9 НАСТАЙ ХҮҮХЭД ЗОЛГҮЙ БАЙДЛААР АМЬ ЭРСДЭВ

10 / 07 0 сэтгэгдэл 1 021 үзсэнe

Нийслэл улаанбаатар хот бол бяцхан иргэддээ нэн ээлгүй хот гэх нэршилтэй. Учир нь тоглож яваа хүүхэд тогонд цохиулж хаалганд даруулж автомашинд дайруулж усанд халианд ах дүүсийн хамт живж аавдаа зодуулж гэхчилэн цаг бусаар хорвоог орхих эрдэнэт амь нас нь эндэх тохиолдлууд өдөрт хэд хэдээрээ гардаг тул. Өчигдөр буюу 2021 оны 10-р сарын 06 нд СХД ий 33р хороо буюу Тахилтад амбаарт тоглож байсан 9 н настай хүүхэд хананд өлгөөтэй цүнхний оосорт орооцолдон амь нас нь эндсэн харамсалтай хэрэг гарчээ. Хүүхэд хананд өлгөөтэй байсан үүргэвчний оосорт хүзүүгээрээ орооцолдсон тул ийн золгүй байдлаар амь нас нь эрсэдсэн байж болзошгүй аж. Нэг талдаа бага насны хүүхдэд тавих хараа хяналт сул байгаатай холбон тайлбарлаж болох ч бид бяцхан иргэдийнхээ амьдарч буй орчин нөхцөлд тоглох хөгжих таатай мөн аюулгүй нөхцөл боломж бүрдүүлж чадаагүйн хохирогч болж бас нэгэн бяцхан амь хорвоогоос одлоо.

МОНГОЛЫН ХОЁР УЛСТӨРЧ ОФФШОРЧДЫН ЖАГСААЛТАД БАГТЖЭЭ

10 / 04 0 сэтгэгдэл 941 үзсэнe

Дэлхийн алдартай баячууд, олны танил одод, Европ, Ойрхи Дорнод, Өмнөд Америкийн голдуу удирдагч нар оффшор компаниудаа ашиглан, сая сая ам.долларын татвараас зайлсхийдэг тухай баримтууд задарчээ. Тухайлбал, оффшор бүсийн 14 банкнаас олж авсан Олон улсын эрэн сурвалжлах сэтгүүлчдийн консорциумын шинжлэн судалсан “Пандора баримт”-д 100 гаруй тэрбумтан, одоо ажиллаж байгаа болон суудлаасаа буугаад удаагүй 35 удирдагч, 300 орчим төрийн өндөр албан тушаалтан, тэр дундаа Монголын хоёр ч улстөрчийн нэр багтжээ. Түүнийг олон улсын 600 сэтгүүлчээс бүрдсэн баг судалж, эхний ээлжийн мэдээллийг өчигдөр (2021.10.03) нийтэд ил болгосон байна. Сайтын “Пандора баримт”-тай холбоотой хуудсын “Хүчирхэг тоглогч” бүлэгт нийтэлсэн мэдээллүүдээс харвал, дээр дурдсан Монголын хоёр албан тушаалтны нэг нь Ерөнхий сайд асан С.Батболд аж. Түүнийг "Улстөрч болохоосоо өмнө уул уурхайгаар баяжсан, гэрээ байгуулахдаа олон зуун сая ам.доллар хувьдаа завшсан хэргээр Нэгдсэн Вант улс, Сингапур, АНУ-ын шүүхэд дуудагдсан" гэж тодотгосон байна. С.Батболдын АНУ дахь өмгөөлөгч Олон улсын эрэн сурвалжлах сэтгүүлчдийн консорциумд хандан “С.Батболд өөрийнх нь тухай нийтлэгдсэн мэдээллийг үгүйсгэж байгаа бөгөөд аль ч шүүхээр гэм буруутайг нь тогтоогоогүй байгаа” гэж мэдэгдсэн аж. “Пандора баримт”-д дурдсаныг үзвэл, С.Батболд 2006 оны дөрөвдүгээр сард, Үйлдвэр, худалдааны сайд байхдаа "Quantum Lake Trust" үл хөрөнгө итгэмжлэх нэгжийг Английн Гернсигийн санхүүгийн төв оффшор бүсэд байгуулсан аж. Тус нэгж нь Нэгдсэн Вант улсын "Premier Edge" ХХК-ийг эзэмшдэг бөгөөд С.Батболд 2005 онд анхны хувьцаа эзэмшигч нь болж байжээ. Түүнчлэн 2006 онд "Premier Edge" ХХК Лондонд тансаг зэрэглэлийн амины хоёр орон сууцыг 8.8 сая ам.доллараар худалдан авсан нь ил болжээ. Харин зөвлөхүүд нь энэ талаар “С.Батболд хууль ёсны дагуу үл хөдлөх хөрөнгө худалдаж авсан бөгөөд Монголын хуулийг чанд дагаж мөрдсөн. С.Батболд уул уурхайн салбарт орохоосоо өмнө гэр бүлээрээ Лондонд амьдарч байсан нь нууц биш” гэж мэдэгдсэн байна. Олон улсын эрэн сурвалжлах сэтгүүлчдийн баг одоогийн байдлаар гартаа оруулсан нийт мэдээллийнхээ ердөө дөрвөн хувийг л боловсруулсан нь энэ юм. Тиймээс нэр холбогдсон хүн бүрийн мэдээллийг олон нийт нарийн мэдэх боломжгүй байна. Эх сурвалж: news.mn

