Цагдаагийн шаардлагыг эсэргүүцэж, биед нь халдсан иргэнийг 2.7 сая төгрөгөөр торгох шийтгэл оноов

08 / 18 0 сэтгэгдэл 455 үзсэнe

Иргэн Б согтуугаар тээврийн хэрэгсэл жолоодсон ба цагдаагийн алба хаагчийн “тээврийн хэрэгслээ унтраа” гэсэн шаардлагыг эсэргүүцэн түүний хэвлийн тус газарт гараараа нэг удаа цохижээ. Энэ үйлдэл нь хууль сахиулагчийг албан үүргээ биелүүлэхтэй нь холбогдуулан хүч хэрэглэсэн, хүч хэрэглэхээр заналхийлж эсэргүүцсэн бол гэмт хэрэгт тооцно. Хуульд зааснаар “хууль сахиулагч” гэж цагдаа…”-г ойлгох ба Цагдаагийн албаны тухай хуулийн 23 дугаар зүйлийн 23.1 дэх хэсэгт “Цагдаагийн алба хаагч, олон нийтийн цагдаа нь гэмт хэрэг, зөрчлөөс урьдчилан сэргийлэх, таслан зогсоох, зөрчлийг арилгуулах, учирч болох хор хохирлыг гаргуулахгүй, нэмэгдүүлэхгүй байх зорилгоор хүн, хуулийн этгээдэд тодорхой үйлдлээс татгалзах, эсхүл үйлдэл хийх шаардлага тавьж болно” гэж заажээ. Хүч хэрэглэн эсэргүүцсэн гэдэг нь хууль сахиулагчийг албан үүргээ биелүүлэхтэй нь холбогдуулан түүний тавьсан шаардлагыг үл тоож, цохих, зодох гэх мэт бие махбодийн хүчирхийлэл үйлдэхийг ойлгоно. Шүүхээс иргэн Б-гийн дээрх үйлдлийг “хууль сахиулагчийг албан үүргээ биелүүлэхтэй нь холбогдуулан хүч хэрэглэн эсэрүүцсэн” гэмт хэрэг үйлдсэн гэм буруутайд тооцож, 2.700 нэгж буюу 2.700.000 төгрөгийн торгох ял оногдуулж шийдвэрлэсэн байна. Энэ нь хөнгөн гэмт хэрэгт хамаарах бөгөөд торгох, зорчих эрхийг хязгаарлах, хорих ялаас сонгож оногдуулахаар заасан. Б-гийн үйлдсэн гэмт хэрэгт оногдуулах ялыг хөнгөрүүлэх, хүндрүүлэх хуульд заасан нөхцөл байдлууд тогтоогдоогүй, хувийн байдлын хувьд ажил хөдөлмөр эрхэлдэг, гэмт хэрэг үйлдсэн нөхцөл байдал, бусдад учруулсан хохирол, хор уршгийн шинж чанар зэргийг харгалзан 2.700.000 төгрөгөөр торгох ял оногдуулсан. Шүүхээс торгуулийн ялыг 1 жилийн дотор хэсэгчлэн биелүүлэх хугацаа тогтоож өгсөн ба тогтоосон хугацаанд биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солих болно гэж Багануур дүүргийн Эрүүгийн хэргийн анхан шатны шүүхээс мэдээлэв.

ЗӨВЛӨГӨӨ: Шилжин явсныг бүртгэхгүй тул сум, хорооноос хасалт хийлгэх шаардлагагүй

08 / 18 0 сэтгэгдэл 788 үзсэнe

Баянгол дүүргийн бүртгэлийн хэлтсээс шилжилт хөдөлгөөний бүртгэл хийхэд юу бүрдүүлэх шаардлагатай талаарх зөвлөгөөг бэлтгэжээ. Иргэн өөрийн биеэр /өөрийн биеэр очих боломжгүй бол итгэмжлэл, итгэмжлэгдсэн иргэн/ засаг захиргааны нэгжийн харьяаллын дагуу шилжин ирж буй сум хорооныхоо улсын бүртгэгчид хандана. Бусдын хаяг дээр шилжин ирж буй бол хаягийн эзний бичгээр гаргасан зөвшөөрөл Үйлчилгээний хураамж төлсөн баримт. ЮУ АВЧ ОЧИХ ШААРДЛАГАГҮЙ ВЭ? Шилжин ирж буй иргэн өргөдөл бичих шаардлагагүй. Иргэний үнэмлэх, насанд хүрээгүй хүүхдүүдийн төрсний гэрчилгээ, газар болон үл хөдлөх эд хөрөнгийн өмчлөх эрхийн гэрчилгээг авчрах шаардлагагүй. Шилжин явсны бүртгэл гэж хийгдэхгүй тул шилжин явж буй сум хорооноос хасалт хийлгэх шаардлагагүй. ЮУГ АНХААРАХ ШААРДЛАГАТАЙ ВЭ? Кв1. Газар эзэмших /өмчлөхөөс тусдаа гэрчилгээ/ эрхийн гэрчилгээ болон үл хөдлөх эд хөрөнгө түрээслэх болон бусад гэрээ нь мэдээллийн санд байхгүй тул авчрах шаардлагатай.

