ХОЁР Ч ЭРДЭНЭТ ХҮНИЙ АМИНД ХҮРСЭН ГОО САЙХНЫ ЭМНЭЛЭГТ ХУУЛЬ ҮЙЛЧИЛЖ ХҮЧРЭХГҮЙ БАЙНА

Тод каннам” эмнэлгийн эмч Д.Тодномбат, Б.Мөнгөнчимэг нарт холбогдох хэргийн гэм буруугийн шүүх хуралдаан Хан-Уул дүүргийн эрүүгийн хэргийн анхан шатны шүүхэд үргэлжилсээр байгаа. Тодруулбал : 2019 оны гуравдугаар сарын 26-ны өдөр “Тод каннам” эмнэлэгт өөх соруулах хагалгаанд орсон 29 настай эмэгтэй амиа алдсан байдаг. Тухайн үеэд МХЕГ-аас “Тод каннам” эмнэлэгт шалгалт хийхэд тус эмнэлэг нь гоо сайхан нөхөн сэргээх зөвшөөрөлтэй хэрнээ мэргэшсэн арьс гоо заслын эмчгүйгээр үйл ажиллагаа явуулдаг нь илэрч байсан юм. Тиймээс Эрүүл мэндийн чиглэлээр үйл ажиллагаа эрхлэх тусгай зөвшөөрөл олгох Нийслэлийн комиссын 2019 оны 04 дүгээр сарын 08-ны өдрийн хурлаар Нийслэлийн Мэргэжлийн хяналтын газрын 2019 оны дөрөвдүгээр сарын 03-ны өдрийн албан бичигт дурдсан дүгнэлтийг үндэслэн “Тод ББ” ХХК-ийн “Тод Каннам” эмнэлгийн тусгай зөвшөөрлийг түтгэлзүүлэхээр шийдвэрлэсэн байдаг. Гэтэл тухайн эмнэлэг нэрээ солин үйл ажиллагаа явуулж нэрээ “SM медикал” болгон өөрчлөн дахин нэг хүний эрдэнэт амийг эрсдүүлсэн хэрэг гарсан юм. Тодруулбал : АНУ-д амьдардаг 39 настай иргэн гурван хүүхдээ авахаар Монголд түр хугацаанд ирээд байхдаа тус эмнэлэгт мэс ажилбарт ороод амиа алдсан юм. “SM медикал” эмнэлэг нь “ТодББ” ХХК-ийн нэр дээр бүртгэлтэй байдаг. Харин энэ компанийн нэр дээр “Тод каннам” эмнэлэг үйл ажиллагаа явуулж байсан юм. Тухайн үед НМХГ-ийн дүгнэлтийн дагуу “Тод ББ” ХХК-ийн “Тод Каннам” эмнэлгийн тусгай зөвшөөрлийг түтгэлзүүлэхээр шийдвэрлэсэн ч ийнхүү эмнэлгийн нэрээ солиж дахин эрдэнэт хүний аминд хүрсэн болж таарсан. Энэ мэт арьс, гоо заслын чиглэлээр зөвхөн нийслэл хотод үйл ажиллагаа явуулдаг 57 эмнэлэг байдаг байна. Тиймээс ч дахин асуудал дагуулахыг үгүйсгэхгүй учир хяналт шалгалтаа өндөрсгөх хэрэгтэйг тус эмнэлгийн үйлдэл харуулаад байна.

Ж.ОДГЭРЭЛ : МИНИЙ ХАНЬ ДАРГА НАРЫН ЗАРААЛААС БОЛЖ АМИА АЛДСАН

ХОРООЛЛЫН "БЕНЗ КАРАОКЕ" -Д ӨДӨР БҮР ҮҮР ЦАЙТАЛ АЖИЛЛАХ ДАВУУ ЭРХИЙГ ХЭН ОЛГОВ ? ДАРХЛАГДСАН "БЕНЗ КАРАОКЕ"-Г ЦАГДААГИЙН БАЙГУУЛЛАГА ИРЖ ШАЛГАСАНГҮЙ ...

