг хоол сурагчдад очдоггүй бөгөөд 1500 төгрөгөнд тэдний ярьсан шиг хоол өгөх ямар ч боломжгүй юм. Тухайн асуудлын талаар эцэг эхчүүд гомдол гаргаж сурагчид ч идэх аргагүй хоол өгч байгааг ярьсаар байгаач сургуулийн удирдлагууд багш нар түрээслэгчээ өмөөрдөг сурагтай. Мөн Хоол чинь муухай байна би идэхгүй гэх сурагчийн өөдөөс хохинээ гээд хээв нэг зогсох тогоочид хаа сайгүй боллоо. Ерөнхийдөө бол үдийн хоолондоо цаддаг сурагч байхгүй. Иймэрхүү байдлаар хоол бэлтгэн үйлдвэрлэж сурагчдад өгч байгаа газруудад хараа хяналт дутагдаж байна. Монгол Улсын Ерөнхий сайд Л.Оюун-Эрдэнэ нийслэлийн ерөнхий боловсролын 14 дүгээр сургуулийн зочилж, “Үдийн цай” хөтөлбөрийг “Үдийн хоол” хөтөлбөр болгох бэлтгэл ажилтай танилцсан юм. Харин энэ үеэр иймэрхүү хоол хийж сурагчдад өгч байгааа хэмээж байсан. Үдийн хоол хөтөлбөрийн 1500 төгрөг сурагч, хүүхдүүдэд бүрэн очихгүй байгаа тухайн асуудлыг хяналтын байгууллагууд анхааралдаа авах цаг болжээ. Хувийн ашиг сонирхолын төлөө сургуультай гэрээ байгуулдаг хоол үйлдвэрлэлийн газрууд ч онширсоор л байгааг анхаараалдаа авна уу?

Ц.АНАНДБАЗАР ТОЙРОГТОО АЙРАГНЫ ӨРГӨӨ БОСГОХООР БОЛОВ. АРД ТҮМНИЙ АЖ АМЬДРАЛ ХАРИН “БОСОХГҮЙ” БОЛОЛТОЙ

11 / 12 0 сэтгэгдэл 916 үзсэнe

2022 оны улсын төсөв батлагдсан.Батлагдсан төсвөөс хамгийн их шүүмжлэл дагуулж иргэдийг эгдүүлцүүлж байгаа нь их хурлын гишүүн Ц.Анандбазарынх. Тодруулбал түүний өөрийн сонгогдсон тойрог руугаа татсан мөнгөн дүн хийж хэрэгжлүүлэхээр зэхсэн бүтээн байгуулалтаа ил тодоор тод томруунаар нийтлээд байгаа нь энэ. Эндээс эрхэм их хурлын гишүүн Булган аймгийн Хутаг-өндөр суманд айрагны өргөө барихад зориулж төрөөс төсвөөс 3-н тэрбум 800-н сая төгрөг батлуулж чадсан гэдгээ бардам нийтлээд байна.Иймд Булганд айрагны өргөө босох нь ч босохоор болжээ харин Булганчуудын аж амьдрал “босохгүй” бололтой ирэх онд. Айргаа сурталчилахын төлөө энэ мэт данхар төсвөөр гоё сайхан байшин барьж босгохын оронд ард иргэдийнхээ аж амьдрал амжиргаа залгуулах үйлдвэрлэл үйлчилгээнд хөрөнгө оруулалт хийсэн бол бодит үр дүнтэй бодлого төлөвлөлттэй ажил байх байлаа хэмээх зөв шүүмжлэл сошиол орчинд хөвөрсөөр байна.