Австралийн “Ажиллах болон амрах” виз мэдүүлэгчдийн анхааралд

08 / 18 0 сэтгэгдэл 1 016 үзсэнe

Монгол, Австралийн Засгийн газар хооронд “Ажиллах болон амрах” визийн зохицуулалтыг хэрэгжүүлэх тухай санамж бичигт өнгөрсөн гуравдугаар сард гарын үсэг зурсан. Санамж бичиг зурагдсанаар Монгол Улсын 100 залуу 2022 оны долдугаар сарын 1-нээс эхлэн Австралид “Ажиллах болон амрах” визээр нэг жилийн хугацаанд ажиллах, аялах үеэрээ дөрвөн сар хүртэлх хугацаагаар суралцах боломж бүрдсэн юм. ГХЯ-ны Төрийн нарийн бичгийн дарга Н.Анхбаяр “Удаан хугацаанд хүлээсэн баримт бичиг бодит ажил хэрэг болж, биеллээ олж буйд бид баяртай байна. Монгол, Австрали хоёр орны залуус хоорондын харилцаа, харилцан ойлголцол, итгэлцэл, соёлын солилцоо цаашид улам бэхжиж, олон монгол залуус Австралид ирж, танай сайхан орны олон үндэстнээс бүрдсэн нийгэм, соёлд өнгө нэмж, нийгэм, эдийн засгийн хөгжилд их хувь нэмэр оруулна гэдэгт итгэлтэй байна. Мөн австрали залуус Монголд аялж, ажиллан улсын хөгжил дэвшилд үлэмж хувь нэмэр оруулна гэж итгэж байна” гэсэн юм. Австралийн “Ажиллах болон амрах” визийн хөтөлбөрт Монгол Улс хамрагдсанаар эхний ээлжинд Монгол Улсын 18-30 насны 100 залуу тус улсад ажиллах суралцах эрхтэй болж буй бөгөөд хөтөлбөрийн хэрэгжилтээс хамаарч цаашид энэ тоо жилээс жилд нэмэгдэх боломж нээгдэж буй. Одоогийн байдлаар 90 гаруй хүн сонгон шалгаруулалтад орж, 25 хүний виз нь гарсан, 60 хүний хариу удахгүй гарна хэмээн Австралийн Элчин сайд Кэти Смит ХНХ-ын сайдтай уулзах үеэрээ мэдээлжээ. Тус хөтөлбөрийн виз мэдүүлэхээр төлөвлөж байгаа, холбогдох шаардлага хангасан Монгол Улсын иргэн виз мэдүүлэхээс өмнө Гадаад харилцааны яамнаас захидал авсан байх шаардлагатай. Гадаад харилцааны яамнаас олгох захидлыг авахын тулд дараах материалыг бүрдүүлж, dep10-13@mfa.gov.mn цахим шуудангийн хаяг руу, зөвхөн “pdf” өргөтгөлтэй файлаар илгээх шаардлагатай бөгөөд зохих хариуг ажлын өдрүүдэд 48-72 цагийн дотор тухайн хүний бүртгүүлсэн цахим шуудангаар хүргүүлнэ. Захидал авахад бүрдүүлэх материалын жагсаалт: Хүчин төгөлдөр Монгол Улсын үндэсний энгийн гадаад паспортын хуулбар Иргэний эрүүгийн хариуцлага хүлээж байгаа эсэх тухай тодорхойлолт (e-mongolia цахим үйлчилгээний нэгдсэн порталаас авна) Шүүхийн шийдвэрээр бусдад төлбөргүй эсэх тодорхойлолт (e-mongolia цахим үйлчилгээний нэгдсэн порталаас авна) Дээд боловсролын сургалтын байгууллагын дипломын тодорхойлолт (e-mongolia цахим үйлчилгээний нэгдсэн порталаас авна), хэрэв сургууль төгсөөгүй бол их, дээд сургуульд хоёроос доошгүй жил амжилттай суралцсан талаарх сургуулийн тодорхойлолт Гадаад харилцааны яамнаас олгох захидлыг зөвхөн холбогдох шаардлага (шаардлагын талаарх мэдээллийг энд дарж үзнэ үү) болон материалын бүрдлийг хангасан иргэнд олгох болохыг дахин анхааруулж байна. Гадаад харилцааны яамнаас олгох захидал нь Австрали Улсын “Ажиллах болон амрах” виз авах баталгаа биш бөгөөд зөвхөн виз мэдүүлэхэд шаардлагатай баримт бичгийн нэг юм. Австрали Улсын “Ажиллах болон амрах” визийг Монгол Улсын иргэнд олгох эсэх нь Австрали Улсын холбогдох байгууллагын бүрэн эрхийн асуудал учраас Гадаад харилцааны яам виз олголттой холбоотой асуудлаар аливаа гомдол, санал хүлээн авахгүй гэнэ.

