ХААХ
НЭГҮҮН МЭДЭЭ

ЗАВХАН АЙМГИЙН НЭГДСЭН ЭМНЭЛГИЙН ДАРГА Э.ТҮДЭВ, МЭС ЗАСЛЫН ТАСГИЙН ЭРХЛЭГЧ Н.САМБУУ НАР БҮЛЭГЛЭН НЭГЭН ЭМЧИЙН ТАРХИЙГ ХАГАЛЖ НУРУУГ НЬ ХУГАРТАЛ ЗОДЖЭЭ

Г. Халиунаа Сэтгүүлч
10-р сарын 27 10:32 0 сэтгэгдэл 96 үзсэн
Завхан аймгийн нэгдсэн эмнэлгийн дарга Э.Түдэв, мэс заслын тасгийн эрхлэгч н.Самбуу нар бүлэглэн нэгэн эмчийн тархийг хагалж, нурууг нь хугартал зоджээ. 2025 оны 10-р сарын 24-ний баасан гарагт Завхан аймгийн нэгдсэн эмнэлгийн дарга Э.Түдэв, мэс заслын тасгийн эрхлэгч н.Самбуу нар нь Уб хотын Бзд-ийн чих хоолойн эмч Батчулуун гэгчийг тус аймагт ажлаад буцах гэж буй учраас хот руу гаргаж өгөх нэрийдлээр архидан согтуурч, ажлын бус цагаар хохирогч эмчийг дуудан авчирч булэглэн зодож, эрүүл мэндэд нь ноцтой хохирол учруулж тархийг нь хагалжээ.Үүний дараа эмнэлгийн тусламж үйлчилгээ үзүүлэлгүй,мэсийн бус эмэгтэйчүүдийн тасгийн эрхлэгчээр тархинд нь 6-7 оёдол тавиулжээ.Үүгээр зогссонгүй маргааш нь буюу 10-р сарын 25-нд хохирогч эмч ажлын байран дээрээ жижүүрийн үүрэг гүйцэтгэж байхад нь мэс заслын тасгийн эрхлэгч н.Самбуу гэгч араас нь өшиглөж, сандалтайн унагаж нурууг нь хугалжээ.Хохирогч эмч цагдаагийн байгууллагад хандсан ч тухайн этгээдүүдийг саатуулан шалгаагүй, эрүүлжүүлээгүй гэх мэдээлэл байна. Хүнлэг энэрэнгүй байх ёстой тангараг өргөсөн эмч нар бүлэглэн нэгэн эмчийнхээ эрүүл мэндэд ноцтой хохирол учруулсан тухайн асуудалд хариуцлага нэхэж бид үргэлжлүүлэн сурвалжилсаар байх болно
Та энэхүү мэдээнд үнэлгээ өгнө үү.
Та энэхүү мэдээг бусадтай хуваалцах боломжтой.