Нийслэлд хэд хэдэн байгууллага шөнийн туршид дархлагдсан эрхтэйгээр ажилладаг.Тэдний ард эрх мэдэлтэн албан тушаалтан байж болзошгүй хэмээн иргэд ч харддаг. Энэ нь ч оргүй биш бололтой.Учир нь Улаанбаатарт хөл хорионы үеэр ч ажиллаж байсан гэгддэг “БЕНЗ” нэртэй караокэ-д цагийн хязгаарлалт огт мөрдөгддөггүй цаашлаад цагдаа ч ирж шалгадаггүй бололтой.

“ОЧИР ТИТЭМ” ЗЭРЭГ РЕСТОРАНУУДАД ЦАГИЙН ХЯЗГААРЛАЛТ ҮЙЛЧЛЭХГҮЙ БАЙГААГИЙН ЦААД ШАЛТГААН ЮУ ВЭ ?

Цар тахлын нөлөөллөөс болж хаалгаа хэсэг барьсан үйлчилгээний газрууд өдгөө үйл ажиллагаагаа хэвийн явуулж буй.Тэр тусмаа шинэ жилийн баярын арга хэмжээнүүд ид үргэлжилж буй энэ цаг үед ресторан пабууд ч идэвхитэй үйл ажиллагаагаа явуулж баяр арга хэмжээнүүдийг зохион байгуулсаар байгаа. Гэхдээ зарим нэр бүхий байгууллагууд цагт баригдалгүй үйл ажиллагаагаа явуулж хариуцлагын гэрээ зэргээ зөрчиж байгаад нь холбогдох байгууллагууд арга хэмжээ авахгүй байгаа нь хардлага төрүүлэхүйц байна.Нөгөөтэйгүүр цагийн хязгаарлалт зэргийг ягштал мөрдүүлж торгууль татвараар сүрдүүлдэг олон үйлчилгээний байгууллагууд байгаа боловч огт цаг мөрдүүлэхгүй мэр сэр газрууд байгаа нь шударга бус байна хэмээн үйлчилгээ эрхлэгчид шүүмжилдгийн нэг жишээ ийм байна.

"ТЭР БИШ БИД ХОХИРОГЧ" ГЭХ МЭДЭЭЛЛИЙН АРД ЭРДЭНЭТ ХҮНИЙ АМЬ НАСЫГ ЭРСДҮҮЛСЭН АЛБАН ТУШААЛТНУУД ХАРИУЦЛАГААС МУЛТРАХ ВИЙ ...