СҮХБААТАР, ЧИНГЭЛТЭЙ ДҮҮРГИЙН 2-5 НАСТНУУД ЭНЭ ХИЧЭЭЛИЙН ЖИЛД ЦЭЦЭРЛЭГТ БҮРЭН ХАМРАГДАНА

08 / 18 0 сэтгэгдэл 336 үзсэнe

Нийслэлийн цэцэрлэгийн хүртээмжийг сайжруулах ажил үргэлжилсээр байна. Үүний үр дүнд Сүхбаатар, Чингэлтэй дүүргийн 2-5 настнууд энэ хичээлийн жилд цэцэрлэгт бүрэн хамрагдах боломжтой болсныг Боловсрол, Шинжлэх Ухааны Яамнаас мэдээлэв. Сүхбаатар дүүрэг цэцэрлэгийн насны 12,983, Чингэлтэй дүүрэгт 13,477 хүүхэд амьдарч буй юм. Нэмэлт мэдээлэл хүргэхэд, цэцэрлэгт бүртгүүлэх хүсэлтийг e-Mongolia системээр наймдугаар сарын 24-нийг дуустал авна. Өчигдрийн байдлаар 80 орчим мянган хүүхдийн хүсэлт ирээд байгааг салбарын сайд нь хэлж байв.

ХААИС-ИЙН БАРУУН ТАЛД МАШИНЫ ЗОГСООЛЛ БОЛГООД БАЙСАН АВТОБУСНЫ БУУДЛЫГ СЭРГЭЭН БАЙГУУЛЖ БАЙНА

08 / 18 0 сэтгэгдэл 568 үзсэнe

Хан-Уул дүүргийн 11 дүгээр хороо, ХААИС-ийн баруун талд машины зогсоол болгоод байсан автобусны буудлыг сэргээн байгуулж байна. Нийслэлд буй 1,169 автобусны буудлаас 620 гаруйг нь шинэчлэн тохижуулах шаардлагатай байгаа юм. Тиймээс ирэх оноос Францын “JCDecaux” компанитай хамтран ши нэ стандартын дагуу бүрэн шинэчилнэ хэмээн нийслэлийн Сургалт, Судалгаа, Олон Нийттэй Харилцах Газраас мэдээлэв.

ИХ, ДЭЭД СУРГУУЛЬ БОЛОН МСҮТ-ИЙН ХИЧЭЭЛИЙГ ДОЛОО ХОНОГИЙН ӨМНӨ ЭХЛҮҮЛНЭ

08 / 18 0 сэтгэгдэл 565 үзсэнe

Боловсрол, шинжлэх ухааны сайд Л.Энх-Амгалан Засгийн газрын шийдвэрийг танилцуулж, мэдээлэл хийсэн. Тэрбээр "Их, дээд сургууль болон МСҮТ-ийн хичээлийг долоо хоногийн өмнө эхлүүлнэ. Ерөнхий боловсролын сургуулийн хичээл хуулийн дагуу есдүгээр сарын 1-нд эхлэх зохицуулалттай тул энэ хугацаанд эхэлнэ. Гэвч ачаалал өндөртэй, түгжрэлд нөлөөлдөг тодорхой байршлууд дахь 20 орчим сургуулийн хичээл эхлэх болон тарах цагийг 15-30 минутаар өөрчилнө" гэлээ. Мөн тэрбээр "КОВИД-19-ийн халдвар дахин дэгдэх эрсдэл байна. Гэхдээ бид хичээл сургалтыг хугацаанд нь эхлүүлэх бөгөөд хүүхдэдээ вакцин хийлгэх шаардлага тавихгүй. Харин сургууль, цэцэрлэгийн хүүхдүүдийг амны хаалттай байлгахад эцэг эх, асран хамгаалагчид нь анхаараасай гэж хүсэж байна. Хичээл эхлэхэд 1.2 сая хүүхдийн хөдөлгөөн эхэлдэг тул эрсдэл бий. Үүнд Эрүүл мэндийн яамтай хамтран сэрэмжлүүлгийг хүргэх болно" хэмээв.