Нарны хүү Сарны охин ХХК-ийн найман тэрбумын хохирол барагдуулах шүүх хурал завсарлалаа

09 / 28 0 сэтгэгдэл 1 106 үзсэнe

Баянзүрх дүүрэгт байрлах “Амар амгалан” хотхонд байр захиалсан 456 иргэний захиалгын мөнгө болох 8 тэрбум 644 сая төгрөгийг авч залилах гэмт хэргийг байнга үйлдэн амьдралын эх үүсвэр болгосон үйлдэлтэй “Нарны хүү, сарны охин” ХХК-ийн захирал тэргүүтэй хүмүүст холбогдох хэрэгт Баянзүрх дүүргийн прокурорын газраас Эрүүгийн хуулийн тусгай ангийн 17.3-1 дэх хэсэгт зааснаар яллах дүгнэлт үйлдэж тус дүүргийн эрүүгийн хэргийн анхан шатны шүүхэд шилжүүлсэн. Шүүхээс Д.Гүрсоронз нарт холбогдох хэргийг 5 өдөр хэлэлцэж, гэм буруутайд тооцлоо. Улмаар шүүгдэгчийн өмгөөлөгч нарын зүгээс хохирол төлбөр барагдуулах 5 хоногийн завсарлага авч, эрүүгийн хариуцлагын шүүх хуралдаан 2021-10-01-ний 14 цагт үргэлжлүүлэхээр шийдвэрлэлээ. Д.Гүрсоронз нарт холбогдох эрүүгийн хэргийн талаар нэхэн сануулбал, Баянзүрх дүүргийн Прокурорын газраас Эрүүгийн хуулийн ерөнхий ангийн 2.2 дугаар зүйлийн 3 дахь заалт /Энэ хуулийн тусгай ангид заасан нэг гэмт хэргийн шинжийг хэд хэдэн удаагийн үйлдэл, эс үйлдэхүйгээр хангасан байвал үргэлжилсэн нэг гэмт хэрэг үйлдсэнд тооцно/, 3.7 дугаар зүйлийн 1 дэх хэсэгт заасан /Гэмт хэргийг хоёр, түүнээс олон хүн санаатай нэгдэж үйлдсэн/-ыг тус тус журамлан, мөн хуулийн тусгай ангийн 17.3 дугаар зүйлийн 3 дахь хэсгийн 3.1 дэх заалтад /Хуурч, эсхүл баримт бичиг, эд зүйл, цахим хэрэгсэл ашиглаж, эсхүл зохиомол байдлыг зориудаар бий болгох, бодит байдлыг нуух замаар бусдыг төөрөгдөлд оруулж, эсхүл нэр хүнд, урьдын харилцааны явцад бий болсон итгэлийг урвуулан ашиглаж эзэмшигч, өмлөгчийн эд хөрөнгө, эд хөрөнгийн эрхийг шилжүүлэн авсан/ заасан гэмт хэрэгт холбогдуулан Д.Батбаяр, Д.Гүрсоронз, Д.Одгэрэл нарт яллах дүгнэлт үйлдэж ирүүлсэн хэргийг Баянзүрх дүүргийн Эрүүгийн хэргийн анхан шатны шүүх хүлээн авч хянасан. Улмаар гэм буруугийн шүүх хуралдаан 2021 оны 09 дүгээр сарын 20-ны өдрийн 09.00 цагт эхэлсэн юм