УИХ-ЫН ГИШҮҮН Б.ДЭЛГЭРСАЙХАН : ТАЯГГҮЙ АЛХАЖ ЧАДАХГҮЙ БАЙГАА ХҮН , ХҮНИЙГ МАШ ХҮНД ГЭМТЭЭЖ ЗОДНО ГЭЖ ЮУ БАЙХ ВЭ…

11 / 12 0 сэтгэгдэл 8 552 үзсэнe

УИХ-ын гишүүн Б.Дэлгэрсайхан БНХАУ-ын иргэн, инженер Чен хо гэгчийг орчуулагчийнх нь хамт балмад хэрцгийгээр зодсон талаарх мэдээлэл нийгмийн сүлжээ болон хэвлэлүүдээр мэдээлэгдсэн.Бид энэ асуудлыг нягтлаж УИХ-ын гишүүн Б.Дэлгэрсайхантай шуурхайлан холбогдож цөөн хором боловч мэдээллийг тодруулж амжсанаа хүргье. Сэтгүүлч : Танд энэ өдрийн мэнд хүргэе. УИХ-ын намрын чуулган эхлээд сар гаруй хугацаа өнгөрлөө. Энэ хугацаанд ямар асуудлууд хэлэлцэж байна ? УИХ-ын гишүүн Б.Дэлгэрсайхан : УИХ-ын намрын Нэгдсэн чуулган 10-р сарын 01-ний өдрөөс эхэлсэн. Энэ хугацаанд 2022 оны улсын төсвийг эцэслэн батлахаар хэлэлцэж байна. Ирэх онд Дорноговь аймагт Хот суурин газрын ус хангамжийн эх үүсвэрийн нөөц тогтоох хайгуул, Эрүүл мэндийн лаборатор, Замын-Үүдэд 640, Хатанбулаг сумдад 320 хүүхдийн сургууль, Даланжаргалан суманд 15 хүний ор бүхий Эрүүл мэндийн мэндийн төв, Сайншанд-Замын-Үүд чиглэлийн авто замаас Өргөн сум хүртэлх 18.5 км хатуу хучилттай авто замын үргэлжлэл, Чөлөөт бүсийн цахилгаан хангамжийн дэд станцын 0.4 кВ-д хуваарилах байгууламжийн саналыг оруулж, эцэслэн батлахаар хэлэлцэж байна. Сэтгүүлч : Өнгөрсөн шөнө “УИХ-ын гишүүн Б.Дэлгэрсайхан БНХАУ-ын иргэнийг хэрцгийгээр зодож танхайрсан” гэх мэдээлэл гарсан байна. Энэ мэдээлэл үнэн үү ? УИХ-ын гишүүн Б.Дэлгэрсайхан : Өглөө босоод ирсэн хүн зодсон хэрэгт орчихлоо. Өчигдрийн хувьд маш завгүй өдөр байсан. Өчигдөр буюу /2021.11.11/ 10.00 цагаас орой 16:00 цаг хүртэл УИХ-ын Нэгдсэн чуулган хуралдсан. Миний бие өнгөрсөн 9 сард Герман улсад өвдөгний үе солиулах хагалгаанд орж, өнөөдрийг хүртэл таягтай алхаж байгаа. Чуулганаас гараад өдрийн эмчилгээндээ орсон. Хүн зодож танхайрсан гэх үед би өвдгөндөө өдрийн эмчилгээгээ хийлгэж байсан. Өдөр бүрт эмчилгээ хийлгэдэг. БНХАУ-аас Монгол улсад суугаа бүрэн эрхт элчин сайдтай нь уулзчихаад орой нь улсынх нь иргэнийг санаатайгаар зодох, хоёрдугаарт таяггүй алхаж чадахгүй байгаа хүн хүнийг маш хүнд гэмтээж зодно гэж юу байх вэ. Хэвлэлийнхэн маань баримт нотолгоотой зүйл бичих хэрэгтэй шүү дээ. Тэгээд ч манай иргэд мэдээлэлд шүүлтүүртэй ханддаг болчихсон. Иргэдийг төөрөгдүүлсэн, худал мэдээлэл түгээдэг хэвлэл мэдээллийн байгууллагуудыг холбогдох газрууд нь арга хэмжээг авдаг байх хэрэгтэй. Сэтгүүлч : За баярлалаа