ХУУЛЬ САХИУЛАГЧИЙГ АЛБАН ҮҮРГЭЭ БИЕЛҮҮЛЭХТЭЙ НЬ ХОЛБОГДУУЛАН ХҮЧ ХЭРЭГЛЭН ЭСЭРГҮҮЦСЭН БОЛ ГЭМТ ХЭРЭГТ ТООЦОЖ ЯЛ ЭДЛҮҮЛНЭ

08 / 18 0 сэтгэгдэл 549 үзсэнe

Иргэн Б нь согтуугаар тээврийн хэрэгсэл жолоодсон ба Цагдаагийн алба хаагчийн “тээврийн хэрэгслээ унтраа” гэсэн шаардлагыг эсэргүүцэн түүний хэвлийн тус газарт гараараа нэг удаа цохьсон. Хууль сахиулагчийг албан үүргээ биелүүлэхтэй нь холбогдуулан хүч хэрэглэсэн, хүч хэрэглэхээр заналхийлж эсэргүүцсэн бол гэмт хэрэгт тооцно. Хуульд зааснаар “хууль сахиулагч” гэж цагдаа…”-г ойлгох ба Цагдаагийн албаны тухай хуулийн 23 дугаар зүйлийн 23.1 дэх хэсэгт “Цагдаагийн алба хаагч, олон нийтийн цагдаа нь гэмт хэрэг, зөрчлөөс урьдчилан сэргийлэх, таслан зогсоох, зөрчлийг арилгуулах, учирч болох хор хохирлыг гаргуулахгүй, нэмэгдүүлэхгүй байх зорилгоор хүн, хуулийн этгээдэд тодорхой үйлдлээс татгалзах, эсхүл үйлдэл хийх шаардлага тавьж болно” гэж заасан. Хүч хэрэглэн эсэргүүцсэн гэдэг нь хууль сахиулагчийг албан үүргээ биелүүлэхтэй нь холбогдуулан түүний тавьсан шаардлагыг үл тоож, цохих, зодох гэх мэт бие махбодийн хүчирхийлэл үйлдэхийг ойлгоно. Шүүхээс Б-гийн дээрх үйлдлийг “хууль сахиулагчийг албан үүргээ биелүүлэхтэй нь холбогдуулан хүч хэрэглэн эсэрүүцсэн” гэмт хэрэг үйлдсэн гэм буруутайд тооцож, 2.700 нэгж буюу 2.700.000 төгрөгийн торгох ял оногдуулж шийдвэрлэсэн. Энэ гэмт хэрэг нь хөнгөн гэмт хэрэгт хамаарах бөгөөд торгох, зорчих эрхийг хязгаарлах, хорих ялаас сонгож оногдуулахаар заасан. Б-гийн үйлдсэн гэмт хэрэгт оногдуулах ялыг хөнгөрүүлэх, хүндрүүлэх хуульд заасан нөхцөл байдлууд тогтоогдоогүй, хувийн байдлын хувьд ажил хөдөлмөр эрхэлдэг, гэмт хэрэг үйлдсэн нөхцөл байдал, бусдад учруулсан хохирол, хор уршгийн шинж чанар зэргийг харгалзан 2.700.000 төгрөгөөр торгох ял оногдуулсан. Шүүхээс торгуулийн ялыг 1 жилийн дотор хэсэгчлэн биелүүлэх хугацаа тогтоож өгсөн ба тогтоосон хугацаанд биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солих болно. Санамж: Энэ хураангуй нь шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой. Шийдвэрийн дугаар 2022/ШЦТ/28 Энэ шийдвэр нь хуулийн хүчин төгөлдөр болсон. Хураангуйг бэлтгэсэн: Багануур дүүргийн Эрүүгийн хэргийн анхан шатны шүүхийн Ерөнхий шүүгч Б.Байгалмаа