Гал унтраах 63 дугаар ангийн гал унтраагч Э.Мөнхжаргал энэ сарын 3-нд 10.000 вольтын хүчдэлд цохиулж амь насаа алдсан. Түүнээс хойш амиа алдсан алба хаагчын эхнэр гэх Ж.Одгэрэл хэвлэлд ярилцлага өгч Э.Мөнхжаргалын ар гэрийхний талаар ийнхүү ам нээсэн юм. Хадмууд маань 70 сая төгрөг авахын тулд хүүгээ үнэгүйдүүлж байна. Албан үүргээ гүйцэтгэж яваад амиа алдсан бол тэтгэмж олдоно. Хэрэв албан бус ажлаар яваад нас барсан бол тэтгэмж олдохгүй, зургаан сарын цалин өгдөг гэж байна. Чи дуугай бай. Бид мэдэж байна” гэж дайрч, давшилсан. хэмээн талийгаачийн ар гэрийхнийг тодорхойлсон байдаг. Харин энэ тал дээр амиа алдсан онцгой байдлын алба хаагчийн ар гэрийнхэн өөр бодолтой байгаагаа өнөөдөр мэдэгдлээ. Тэдний хувьд Ж.Одгэрэл гэдэг эмэгтэйг бид сайн танихгүй бараг л анх удаа харж байгаа хэмээн тайлбарлав. Талийгаачийн төрсөн ах Э.Мөнхэрдэнэ : Одгэрэл гэж эмэгтэй бид нартай огт уулзаж байгаагүй. Арванхоёрдугаар сарын 3-ны өдөр дүүгээ өнгөрснийг мэдээд очиход энэ бүсгүйг харсан. Талийгаачийн цогцсыг таниулахад л тэр бүсгүйтэй уулзсан. Хуулийн байгууллагаас эмэгтэй хүн болон ээж, аавыг нь оруулахгүй байхыг хүссэн. Бид нар нэг тойроод л гарсан, гэтэл бүтэн биеийг нь харсан мэтээр ярилцлага өгчээ. “Хуйхалсан толгой шиг”, “тарваганы боодог” шиг гэж ярьснаас болж 60 хүрсэн ээж, аав хоёр маань гүн шоконд орсон. Талийгаачийн төрсөн дүү Э.Нандинчимэг : Энэ бүсгүйг арванхоёрдугаар сарын 3-ны өдөр манай гэр бүлийнхэн мэддэг болсон, түүнээс өмнө мэддэг байгаагүй. Төрсөн дүү нь зодсон, одон медалийг нь шидсэн гэж худал ярьсан. Буяны ажилтай байхад ийм үйлдэл гаргахгүй. Орж ирээд буянд нь өгсөн 900 мянган төгрөгөөө эргүүлж авсан, хажууд нь байсан одон медалийг нь булаагаад зугтсан. Эхлээд зул барих гэж байгаа юм болов уу гэж гарыг нь хартал хөрөг рүү нь дайрч, хажууд нь байсан одон медалийг нь булаагаад зугтсан хэмээн тайлбарлав. Мөн талигаачийн гэр бүлийнхэн өмгөөлөгч аваад ослын шалтгааныг тодруулахаар хуулийн дагуу шалгуулж байгаа. Дүүгийнхээ араас буян хийх гэж 10 хоног чимээгүй тэвчлээ. Аргагүйн эрхэнд хэвлэл мэдээллийн хэрэгслээр манай гэр бүлийн талаар буруу мэдээлэл тархаад байгаа учир мэдэгдэл хийлээ гэв. Мөн тухайн эмэгтэй өмнө нь хэвлэлд өгч байсан ярилцлагынхаа үеэр зулбасан, хүүхэд тээх боломжгүй гэж ярьж байсан боловч одоо жирэмсэн болсон гэдэгт нь ар гэрийнхэн нь эргэлзэж байгаагаа илэрхийллээ. Мөн энэ үеэр Онцгой байдлын байгууллагаас ар гэрийнхэнтэй нь тохиролцоё гэх байдлаар харьцаагүй бөгөөд хэргийн үнэнийг тогтоолгохоор ар гэрийнхэн нь хуулийн дагуу явж буйгаа ийнхүү мэдэгдлээ. Ийнхүү талийгаачийн гэр бүлийхэн мэдэгдэл хийв. Харин нөгөө талд Өөрийгөө талийгаачийн эхнэр гэх Ж.Одгэрэл цахим орчинд дараах байдлаар жиргээ оруулжээ. Ийнхүү амь хохирогчийн гэр бүл болон эхнэр гэх хүмүүсийн хоорондын асуудлаас болж эрдэнэт хүний амь насыг эрсдүүүлсэн албан тушаалтнууд хариуцлагаас мултрах вий..

МАН ХҮНИЙ ЭРХИЙГ НОХОЙНООС ДОР ҮЗЭЖ БАЙНА ГЭВ

Саяхан зарим иргэд “Данхтай жагсаал” зохион байгуулсан.Энэ үеэр иргэн н.Золбаяр үзэл бодлоо илэрхийлэхдээ өнөөгийн эрх баригчид иргэдийн эрхийг уландаа гишгэж буйг шүүмжиллээ.Мөн сошиол сүлжээнээс нэгэн бичлэг ор мөргүй устгагдсан талаар дурьдаж байв.