ЦЭЦЭРЛЭГИЙН 716 ХҮҮХЭД, ЕБС-ИЙН 618 СУРАГЧ ХАЛДВАР АВЧЭЭ

09 / 27 0 сэтгэгдэл 890 үзсэнe

Нийслэлийн Боловсролын газрын дарга Ж.Гантулга хичээлийн шинэ жил эхэлснээс хойш сургууль, цэцэрлэгийн орчинд халдвар, хамгаалал ямар түвшинд байгааг танилцууллаа. Сургууль, цэцэрлэгийн орчноос илүү ахуйн хүрээнд “Ковид-19” халдварлаж байна Нийслэлийн хэмжээнд 13 цэцэрлэг зайны сургалтад бүрэн шилжин ажиллаж буй аж. Эдгээрийн тав нь төрийн өмчийнх бол найм нь хувийн цэцэрлэг юм байна. Ерөнхий боловсролын нэг сургууль бүрэн хэмжээнд зайны сургалтад шилжсэн бол зарим сургууль анги, бүлгээр нь ялган зайны сургалтад шилжжээ. Одоогоор 115 бүлэг зайны сургалтад шилжсэн байна. Цэцэрлэгийн 716 хүүхэд, багш, ерөнхий боловсролын сургуулийн 618 сурагч, багш халдвар авчээ. Нийслэлийн хэмжээнд халдвар авсан хүүхэд багачуудын судалгаанаас харахад “Ковид-19” цар тахлын халдвар сургууль, цэцэрлэгийн орчинд бус, ахуйн хүрээнд илүү их байгааг мэргэжилтнүүд онцолж байна.

Саиед Моллай: Би монгол хүн

09 / 27 0 сэтгэгдэл 911 үзсэнe

Токио 2020 зуны олимпын наадам болон паралимпын наадамд амжилттай оролцож, медаль хүртсэн тамирчид болон дасгалжуулагч нарт Засгийн газраас урамшуулах олгох арга хэмжээ өнөөдөр боллоо. Монгол Улсын иргэн, Токио-2020 зуны олимпын наадмын мөнгөн медальт Саиед Моллайд Засгийн газрын тогтоолын дагуу 60 сая төгрөг болон хоёр өрөө байр олгосон юм. Ёслолын арга хэмжээний дараагаар Саиед Моллай хэлэхдээ: "Бүх монголчууддаа энэ өдрийн мэндийг хүргэе. Олимпын болон паралимпын медаль хүртсэн тамирчдадаа дахин баяр хүргэе. Олимпын болон паралимпын медальтнуудад дэмжлэг үзүүлж байгаад маш их баяртай байна. Мөн сүүлийн үед "Саиед Моллай Германд үлдэхээр шийджээ", "Саиед Моллай Германы иргэншил авах гэж байна" гэх мэт ташаа мэдээлэл их гарсан. Үүнд албан ёсоор хариулахад, үгүй. Учир нь би Монгол пасспорттай. Би монгол хүн. Энэ медаль бол монголчуудад зориулсан. Иймд худал мэдээлэлд битгий итгээрэй. Би дараагийн удаад Парист болох 2024 оны олимпод өндөр амжилттай оролцохыг хүсэж байна. Монголын Жүдо бөхийн холбоонд, Монгол үндэсний олимпын холбоонд талархаж буйгаа дахин илэрхийлж байна. Түүнчлэн намайг тусалж дэмжсэн, урмын үгс илгээж байсан бүх хүнд баярлалаа" гэлээ.

Тамирчдын зодоон, архидалтын булхай Н.Төгсцогт, З.Шинэчагтага нар үргэлжлүүллээ

09 / 23 0 сэтгэгдэл 1 485 үзсэнe

Өнгөрсөн бямба гарагт /2021.09.18/ “Ширэн бээлий клуб”, "Zorky MMA" багийн холимог тулаанч З.Шинэчагтага, МУГТ, Олимпын мөнгөн медальт боксчин Н.Төгсцогт нар нэгэн баарны гадна хоорондоо зодолдсон хэрэг гарчээ. Эх сурвалжийн мэдээлж буйгаар, "Тэд хоёул согтууруулах ундааны зүйл хэрэглэсэн байсан ба З.Шинэчагтага нь Н.Төгсцогтыг нэлээдгүй зодсон" гэв. Тамирчин залуусын зодооныг одоогоор цагдаагийн байгууллагаас материалжуулан шалгаж байгаа аж. Энэхүү үйл явдал иргэдийн нэлээдгүй бухимдуулж байгаа төдийгүй, энэ мэт үйлдэл гаргаж буй явдал нь тамирчдын цаашдын амжилтанд хэрхэн нөлөөлж байгаа талаар Э.Цэндбаатарын асуудлаас сургамж аваагүй нь харагдаж байна гэж цахим орчинд шүүмжилжээ. Түүнчлэн Н.Төгсцогт өмнө нь хэд хэдэн удаа архидан согтуурсан, танхайрсанм зэрэг асуудлуудыг гаргаж байсан билээ. Монгол улсын шигшээ багийн гэх тодотголтой залуу тамирчид ээлж, дараалан танхайн болон архи согтууруулах ундаа хэтрүүлэн хэрэглэсэн гэх асуудлыг тарьж шалгагдаж байгаа нь нөгөө талдаа ёс зүй болон сургах аргын бурууг харуулж буй мэт.

