ДАРХАНЫ ЗАМЫН ТЕНДЕРТЭЙ ХОЛБОГДУУЛАН ЗТХЯ-НЫ ЗАРИМ АЛБАН ТУШААЛТНУУДЫН ӨРӨӨНД ЯГ ОДОО ПРОКУРОРЫН ЗӨВШӨӨРӨЛТЭЙГЭЭР НЭГЖЛЭГ ХИЙХ ГЭЖ БАЙНА
Гашуунсухайтын тээврийн жолоочдын нэгээс ДОХ илэрсэн гэх мэдээлэл түгээд буй. Тус шинжилгээний сорьцыг баталгаажуулахаар ажиллаж байгаа талаар ХӨСҮТ-өөс мэдээлээд байсан. Тэгвэл Гашуунсухайтаас ирсэн сорьцын баталгаажуулах шинжилгээний хариу эерэг буюу ДОХ-ын вирустэй гэж гарчээ. Дох-ын вирустай иргэн БНХАУ-ын иргэн гэх баттай мэдээлэл бидэнд ирлээ. Мөн эх сурвалжийн мэдээллээр тус иргэнийг ДОХ-ын вирусаар өвчилсөн гэдгийг ХУД-ийн ЭМТ өнгөрөгч 2021 оны 09-р сард шинжилж тогтоосон хэрнээ мэдээллийг өнөөг хүртэл нуун дарагдуулсан байж болзошгүй байна. Мөн эх сурвалжуудын мэдээллээр тухайн “Хятад” иргэний талаарх мэдээллийг нууцалж байгаа нь ҮАБ-д ч нөлөөлөхүйц асуудал хэмээж буй бөгөөд ХУД-ийн ЭМТ-ийн дарга н.Бодьцэцэг энэ мэдээллийг задруулахгүйн тулд БНХАУ-ын иргэнд шинжилгээ хийсэн эмчээ ажлаас нь үндэслэлгүйгээр чөлөөлсөн гэх мэдээлэл ч байна. Бид мэдээллийг нэхэн сурвалжлах болно.
Уул уурхайн бизнест бусдын адил гар дүрж, нүүрс тээврийн олон компани шинээр байгуулж “С ЗӨВШӨӨРЛИЙН АВЛИГЫН ХЭРЭГ”-т нэр холбогдсон гишүүн А.Адъяасүрэн нь 2020 оны УИХ-ын сонгуулийн гуравдугаар тойрогт Ардчилсан намаас нэр дэвшиж 19076 хүний санал авч УИХ-ын гишүүнээр сонгогдсон.Түүнийг авилгын хэрэгт холбогдуулж болзошгүй гэгддэг С зөвшөөрлүүдийнх нь талаар мэдээлэе : Тэрээр УИХ-ын сонгуульд нэр дэвшихдээ Өөрийн орлогоо 800 сая, гэр бүлийн гишүүдийн орлого 18 сая төгрөг. 1.5 тэрбум төгрөгөөр үнэлэх амины нэг, нийтийн хоёр орон сууц, нэг хашаа байшин, үйлчилгээний зориулалттай нэг байгууламжтай. 220 сая төгрөгийн “Lexus 570” автомашинтай. 100 сая төгрөгөөр үнэлэх өмчлөх эрхийн 270, 750 ам метр газартай бөгөөд 318.6 сая төгрөгийн үнэт эдлэлтэй. Дотоодын банк, санхүүгийн байгууллагад 700 сая төгрөгийн хадгаламжтай. 800 сая төгрөгийн авлага, 160.2 сая төгрөгийн зээлтэй. “Премиум кастомс” ХХК, “Тэнгри транс групп” ХХК, “Сан тээвэр групп” ХХК, “Ульгансар транс” ХХК, “Өлзийт зам трейд” ХХК, “Номгон Санчир групп” ХХК, “Топ транспорт” ХХК, “Топ капитал” ХХК, “Ти Эс Ти” мэргэжлийн сургалт үйлдвэрлэлийн төв, “ХАБ таны төлөө” ТББ-д хувь эзэмшдэг.Таван тусгай зөвшөөрөлтэй.Бэлэг, үйлчилгээ, өв залгамжлал, хандив, туслалцаа, хөнгөлөлт бүхий 80 сая төгрөгтэй гэж хөрөнгө орлогоо мэдүүлжээ. УИХ-ын болсоныхоо дараа тэрээр өөрийн нэр дээрх аж ахуй нэгжүүдээ бусдын нэр дээр шилжүүлчихсэн байдаг.Тэгвэл тэрээр С ЗӨВШӨӨРӨЛТЭЙ хэрхэн холбогддог вэ ...