ШАДАР САЙД С.АМАРСАЙХАН АМИА АЛДСАН ОНЦГОЙ БАЙДЛЫН АЛБА ХААГЧЫН ЭХНЭРТ ТОМХОН АМЛАЛТ ӨГЧЭЭ

12 сарын 3- ны өдөр Баянзүрх дүүргийн нутаг дэвсгэрт Онцгой байдлын албаны Гал түймэр унтраах 63 дугаар ангийн алба хаагч М харамсалтайгаар амь насаа алдсан. Гэтэл тухайн хэргийн видёо бичлэг болон бусад баримтыг нуун дарагдуулан хэргийг хаах гэж байна хэмээн талийгаачийн эхнэр мэдээлэл хийсэн. Тухайн хэрэг явдлаас үүдэн Талийгаачийн эхнэр Ж.Одгэрэл БЗД -ийн цагдаагийн 3-р хэлтсийн үүдэнд суулт зарласан юм. Тэрбээр “Манай нөхөр хурган дарга нарын зараалд явж байгаад амь эрсэдсэн юм. Нөхөр маань саваагүйтэж яваад тогонд цохиулж нас бараагүй. Нэр төрийг нь сэргээж өг” хэмээн суулт зарласан юм. Ж.Одгэрэл: Манай нөхөр хурган дарга нарын зараалд явж байгаад амь эрсэдсэн юм. Нөхөр маань саваагүйтэж яваад тогонд цохиулж нас бараагүй. Нэр төрийг нь сэргээж өг Харин тухайн хэрэг явдалд суулт зарласан Талийгаачийн эхнэр Ж.Одгэрэлд Монгол Улсын Шадар сайд С. Амарсайхан Гурав хоногийн дотор Онцгой байдлын холбогдох албан тушаалтнуудад хариуцлага тооцож, уучлалт гуйлгуулах болно. Уучлалт байтугайг гуйлгах болно. Асуудлыг шийднэ. Миний дүү биеэ бодох хэрэгтэй байна. Суултаа зогсоочих гэсэн гэлээ. Олон ч асуудалд хариуцлага яригдд аг ч бодит амьдрал дээр буусан зүйл одоогоор алга. Тиймээс энэ удаа Шадар сайд С.Амарсайханг хэрхэн хэлсэн амандаа хүрдэг гэдгийг хархал үлдсэн бололтой.

УЛААНБААТАРТ АГААРЫН БОХИРДОЛ НЭМЭГДЭЖ БАЙГААГ МЭРГЭЖЛИЙН БАЙГУУЛЛАГА ХҮЛЭЭН ЗӨВШӨӨРЧ ЭХЭЛЛЭЭ

Нийслэлийн онцгой комисс хуралдаж, нийслэлд агаарын бохирдол нэмэгдэж байгаатай холбогдуулан авч хэрэгжүүлэх арга хэмжээ, коронавируст халдвар (Ковид-19)-ын эсрэг дархлаа сэргээх нэмэлт тунд иргэдийн хамрагдалтыг идэвхжүүлэх талаар хэлэлцлээ. НОК-ын дарга Д.Сумъяабазар хурлын үеэр холбогдох байгууллагуудад агаар бохирдуулагч эх үүсвэр хэрэглэх зөвшөөрөл бүхий төрийн болон аж ахуй нэгж, байгууллагуудын яндангийн шүүлтүүрийн стандартын хэмжээг нэг бүрчлэн шалгаж тогтоон, шаардлага хангуулахыг үүрэг болгожээ.

ТУСГААРЛАХ БАЙРАНД 32 НАСТАЙ ЭРЭГТЭЙ /Д/ АМЬ НАСАА АЛДЛАА

"Оюутолгой" компаний туслан гүйцэтгэгч компанид ажилладаг иргэн 32 настай Д тусгаарлах байранд нас барсан харамсалтай хэрэг гарлаа. Тодруулбал : Арванхоёрдугаар сарын 13-ны өдөр "Оюутолгой" уурхайд ажиллахаар "Рамада" зочид буудалд 5 хоног тусгаарлагдаад байсан иргэн нас барсан байна. Талийгаач нас бардаг өдрөө зочид буудлын угтах ажилтанд бие эвгүйрхэсэн талаараа хэлж, улмаар тус тусгаарлах байранд ажиллаж байсан эмч үзээд яаралтай тусламж дуудсан ч харамсалтайгаар түргэний эмч нарыг ирэхээс өмнө амьсгал хураажээ. Амь насаа алдсан иргэний шүүх шинжилгээний дүгнэлт, хариу 21 хоногийн дараа гарах бөгөөд одоогоор тус хэргийг Цагдаагийн байгууллага шалгаж байна. Ерөнхийдөө бол тусгаарлах нэртэй байрнуудаас анхлан ковид19 халдварын тохиолдол гарч хариуцлага алдсан асуудал үүссэн байдаг. Үүнээс хойш тусгаарлах байрнууд олон асуудал дагуулсаар ийнхүү нэг иргэн амь насаа алдсан харамсалтай хэрэг гарчээ .

МОНЛАА ХХК ХЯТАДУУДАД ТУЛТАЛ ТӨЛДӨГ БОЛОВЧ МОНГОЛЧУУДЫГ ХОХИРООДОГ АСУУДАЛД ХУУЛИЙНХАН Ч БАС ХУДАЛДАГДСАН БАЙЖ БОЛЗОШГҮЙ ЮУ ...