МАНСУУРУУЛАХ БОДИС ХЭРЭГЛЭСЭН ЦАГДААГИЙН АЛБА ХААГЧИЙГ АЛБАНААС ЧӨЛӨӨЛЖ, ЭРҮҮГИЙН ХЭРЭГ ҮҮСГЭН ШАЛГАЖ БАЙНА

09 / 21 0 сэтгэгдэл 371 үзсэнe

Цахим орчин цагдаагийн дүрэмт хувцастай алба хаагч мансууруулах төрлийн ургамал татаж байгаа зураг нийтлэгдсэн. Энэ асуудалд цагдаагийн байгууллагаас хяналт, шалгалтын ажиллагаа явуулж байна. Шалгалтаар Орхон аймаг дахь Цагдаагийн газрын Гэрээт цагдаагийн хэлтсийн хамгаалалтын хоёрдугаар тасгийн харуулын цагдаа, цагдаагийн дэд ахлагч М нь 2021 оны есдүгээр сарын 13-ны өдөр ажлаасаа буугаад албаны дүрэмт хувцастайгаа бусадтай нийлж, мансууруулах төрлийн бодис хэрэглэсэн нь урьдчилсан байдлаар тогтоогджээ.

ХОХИРОГЧИЙН ДҮР ЭСГЭН , ХУУЛИЙНХНАА ГҮТГЭЖ СУУГАА ЭРХЭМ ӨӨРӨӨ БУСДЫГ ХОХИРООГЧ УУ

09 / 15 0 сэтгэгдэл 2 024 үзсэнe

Дарханы төмөрлөгийн үйлдвэрээс төмрийн хүдэр авахаар гэрээ хийсэн Хятад иргэнийг залилж, хуурамч бичиг баримтаар 1.2 сая доллар завшсан хэрэгт холбогдсон Г.Буяндорж хэлмэгдэгсдийн хөшөөний дэргэд эхнэр МУГЖ Т.Ариунаагийн хамт суулт зарлаж олныг шуугиулаад байсан бол одоо тэрээр ахин гудамжинд гарсанаа сүр дуулиантайгаар зарлалаа.Гэвч тэрээр хохирогч мөн үү эсвэл өөрөө бусдыг хохироогч уу ? Сонгуулийн өмнөхөн хууль бусаар ажилласан прокуроруудыг шалгуулна хэмээн тухайн үеийн Ерөнхийлөгчийн тамгын газрын дарга З.Энхболдод баримт гэх дугтуй гардуулж, сүржин мэдэгдэл хийж байсан Г.Буяндоржийг шүүхээс цагаатгасан гэх мэдээлэл цацагдаж, олон нийт цагдаа, прокурор, шүүх хууль бусаар ажиллажээ гэцгээгээд намжсан. Харин Г.Буяндорж өөрийгөө цагаадсан, хууль бусаар цагдан хоригдсон гэж мэдэгдсэн ч шүүхийн процесст тус хэрэг эцэслэгдэн шийдэгдээгүй. Тэгвэл түүнийг чухам ямар хэрэгт холбогдуулсан бэ “Ноёд” групп, “Сэлэнгэ ноёд” компанийн захирал, Г.Буяндорж, нутгийн ах Д.Батжаргал, “Скай тауэр Энхбуян” компанийн захирлаар ажиллаж байсан Ч.Ууганбаяр, БНХАУ-ын ӨМӨЗО-ы иргэн, “Ахон” компанийн захирал Хурцаа нар нь төмрийн хүдэр авахаар Дарханы төмөрлөгийн үйлдвэрт шилжүүлсэн хятад иргэн Шиан Дун Шэний хоёр сая доллароос 1,2 саяыг нь хуурамч бичиг баримт бүрдүүлэн авсан гэх хэрэг 2011 оноос шалгагдаж эхэлсэн. Хохирогч хятад иргэнийг Монголд анх ирэхэд нь Хурцаа нь Буяндоржтой уулзуулж Дарханы төмөрлөгийн үйлдвэртэй төмрийн гэрээ хийхэд зуучлан ажиллах, зуучлалын хөлс өгөхөөр харилцан тохирч. Гэрээний нөхцлийн дагуу төмрийн хүдрийн үнээс хоёр сая долларыг нийлүүлэгчийн дансанд шилжүүлсэн. Энэ үед хятад иргэн болон зуучлагч нарын хооронд маргаан гарч хятад иргэн хөлсөнд 500 мянган доллар өгнө гэхэд зуучлагч нэг саяийг нэхсэн. Монгол зуучлагч нь нийлүүлэгчтэй төмрийн хүдрийн гэрээ байгуулсны дараа хөлсөө авна гэхэд хятад иргэн хүдэр ачуулсаны дараа л өгнө гэх мэтээр маргалджээ. Зуучлагч хөлсөө урьдчилж өгөхгүй бол нэг ч тонн хүдэр ачигдахгүй гэсэн тул 60 мянган долларын урьдчилгаа өгсөн гэж Хятад иргэн мэдүүлсэн байдаг. Энэ зуур нийлүүлэгчийн байдлаас шалтгаалаад гэрээт төмрийн хүдэр ачигдахгүй байсан бөгөөд Хятад иргэн хүлээсээр залхаж нутаг буцахдаа орчуулагч Хурцаад компанийхаа тамгатай хоосон бланк гурвыг үлдээжээ. Зуучлагч нар “Дарханы төмөрлөгийн үйлдвэр”-ээс хүдрээ хэдэнтээ нэхээд эцэст нь мөнгөө буцааж авахаар шийджээ. Хүдрийн эзэн хятад иргэн Шиан Дун Шэн нь хоёр сая доллароос 1,2 саяыг нь авахыг Монгол зуучлагчдаа зөвшөөрсөн болж таарч нийлүүлэгч ч гэрээгээ цуцлажээ. Ингээд өнөөх бланк дээр хүсэлт бичээд төмрийн хүдрийн үнэнд шилжүүлсэн мөнгөнөөсөө 1,2 сая долларыг “Скай тауэр Энхбуян” компаний дансаар буцааж авсан бөгөөд энэ компанийн захирал нь Ч.