ХЯТАДУУД ХУУРАМЧ ДУУДЛАГА ӨГЧ , УИХ-ЫН ГИШҮҮНИЙ ЭСРЭГ СӨРӨГ МЭДЭЭЛЭЛД МОНГОЛЫН ХЭВЛЭЛҮҮДИЙГ “ХӨДӨЛГӨЖ” БАЙНА

11 / 12 0 сэтгэгдэл 8 645 үзсэнe

УИХ-ын гишүүний эсрэг Хятад иргэд манай улсын хэвлэлүүдээр хуурамч ташаа мэдээллийг төлбөртэйгөөр “СЭВЖ” байгаа бололтой. Тодруулбал : УИХ-ын гишүүн Б.Дэлгэрсайхан БНХАУ-ын иргэн, инженер Чен хо гэгчийг орчуулагчийнх нь хамт балмад хэрцгийгээр зодсон талаарх мэдээлэл нийгмийн сүлжээ болон хэвлэлүүдээр мэдээлэгдэх болов. Тус мэдээлэл нь ташаа бөгөөд гүтгэлэгийн шинжтэй, түүгээр ч зогсохгүй Хятад иргэд “Монголын хэвлэлийнхнийг хөдөлгөж” болдог гэдгийг жишээ болж байна. Учир нь өчигдөр 17.00 цагийн орчимд "УИХ-ын гишүүн Б.Дэлгэрсайханд зодууллаа" гэх дуудлага цагдаагийн байгууллагад иржээ. Цагдаагийн байгууллагын алба хаагчид дуудлагаар очход зодоон болоогүй, харин тухайн Хятад иргэн "Бичиг баримт хуурамчаар үйлдсэн, хуурамч гэрээгээр залилахаар оролдсон" асуудлаар маргаан үүссэн байжээ. Тухайн Хятад иргэн Б.Дэлгэрсайханы хамаарал бүхий Монгол компанийн бичиг баримтыг хуурамчаар үйлдэж, залилах үйлдэл гаргасан тул уг асуудлаар маргаан үүссэн боловч гадны иргэний биед их хурлын гишүүн байтугай хэн ч халдаж хохироогоогүй ямар ч гэмтэл тогтоогдоогүй байна. Гэтэл харь иргэн зодуулсан мэтээр хохирсон мэтээр мэдээллийг хэвлэлийнхнээр зориуд зохион байгуулалттайгаар тарааж Монголын хэвлэлүүдийг мөнгө байгаа л бол хэр амархан “хөдөлгөж” болдог гэдгийг харуулж байна. Иймд нэр төрдөө халдуулсан гүтгүүлсэн тал энэ асуудлаар зохих ёсны байгууллагууд нь хандаж байгаа аж.

ЗТХ-ИЙН САЙД Л.ХАЛТАР ТӨРИЙН ОРДОНД УХААН АЛДАЖ, ТҮРГЭНИЙ МАШИНААР ЭМНЭЛЭГТ ХҮРГЭГДЖЭЭ

11 / 11 0 сэтгэгдэл 541 үзсэнe

Засгийн газрын ээлжит хуралдаан өчигдөр Төрийн ордонд болсон. Гэвч тус хуралдааны дараа Зам тээврийн хөгжлийн сайд Л.Халтарын бие муудаж, ухаан алджээ. Улмаар түргэнээр эмнэлэгт хүргэгдсэн байна. Албан бус эх сурвалжийн мэдээлж байгаагаар Л.Халтар сайд 18 цагийн орчимд ухаан алджээ. Түүнийг Төмөр замын нэгдсэн эмнэлэгт хүргэсэн аж. Засгийн газрын өчигдөрийн хуралдаанаар хэд хэдэн чухал асуудал хэлэлцсэний нэг УБТЗ ХНН-ийн даргын асуудал. Гурван сарын турш олон нийтийн анхааралд байгаа уг асуудлын талаар сэтгүүлчид хуралдааны дундуур сайдаас тодруулахаар хандсан боловч тэрбээр мэдээлэл өгөөгүй юм.