ЗАСАЛ ХИЙХ НЭРИЙДЛЭЭР 15 НАСТАЙ ОХИНЫГ ХҮЧИРХИЙЛСЭН ГЭХ ЛАМД 10 ЖИЛИЙН ЯЛ ОНООЛОО

08 / 18 0 сэтгэгдэл 552 үзсэнe

Өнгөрөгч тавдугаар сард 45 настай лам Ө нь айлд засал хийхээр очихдоо 15 настай охиныг нь "сэржим өргүүлнэ" хэмээн дуудан гаргаж, автомашиндаа суулгаж шашны зан үйл хийх нэрийдлээр охины цээжин хэсгийн хувцсыг тайлуулж бэлгийн ёс бус үйлдэл гаргаж, улмаар хүчирхийлсэн байж болзошгүй хэрэг гарсан. Түүнд холбогдох хэргийн шүүх хурал өчигдөр болж, шүүх хуралдаанаас шүүгдэгч Ө-г гэм буруутайд тооцож, 10 жилийн ялыг хаалттай хорих ангид эдлүүлэхээр шийдвэрлэлээ. Мөн хохирогч охины бэлгийн эрх чөлөөнд халдаж, хүч хэрэглэсэн үйлдлээ гүйцэлдүүлсэн автомашиныг нь улсын орлого болгох шийдвэр гаргасан байна.

МАНСУУРУУЛАХ БОДИС ХЭРЭГЛЭСЭН ҮЕДЭЭ АВТОМАШИН ЖОЛООДОЖ ЯВСАН ЗАЛУУСЫГ СААТУУЛЛАА

08 / 18 0 сэтгэгдэл 555 үзсэнe

Нийслэлийн цагдаагийн удирдах газрын шөнийн эргүүлийн хэлтсийн алба хаагчид энэ сарын 16-ны шөнө Чингэлтэй дүүргийн 2-р хороо Барилгачдын талбай орчим эргүүлийн үүрэг гүйцэтгэжээ. Энэ үед сэжигтэй тээврийн хэрэгслийг зогсоон шалгахад 20 орчим насны 2 иргэн хар тамхи, мансууруулах бодис хэрэглэн тээврийн хэрэгсэл жолоодож явсныг илрүүлэв. Улмаар Чингэлтэй дүүрэг дэх Цагдаагийн нэгдүгээр хэлтэст хүлээлгэн өгсөн байна. Хар тамхи, мансууруулах бодисыг сонирхон хэрэглэсэн ганцхан удаагийн үйлдэл нь хүнийг донтуулж эргэлт буцалтгүйгээр оруулдаг. Сонирхож хэрэглэсэн ганцхан удаагийн үйлдлийнхээ улмаас эрх чөлөөгөө хязгаарлуулж буй залуус бий. Иймд гэр бүл, үр хүүхэд, найз нөхөд, ах дүүсээ хар тамхи, мансууруулах эм, сэтгэцэд нөлөөт бодисын хор уршгийг таниулан сурталчилж, анхаарал халамжаа сайжруулан, учирч болзошгүй эрсдэлээс урьдчилан сэргийлээрэй. Эх сурвалж: Нийслэлийн цагдаагийн удирдах газар