Ууганбаяр хэдий ч Г.Буяндоржийн мэдлийх .Хэрэг явдлыг мэдсэн хятад иргэн Монголд ирэнгүүтээ цагдаад хандсанаар олон жилийн маргаан эхэлсэн байдаг. Мөнгө ч үгүй, төмрийн хүдэр ч үгүй үлдсэн Хятад иргэн нутагтаа очоод хуулийн хариуцлага хүлээж хоригдсон гэх мэдээлэл ч бий. Ингээд өнгөрсөн жил буюу 2020 онд Монгол Улсад дахин ирж, мөнгөө олж авахаар хөөцөлдсөнийг нь Г.Буяндорж “Хятад иргэнийг монголын прокурорууд өөрсдөө авчирсан”хэмээн Монгол төрөө хуулийн байгууллагатай нь хамт гүтгэж эхэлсэн бөгөөд тэр гүтгэлэг нь өнөөдөр ч үргэлжилсээр байна. Мөн Г.Буяндорж хэргийг 10 гаруй жил шалгаж, залхаан цээрлүүлсэн гэх асуудал ярьдаг ч хэрэг явдал 2017 онд прокурорт шилжин ирсэнээс хойш хэргийн мөрдөн шалгалтын ажил удааширсан нь иргэн Г.Буяндоржийн өөрийнх нь гаргасан гомдлуудаас ихэвчлэн шалтгаалсан байдаг. Г.Буяндорж нарын тухайд хэргийн хөөн хэлэлцэх хугацаа нь дууссан ч хуулийнхан гэмт хэргийн аргаар ашиг олсон гэж үзсээр байгаа. Учир нь гэмт хэрэг үйлдэж олсон орлогыг хэрхэх талаар ямар нэгэн шийдвэр гараагүй. Одоогийн байдлаар Г.Буяндорж нарыг цагаатгасан анхан шатны шүүхийн тогтоолыг цуцлагдсан хэвээр байгаа.Энэ хэргийг хэлэлцсэн Улсын дээд шүүхийн хяналтын шатны эрүүгийн хэргийн шүүх хуралдааны 2019 оны хоёрдугаар сарын 27-ны 97 дугаартай тогтоолд “Дарханы төмөрлөгийн үйлдвэр” ХК-ийн эрх бүхий албан тушаалтнууд нь гэрээний нэг талын төлөөлөгч Шиан Дуншэнийг төлбөрөө буцаан нэхэмжилсэн мэтээр хууртагдаж, төөрөгдсөн нөхцөл байдал үүссэн байхад Шиан Дуншэн, эсхүл “Дарханы төмөрлөгийн үйлдвэр”-ийн хэн нь энэ үйлдэлд хохирогчоор тогтоогдох талаар ямар нэг үндэслэл бүхий дүгнэлт хийгээгүй” гэж анхан шатны шүүхийг буруутган, энэ асуудлыг шүүхийн урьдчилсан хэлэлцүүлгээр дахин хэлэлцүүлэхээр эцэслэн шийдвэрлэсэн.Гэтэл анхан шатны шүүх хэргийг дахин хэлэлцэхдээ дээд шатны шүүхүүдээс гарсан дээрх шийдвэрийг үл хайхарч, тухайн асуудлаар ямар ч хууль зүйн дүгнэлт хийхгүйгээр хэргийг шийдвэрлэсэн хэмээн дүгнэж дахин хэлэлцүүлэхээр болсон . Уг хэргийн шүүх хурал цаг хугацааны хувьд нэгэнт тулж ирсэн тул нэгэн эрхэм ийнхүү суулт, өлсгөлөн, тэмцэл рүү шилжсэн бололтой.Гэсэн хэдий ч тэдний тэмцлийг төр анзаарч МУ-ын ерөнхий прокурортой уулзаж асуудлаа танилцуулахад нээлттэй хэмээгээд байна. Харин хохирогчийн дүр эсгэж төр засаг хуулийн байгууллагаа гүтгэж суугаа Г.Буяндорж нь хувийн батлан даалтад байх хугацаандаа ийнхүү хэд хэдэн удаа гудамжинд гарч өрөвдүүлэх тактик ашиглах болжээ. Иймд түүнээс өөрөөс нь болж жинхэнэ хохирсон иргэд өөртэй нь ижил тэгш аргаар тэмцэнэ гэдгээ илэрхийлж энэ удаад түүнийг батлан даалтанд гаргаж гүтгэлэг явуулах боломж нөхцөлөөр хангаж байгааг нь таслан зогсоохын тулд таслан сэргийлэх арга хэмжээг авч өгөхийг шаардаж эхлэн прокурорын байгууллагад шаардлагыг хүргүүлээд байна.Энэ асуудлаар бид тухай бүрт нь мэдээлсээр байх болно.