Д.СУМЪЯАБАЗАР, Х.НЯМБААТАР НАР ЯПОНЧУУДЫГ “ГАЗАРЧИЛЖ”, ХААН БАНКНЫ ХУВЬЦАА ЗАРАГДАХ ХУЙВАЛДААНД ОРОЛЦСОН УУ

11 / 09 0 сэтгэгдэл 1 119 үзсэнe

ХААН банкны хувьцааг Худалдаа хөгжлийн банкны хамаарал бүхий хуулийн этгээд худалдаж авсан гэх мэдээлэл олны анхаарлын төвд байгаа.Тэгвэл Худалдаа хөгжлийн банктай холбогдож байгаа Японы “Метакапитал” компанийн төлөөлөгчид Монгол Улсад ирж, улс төрийн нөлөө бүхий эрхмүүдтэй уулзалт хийсэн бөгөөд ингэхэд нь Д.Сумъяабазар, Х.Нямбаатар нар тодорхой үүрэгтэй оролцсон гэх мэдээлэл байна. ХААН банкны хувьцааны 54.4 хувийг эзэмшдэг “Савада Хольдингс” компанийн 33 хувийг Японы “Упсилон” ХХН худалдаж авах процесс өрнөж байгаа. “Упсилон”-ыг “Метакапитал” ХХК хөрөнгө оруулах замаар үүсгэн байгуулсан. Харин тус компанийг Худалдаа хөгжлийн банкны нөлөө бүхий хувьцаа эзэмшигчээр нэрлэж болох тухай мэдээлэл хэлэлцэгдэж байна. Тэгвэл дээр дурдсанчлан “Метакапитал” ХХК-ийн төлөөлөгчид энэ оны эхээр Монголд ирж, улс төрийн хүрээнд уулзалт хийжээ. Харин тус уулзалтуудыг Нийслэлийн Засаг дарга Д.Сумъяабазар ерөнхийлөн зохион байгуулж ХЗДХ-ийн сайд Х.Нямбаатар ч зарим уулзалтад чиглүүлэх үүргээр оролцсон гэдэг мэдээлэл байна.Энэ хүрээнд тэд хоёрдугаар сард Монголбанкны Ерөнхийлөгч Б.Лхагвасүрэнтэй ч уулзаж, хууль эрх зүйн тухайд зөвлөгөө авсан гэгдэж байгаа юм. Түүнчлэн сүүлийн үед Асашёрюү Д.Дагвадорж энэ сэдэвт ихээхэн эгдүүцэл илэрхийлж хурц байр сууриа илэрхийлсэн.Тэгвэл түүнийг Япон талын улсыг ах Д.Сумъяабазартаа холбож өгөх чиглэлд чухал үүрэгтэй ажилласан гэх мэдээлэл ч мөн байгаа юм. Мөн нөгөөтэйгүүр тэд буюу Д.Сумъяабазар, Д.Дагвадорж нар нь Үндэсний хөрөнгө оруулалтын банкны хувьцаа эзэмшигчид юм. 2019 онд Худалдаа хөгжлийн банк болон “Метакапитал” ХХК–ийн хооронд “Савада Хольдингс” компанийн хувьцааг худалдах гэрээ зурагдсан байж болзошгүй талаар хэвлэлүүд бичиж эхэллээ. ХААН банкны 36.28 хувийг “Таванбогд трейд” ХХК-ийн Ерөнхийлөгч Ц.Баатарсайхан, эхнэр Д.Хулангийн хамт эзэмшдэг.Тэгвэл Монголбанкнаас Япон талд хандан “Упсилон ХХН-д Савада Хольдингс ХХК-ийн хувьцааг худалдахад ТАТГАЛЗАХ ЗҮЙЛГҮЙ” гэж илгээсэн албан бичгийн талаар Ц.Баатарсайхан талын хувьцаа эзэмшигчид бүр аравдугаар сард л мэджээ. Тус албан бичиг долдугаар сарын 26-нд үйлдэгдсэн байдаг.Харин Монголбанкны Ерөнхийлөгч Б.Лхагвасүрэн компанийн эцсийн хувьцаа эзэмшигчийг үл нягталж, зөвшөөрсөн агуулгатай албан бичиг үйлдсэн дүр зураг үүнээс харагдана. Үүнийг аравдугаар сард мэдсэн Ц.Баатарсайхан нар Монголбанкийг шүүхэд өгсөн байна. Харин өдгөө ихээхэн асуудал дагуулах болсон Үндэсний хөрөнгө оруулалтын банкны хувьцаа эзэмшигч болох Д.Сумъяабазар, Д.Дагвадорж нар Худалдаа хөгжлийн банкны ТУЗ-ийн дарга Д.Эрдэнэбилэг нарын хүмүүс уг ажиллагаанд нэр холбогдож байгаа.