👉/2026.06.26/ Хан-Уул дүүргийн иргэдийн Төлөөлөгчдийн хурлын Гэмт хэргээс урьдчилан сэргийлэх ажлыг зохицуулах салбар зөвлөлийн Ажлын албанаас НҮБ-ын “Олон улсын мансууралтай тэмцэх өдөр”-ийг тохиолдуулан Хан-Уул дүүргийн прокурорын газар, Цагдаагийн нэгдүгээр хэлтэстэй хамтран дүүргийн ӨЭМТ-ийн удирдлагууд, нийгмийн ажилтнууд болон Хан-Уул дүүргийн нутаг дэвсгэрт үйл ажиллагаа явуулдаг зочид буудал, амралтын газар, үйлчилгээний төвийн төлөөлөлд “Гэмт хэрэг, зөрчлөөс хамтдаа урьдчилан сэргийлье” сургалтыг зохион байгууллаа.



👉Тус сургалтаар чиг үүргийн байгууллагын мэргэжилтнүүд дүүргийн хэмжээнд гарч буй гэмт хэрэг, зөрчлийн цаг үеийн нөхцөл байдлын тухай статистик мэдээллийг хүргэсэн бол “Мансууралгүй ирээдүй” ТББ-ын сургагч багш М.Зоригтбаатар хар тамхи, мансууруулах эм, сэтгэцэд нөлөөлөх бодистой холбоотой гэмт хэрэг зөрчлөөс хэрхэн урьдчилан сэргийлэх тухай зөвлөгөө, мэдээлэл өглөө.