АНАНДБАЗАР ТОМООХОН ШАТАХУУН ИМПОРТЛОГЧ КОМПАНИЙН ЭЗЭГТЭЙГ НӨХРИЙНХ НЬ НҮДЭН ДЭЭР ХҮЧИРХИЙЛСЭН ГЭВ ҮҮ ?

09 / 14 0 сэтгэгдэл 1 501 үзсэнe

УИХ-ын гишүүн, “Содмонгол” группийн захирал Д.Анандбазарыг ажилтнууддаа бэлгийн дарамт үзүүлдэг гэх яриа гарч, хохирогч нар гэгдэх эмэгтэйчүүд ээлжлэн бузар булай явдлыг нь илчилсэн. Энэ хэрэг өдгөө хуулийн байгууллагад шалгагдаж байгаа. Тэгвэл 2000-аад оны үед болсон Анандбазарын хүчингийн хэргийн гэрч мэдээлэл өгчээ : Миний удирдлагад нь ажиллаж байсан гэр бүлийн хүмүүсийн бизнесийг дээрэмдэж авахаар ёс бус арга хэрэглэж, зодож нүдэж, дарамталж, тэр бүү хэл гэр бүлийн хүнийг нь нөхрийнх нь нүдэн дээр хүчиндэж байхыг нь энэ хоёр нүдээрээ хараад зогсч байлаа. Амьд гэрчийн хувьд энэ талаар болсон явдлыг ард түмэнд чадах чинээгээрээ хүргэхийн зэрэгцээ Анандбазар гэгч гаж донтныг зохих шийтгэлээ хүлээгээсэй гэж хүсч ийнхүү хэвлэлд мэдээлжээ. Эх сурвалжийн мэдээлж байгаагаар гэмт хэрэгтэн болон хохирогч нар нь одоо ч энэ салбартаа ажилласаар байгаа төдийгүй бизнесээрээ өрсөлдсөөр байгаа гэнэ. Учир нь тэрээр нэгэн шатахуун импортлогч компанид хамгаалагчаар ажилладаг байжээ. Тухайн үед бизнес нь дөнгөж эхэлж байсан ч маш амжилттай өргөжин тэлж байсан компани аж. Энэ нь Анандбазар гэдэг хүнд таалагдаагүй. Өөрийнх нь хийж байсан, хийх гэж байсан төсөлтэй нь түүний компанийн төсөл давхцсанаар тогтохгүй түрүүлж хөдөлсөн учраас Анандбазарыг шахах нь тодорхой байжээ.Тийм учраас Анандбазар рецедивүүдтэй холбогдож, тус шатахуун импортлогч компанийн захирлыг дарамтлуулахаар тохирчээ.Тус тохироо ёсоор дарамт шахалт зодоон тарчлаан ид явагдаж байх үеэр эхнэрийг нь дагуулж ирсэн рецедивүүдээрээ бариулж байгаад өөрийн биеэр хүчирхийлсэн. Харин энэ бузар явдлын маргааш нь тухайн шатахуун импортлогч компанийн захирлыг цагдаагийн алба хаагчид саатуулж хоёр сар орчим хориод сулласан гэх мэдээллийг нэрээ нууцалсан эх сурвалж Монголын хэвлэлүүдэд мэдээлж тус нийтлэл нь олны жигшлийг төрүүлсээр буй.

БОХИР УЛСТӨРЧДИЙН БАРИВЧИЛГААНЫ АРД ӨРНӨСӨН “АШИГ СОНИРХОЛ”-УУД ...