Түүний хувь эзэмшдэг “Топ транспорт” ХХК нь нь БНХАУ-ын хөрөнгө оруулалттай “JOC UNIWELL INDUSTRIAL Co.Ltd”-тай хамтран ажиллах JUI20200929 тоот тээврийн гэрээ байгуулж БНХАУ-ын хилийн боомтоор нүүрс тээвэрлэхээр болсон тул тээврийн хэрэгсэлийг бүртгүүлэх шаардлага үүссэн. Улмаар “Эрдэнэс таван толгой” ХК-тай 2019 оны 08 сарын 23-ны өдөр 1,000,000 тонн коксжих нүүрс худалдах, худалдан авах ETT-2019/642 тоот гэрээ байгуулан “Топ Транспорт” ХХК-ийн 14 ширхэг тээврийн хэрэгслийг “ЭТТ-ЦХ” чиглэлийн ачилтанд бүртгэл хийлгэжээ. А.Адъяасүрэн гишүүний хувь эзэмшдэг хэмээн бүртгүүлсэн “Топ-транспорт” ХХК нь Дорноговь аймгийн ХАНГИ, БНХАУ-ын МАНДАЛ боомтоор хил нэвтрэх “С ” зөвшөөрлийг 2019 оны III улиралд 23 , VI улиралд 21 удаа гаруулан авчээ. Мөн Гашуун Сухайт-Ганц мод боомтын чиглэлд 2019 оны IV улиралд "С" төрлийн зөвшөөрлийн бичиг олгосон мэдээлэлд А.Адъяасүрэн гишүүний хувь эзэмшдэг хэмээн мэдүүлсэн “Сан тээвэр групп” ХХК 232, “Топ транспорт” ХХК 35, “Тэнгри транс групп” ХХК -247, “Ульгансар” ХХК -195 –ийг тус тус С зөвшөөрөл олгосон гэж бүртгэгджээ. Тэрээр өөрийн хувь эзэмшдэг “Топ транспорт” компаниа 2020 оны 08 дугаар сард А.Санчир, А.Амгалан нарын нэр дээр шилжүүлжээ... Их ашиг олдог уул уурхайн бизнесээсээ яагаад өөрийгөө татах болов. С зөвшөөрлийн АВЛИГЫН ХЭРГЭЭС нэрээ цэвэрлэх гэсэн оролдлого уу, эсвэл өөр бизнес хүч үзэх гэж байна уу гэх хардлага төрүүлсээр хариултгүй байсаар байгаа юм.
Говь- Алтай аймгийн Бигэр суманд тээврийн хэрэгслийнхээ хажууд хүн өөрийгөө буудаж нас барсан байна гэх дуудлага мэдээлэл цагдаагийн байгууллагад бүртгэгджээ. Цагдаагийн байгууллагын шалгалтаар тус аймгийн Есөнбулаг сумын харъяалалтай 47-н настай эрэгтэй М.М галт зэвсгээр өөрийнхөө эрүүн дороос буудаж нас барсан нь эхний байдлаар тогтоогджээ.Хэргийг Говь-Алтай аймаг дах цагдаагийн газар үргэлжлүүлэн шалгаж байна
Хөл хорио цар тахлаас шалтгаалан хаалттай шахуу удсан үйлчилгээний байгууллагууд цагийн хязгаарлалтаас гарч үйл ажиллагаагаа явуулж эхлээд байгаа. Залуус ч үүр цайтал үйлчлүүлж архидан согтуурч түүнээс шалтгаалан гарах гэмт хэрэг зөрчилд холбогдож шалгагдах асуудал ч ихсэж байна. Тэгвэл караокед үйлчлүүлж байсан иргэд нэгнийхээ амь насыг хохироосон харамсалтай хэрэг цагдаагийн байгууллагад бүртгэгджээ. Тодруулбал : Бзд-т байрлалтай “Алтан цайз” гэх караокед өнгөрсөн шөнө буюу энэ оны 03-р сарын 14-нд БЗД-ийн харъяат 32 настай эрэгтэй Н-ыг Дорноговь аймгийн харъяат 32 настай эрэгтэй Г архи согтууруулах төрлийн ундаа хэрэглэсэн байх үедээ цээжин тус газарт нь хутгалж амь насыг нь хохироосон байна. Сэрэмжлүүлэхэд : Иргэд архидан согтуурч нэгнийхээ амь нас эрүүл мэндийг хохироох болон болзошгүй гэмт хэргээс сэрэмж сонортой ажиллахыг үйлчилгээний байгууллагууд зайлшгүй анхаарах шаардлагатай байна.