НҮҮРСНИЙ КОМПАНИУДЫН АШИГ 300-900 ХУВИАР ӨСЖЭЭ

08 / 17 0 сэтгэгдэл 689 үзсэнe

Дэлхий даяар хэт халалт үргэлжилж, гол мөрөн ширгэж байгаа энэ үед улс орон бүр уур амьсгалын өөрчлөлтийн хямралд өртөж байгаа ч нүүрс ухаж мөнгө олоход тохиромжтой ийм сайхан цаг сүүлийн хэдэн арван жилд тохиож байсангүй. ОХУ-ын Украинд хийсэн дайралтаас үүдэлтэй эрчим хүчний зах зээлийн цочролын давлагаа нь дэлхий дахиныг хамгийн бохир түлшнээс улам бүр хамааралтай болгож байна. Эрэлт нэмэгдэж, үнэ нь бүх цаг үеийн дээд цэгт хүрч өсөх тусам томоохон нүүрс үйлдвэрлэгчдийн ашиг орлого өссөөр байна. Түүхий эдийн аварга “Glencore Plc”-ийн мэдээлснээр нүүрсний үндсэн орлого жилийн эхний хагаст бараг 900 хувиар өсөж 8.9 тэрбум ам.долларт хүрсэн нь “Starbucks Corp” болон “Nike Inc”-ийн бүтэн жилийн орлогоос ч илүү байна. Дэлхийн номер нэг нүүрс үйлдвэрлэгч “Coal India Ltd”-ийн ашиг бараг гурав дахин нэмэгдэж, дээд амжилт тогтоосон бол дэлхийн нүүрсний талаас илүү хувийг үйлдвэрлэдэг Хятадын компаниудын орлого жилийн эхний хагаст хоёр дахин нэмэгдэж, нийтдээ 80 тэрбум ам.долларт хүрсэн байна. Хэрэв илүү их нүүрс олборлож, шатаавал дэлхийн дулаарлыг цельсийн 1.5 хэмээс бага байлгах магадлал улам бүр буурна. Банкууд санхүүжилтээ зогсооно гэж амлаж, улс орнууд цахилгаан станцуудаа салгаж дэлхийн удирдагчид нүүрсний хэрэглээг эцэслэн зогсоох хэлэлцээрт ойртсон. Азийн жишиг болох Австралийн Ньюкасл боомт дахь нүүрсний үнэ долоодугаар сард дээд амжилт тогтоожээ. “Glencore”-ийн өндөр ашиг тус компанийн хувьцаа эзэмшигчдийн өгөөжийг дахин 4.5 тэрбум ам.доллароор нэмэгдүүлэх боломжийг олгож байна. Азийн хамгийн баян хүн Гаутам Аданигийн эзэмшлийн "Adani Enterprises Ltd" компанийн олсон орлого зургаадугаар сарын 30 хүртэл гурван сарын хугацаанд нүүрсний үнийн өсөлтөөс үүдэлтэйгээр 200 гаруй хувиар өссөн байна. Европт цахилгаан эрчим хүчний үнэ дээд цэгтээ хүрч, хөгжиж буй орнуудын иргэд цахилгаан эрчим хүч импортлох боломжгүйгээс болж өдөр бүр цахилгаан тасарч байна. Энэ сарын эхээр НҮБ-ын Ерөнхий нарийн бичгийн дарга Антонио Гутерриш эрчим хүчний компаниудыг шүүмжилж, гэнэтийн ашгийн татвар авахыг уриалсан юм. Сэргээгдэх эрчим хүчний хэрэглээ асар их байгаа хэдий ч нүүрс шатаах нь нийт цахилгаан эрчим хүчний 35 хувийг бүрдүүлэхээс гадна дэлхийн эрчим хүч үйлдвэрлэх гол арга хэвээр байна. Хятадын Засгийн газар энэ онд үйлдвэрлэлийн хүчин чадлаа 300 сая тонноор нэмэгдүүлэх үүрэг хүлээсэн бөгөөд тус улсын төрийн өмчит томоохон үйлдвэрлэгч ашгийнхаа ачаар хөгжлийн хөрөнгө оруулалтыг талаас илүү хувиар нэмэгдүүлнэ гэж мэдэгджээ. Өнгөрсөн жил Глазго хотод болсон НҮБ-ын бага хурал дээр Хятад, Энэтхэг хоёр хамтран ажиллаж, нүүрсний хэрэглээгээ үе шаттайгаар зогсоох болон үе шаттайгаар буулгахаа мэдэгдсэн. Тухайн үед шатахуун хэр үнэтэй болохыг таамаглах хүн цөөхөн байсан. Жилийн өмнө олон улсын томоохон уул уурхайн компаниуд (Glencore-г эс тооцвол) нүүрснээс бүрэн татгалзаж байсан бөгөөд өчүүхэн өгөөж нь хөрөнгө оруулагчид болон уур амьсгалын идэвхтнүүдийн дарамт шахалтад автаж байв. “Glencore” өөрийн хуучин түнш болох “Anglo” болон “BHP” группээс Колумбын уурхайг худалдаж авсан. “Glencore” өнгөрсөн оны сүүлч үеэр уурхайг бараг л үнэ төлбөргүй авсан гэсэн үг. Энэ оны эхний зургаан сард нэг уурхайгаас хоёр тэрбум ам.долларын ашиг олсон нь өнгөрсөн оны мөн үеийнхээс нийт нүүрсний бизнесийнхээ орлогоос хоёр дахин өссөн үзүүлэлт юм. Шинжээчид болон нүүрсний салбарын удирдлагууд зах зээл хатуу хэвээр байх болно гэж үзэж байгаа тул ашиг орлого өсөх хандлагатай байна. Эх сурвалж : Өглөөний сонин