09 / 14 0 сэтгэгдэл 1 558 үзсэнe

Төрийн өмчит “ДЦС-3”-ийн захирал Ч.Чинбатыг авлига авч байгаад үйлдэл дээрээ баригдсан хэмээн мэдээлж байв. Түүнийг 48 цаг саатуулаад сулласан бөгөөд гарсан даруйдаа ажлаа өгч, хэргээ хүлээсэн. АТГ-аас Эрчим хүчний яамны харъяа зарим байгууллагад хяналт, шалгалт явуулахад тендерт оролцсон аж ахуйн нэгжүүдийг зориудаар хасаж, өөрийн танил тал, хамаарал бүхий этгээд буюу аж ахуйн нэгжид давуу байдал олгосон, тендерийг өрсөлдөгчгүй олгож, шууд гэрээ байгуулсан байж болзошгүй зэрэг зөрчил илэрсэн тул АТГ-аас Ч.Чинбатыг гүйцэтгэх ажиллагаа явуулж баривчилсан.Ч.Чинбат нь “Содон номин констракшн” ХХК, “Тод эксим” ХХК-нд давуу эрх олгож, хууль бусаар тендер олгож, үйл ажиллагаа нь эхлээгүй байхад төслийн санхүүжилтийг 100 хувь олгосон бөгөөд “Тод эксим” ХХК-нд хууль бусаар тендер өгч, түүнээсээ их хэмжээний авлига авсан байж болзошгүй аж.Үүний зэрэгцээ тэрээр нэгэн нэр бүхий УИХ-ын гишүүний нууц амрагийн тендерийн бизнесийг дэмждэг гэх мэдээлэл ч бий.Гэвч түүнийг баривчлагдаж ажлаа хүлээлгэн өгснөөс хойш “ДЦС-3” компанийн ТУЗ-ын шийдвэрээр 30 сая төгрөгийн тэтгэлэг олгож олны эгдүүцлийг төрүүлээд байгаа. Хоёр хоногийн өмнө Татварын Ерөнхий газрын дэд дарга Ц.Цогтжаргалыг АТГ-аас саатуулж гэр албан өрөөнд нь нэгжлэг хийв. Түүнийг мөн л албан тушаалын байдлаа урвуулан ашиглаж, үндэслэлгүйгээр хөрөнгөжсөн хэмээн буруутгаж байгаа. Д.Цогтжаргал нь 2017 оноос ТЕГ-ыйн орлогын газрын даргаар ажиллаж байгаад 2019 онд дэд даргаар томилогдсон бөгөөд энэ хугацаанд түүний өөрийн болон гэр бүлийн орлого өсч ирсэн. Наймдугаар сарын дундуур АТГ-ын Мөрдөн шалгах хэлтсийнхэн Мал эмнэлгийн ерөнхий газар /МЭЕГ/-ын дарга асан Д.Түмэндэмбэрэл, тус газрын Мал эмнэлгийн эрүүл ахуй, баталгаажуулалтын газрын дарга Б.Батсүх нарыг баривчилсан. Тэднийг импортоор оруулж ирсэн малын вакциныг тав дахин өндөр үнээр улсад шахаж, дундаас нь 800 мянган ам.доллар завшсан хэрэгт шалгаж эхэлсэн. Тэд 2018 оноос хойшхи ийм үйлдлүүдээрээ 800 мянган ам.доллар завшсан байж болзошгүй. Мөн бохир улстөрчдийн эгнээнд элсэж баривчлагдан саатуулагдсан эрхмүүдийн жагсаалтад ОСНААУГ-ын дарга Ч.Мэндбаяр, УСУГ-ын дарга Ц.Төрхүү, Хот, суурины ус хангамж, ариутгах татуургын ашиглалт, үйлчилгээг зохицуулах зөвлөлийн дарга Ж.Батсуурь нарзүй ёсоор нэрлэгдэж байна. “Ковид-19” цар тахлын үед иргэд, аж ахуйн нэгжид ирэх эдийн засгийн дарамтаас хөнгөлж, дэмжлэг үзүүлэх зорилгоор цахилгаан, дулаан, цэвэр, бохир усны төлбөрийг 2020 оны арванхоёрдугаар сараас хойш Монгол Улсын Засгийн газраас хариуцах болсон.Харин Засгийн газрын энэ шийдвэрийг хэрэгжүүлэх үүрэгтэй эдгээр байгууллагын дарга нар дээрхи хөнгөлөлтийг хэрэгжүүлэхдээ эрх мэдэл, албан тушаалаа урвуулж, хөрөнгө завшсан гэх үндэслэлээр хэрэг бүртгэлтийн хэрэг нээн шалгаж эхэлжээ.Тэд айл өрх, аж ахуйн нэгжийн цэвэр, бохир усны төлбөр дээр ОСНААУГ, УСУГ, Хот, суурины ус хангамж, ариутгах татуургын ашиглалт, үйлчилгээг зохицуулах зөвлөлийн эрх бүхий албан тушаалтнууд мөнгө нэмж бичин улсад их хэмжээний хохирол учруулж байсныг хууль сахиулагчид тогтоожээ.