Нийслэлчүүдэд нэн тулгамдсан асуудлын нэг болох автомашины зогсоолын хүрэлцээ дутмагаас болж нийтээрээ ачилтынхныг зүхэж аль эсвэл зогсоол булаалдан өөр хоорондоо маргах үйл явц нийслэлд өдөр бүр өрнөдөг. Тэгвэл автомашины зогсоолоос болж нэгнийхээ аминд хүрсэн харамсалтай хэрэг өчигдөр бүртгэгджээ.Тодруулбал : БЗД-т байрлалтай “Хүслийн өргөө” хотхоны ,, дугаар байрны гадна хүн нас барсан байна гэх дуудлага мэдээлэл цагдаагийн байгууллагад бүртгэгдсэн байна. Шалгалтаар тус байрны ,, дугаар тоотод оршин суух хаягтай 57-н настай эрэгтэй Н.Б гэгчийг тус байрны ,,дугаар тоотод оршин суух хаягтай 38-н настай эрэгтэй Г.Ч гэгч нь автомашины зогсоолын маргааны улмаас гараараа боож газар унаган зодож амь насыг нь хохироосон болохыг урьдчидчилсан байдлаар тогтоожээ. Хэргийг Баянзүрх дүүргийн цагдаагийн 1-р хэлтэс үргэлжлүүлэн шалгаж байгаа аж.
Хан-Уул дүүргийн нутаг дэвсгэр “Буянт-Ухаа” орчимд эзэнгүй автомашин гурав хонолоо гэдэг мэдээлэл цагдаагийн байгууллагад иржээ. Иргэний мэдээллээр албаныхан шалгалтын ажиллагаа явуулахад, Сонгинохайрхан дүүргийн иргэн 50 настай эрэгтэй машин дотроо толгойн хэсэгтээ сумны шархтайгаар нас барсан байжээ. Хэргийн газраас эд мөрийн баримтаар Тоз-8 маркийн гар буу болон сум зэргийг хураан авч шинжилгээнд явуулжээ. Одоогоор талийгаачийг гаднын нөлөөтэй нас барсан эсэх нь тогтоогдоогүй гэх бөгөөд шалгалтын ажиллагаа үргэлжилж байна.
Шөнийн сурвалжлагаараа бид далд хэлбэрээр явагдсаар ирсэн биеэ үнэлэлтийн асуудлыг хөндлөө. Биеэ үнэлэх болсон шалтгаан нөхцлийн ард олон хүчин зүйлс нөлөөлдөг байж болох талтай ч түүнээс нь үүдэн гарах сөрөг үр дагаварууд түүнээс олон байгаа юм. Мөн биеэ үнэлэгч эмэгтэйн өгч байгаа мэдээллээр 4-5 болон 2-3н хүүхэдтэй өрх толгойлсон эмэгтэйчүүд ихэвчлэн биеэ үнэлдэг талаараа хэлж ядуурлаас шалтгаалсан гэв.
Өчигдөрхөн үртэй хүн бүрийн зүрхийг зүсч сэтгэлийг эмтэлсэн харамсалтай осол гарч 3-н настай хүү зуурдаар хорвоог орхисон.Энэ сарын 27-н буюу өчигдөр 18:30 минутын орчимд ажиллагаагүй боловч хаалга нь хагас онгорхой эвдэрхий лифтний хонгил уруу 7-н давхраас нэгэн амь нисч одсон ... Харамсал харуусал дүүрэн осол БГД-ийн 18-р хороонд байрлалтай 86-р байранд гарсан бол тус байрыг “Эко констракшн” компани барьж ашиглалтад оруулсан байдаг. Тус компанийн нэр холбогдсон осол гэмтэл олон бий ч тэр хирээрээ хэл ам таталсаар байв ч тэгсхийгээд намжсаар намжаасаар нам дарсаар өнөөг хүрсэн. Барилгууд нь баригдаж байх явцад ч эрдэнэт хүний амь эрсдэж баригдаж дууссаныхаа дараа ч чанар стандартаас нь шалтгаалж Монгол хүний амь нас эрүүл мэнд эндэж эрсдэж явсаар энэ хүрснийг нь барилгын салбарт бүртгэлтэй ослын судалгаанд ил мэдээлсэн байдаг. С.Нямдаваа гэх захиралтай тус компани энэ мэт осол гэмтэлд олон нэр холбогддог ч хүлээсэн хариуцлага гэхээр зүйлгүй өнөөдөртэй золгож өчигдөрхөн нэгэн бяцхан амь эрсэдлээ.Үүнд ч тус компанийн буруутай үйл ажиллагаа нөлөөлсөн бололтой. Учир мэдэх эх сурвалжууудын өгч буй мэдээллээр тус компани ашиглалтаас гарах шахсан лифт суурилуулсан бөгөөд тэр нь төд удалгүй эвдэрч зогссон мөн сэлбэг олдоц муу засвар үйлчилгээ барагтай авдаггүй тул тус лифт ийн удаан хугацаагаар ажиллагаагүй хэрнээ аюул осолд бэлхэн байршиж байж. Иймд бяцхан зүрхийг цаг бусаар зогсоосныхоо төлөө С.Нямдаваа захирлын компани шууд утгаараа хариуцлага хүлээх ёстой. Бид ч хариуцлага хүлээхийг шаардах ёстой.