Энэ талаар хууль, хяналтын байгууллагынхнаас тодруулахад дээрхи нэр бүхий дарга нарыг Эрүүгийн хуулийн 22.1 дэх хэсэгт заасан эрх мэдлээ урвуулсан үндэслэлээр хэрэг бүртгэлтийн хэрэг нээн шалгаж эхэлсэн нь үнэн. Шалгалтын явцад эрүүгийн хэрэг үүсгэж, яллагдагчаар татах, эсэх нь тодорхой болно” гэжээ. Газар зохион байгуулалт, геодизи зураг зүйн газрын дарга Ц.Ганхүү болон хамаарал бүхий этгээдүүдийнх нь гэрт АТГ-ынхан наймдугаар сарын 26-нд нэгжлэг хийв. Нэгжлэгээр Ц.Ганхүүгийн гэрээс 200 сая төгрөгтэй тэнцэх доллар, юань, валют гарч ирснийг хураажээ.Түүнийг ашиг сонирхлын зөрчил үүсгэж, Зайсангийн аманд хамаарал бүхий хүмүүсийнхээ компанид барилга, орон сууц барих зөвшөөрөл олгуулсан гэх хэрэгт холбогдуулан шалгаж эхэлжээ.Тэрээр өөрийн төрсөн хүү болох Ганхүүгийн Батболдын гүйцэтгэх захирлаар ажилладаг, 2006 онд байгуулсан, өөрийн 50 хувийн эзэмшлийн “Инэл” компанид барилга, орон сууц барих зөвшөөрөл олгосон тус компани Зайсангийн аманд “Инэл Зайсан виллаж”, “Чариот Резиденс”, “Морьтон Резиденс” хотхоныг барьсан гэх мэдээлэл бий. Наймдугаар сарын 11-ний Засгийн газрын ээлжит хуралдаанаар ИНЕГ-ын дарга Л.Бямбасүрэнг үүрэгт ажлаас нь чөлөөлсөн. Улмаар түүний албан үүргээ гүйцэтгэх хугацаанд холбогдсон асуудлуудыг шалгуулахаар АТГ-т шилжүүлжээ.Тэрээр “Улаанбаатар-Сөүл-Улаанбаатар” чиглэлийн МИАТ ХК-ийн нислэгийн тоог цөөлж, бусад хувийн авиа компанид мэдэгдэлгүй зөвхөн “Изинис Эйрвэйз” ХХК-ийнхыг нэмэгдүүлэхээр нууцаар ажиллаж байгаад баригджээ.Энэ нь өөрийн шууд удирддаг МИАТ ХК-даа хохирол учруулсан гэрээ хийж, эрх ашгийн зөрчил гаргасан гэсэн үг юм. Хууль хяналтынхан Л.Бямбасүрэнгийн гэр, зуслангийн байшинд нь үзлэг нэгжлэг хийж ХОМ-тээ мэдүүлээгүй компани, үл хөдлөх хөрөнгийн талаарх мэдээллүүдийг илрүүлжээ. ХӨСҮТ-ийн Нэгдсэн лабораторийн албаны дарга С.Энхзаяа. БЗДХ лабораторийн эрхлэгч Ш.Мягмарсүрэн тэргүүтэй хүмүүсийг шалгаж байгаа. Тэд төсөвт хуримтлагдах учиртай их хэмжээний мөнгийг хуваан завшсан байж болзошгүй асуудлыг АТГ мөрдөн шалгаж дуусаад, прокурорын байгууллагад шилжүүлжээ.2018 оны тавдугаар сарын 28-ны өдөр ХӨСҮТ-ийн Ерөнхий захирал Д.Нямхүү А/48 тоот “Төлбөртэй тусламж үйлчилгээний журам жагсаалт, тариф батлах тухай” тушаал гаргажээ.Энэ тушаал хэрэгжиж эхэлснээр төлбөртэй үйлчилгээний орлогыг тушаалд заасан ёсоор хүлээн авахгүй, үйлчлүүлэгчээс бэлнээр авч, нэр бүхий албан тушаалтнууд зохион байгуулалтад орж, хувьдаа хуваан авдаг гэх хардлага үүсчээ.Энэ нь ковидын үеэр бүр даамжирч гадаад улсаас тусгай үүргийн онгоцоор ирсэн иргэдээс коронавирусийн шинжилгээ авахдаа тус бүрээс нь 150 мянган төгрөгийг бэлнээр хураан авсан, уг мөнгөний 50 хувь нь ХӨСҮТ-ийн санхүүд орсон ч үлдсэн 50 хувийн зарцуулалт тодорхойгүй байжээ. Тусгай үүргийн онгоцоор ирсэн нийт 6000 орчим иргэн байгаа бөгөөд тэдний шинжилгээний мөнгө нийт 900 орчим сая төгрөг болж байгаа. Гэтэл ХӨСҮТ-ийн санхүүд тус үйлчилгээний төлбөр болох 499 сая төгрөг орж 400 гаруй сая төгрөг дутаж байгаа нь шинжилгээ авах чиг үүрэгтэй хэлтэс буюу Лабораторийн хэлтсийн албан тушаалтнууд хувьдаа завшсан байж болзошгүй асуудлыг үүсгэжээ.